ଭୋପାଳ,୧ା୪ : କରୋନା ଭାଇରସ୍କୁ ନେଇ ସମଗ୍ର ଦେଶରେ ଲକ୍ଡାଉନ୍ ଘୋଷଣା କରାଯାଇଛି। ଏହି ପରିସ୍ଥିତିରେ ଘରଦ୍ୱାର ଛାଡ଼ି ରୋଜଗାର ଆଶାରେ ବାହାରେ ଯାଇଥିବା କିଛି ଶ୍ରମିକ ଚିନ୍ତାରେ ପଡ଼ିଯାଇଛନ୍ତି। କାରଣ ଘରକୁ ଫେରିବା ପାଇଁ ଗାଡ଼ିମୋଟର ନାହିଁ। ଚାରିଆଡ଼େ ବନ୍ଦ। ଏତେ କଟକଣା ସତ୍ତ୍ୱେ ମଧ୍ୟ ଶ୍ରମିକମାନେ କିପରି ଘରକୁ ଫେରିବେ ସେ ନେଇ କୌଣସି ବାଧା ବନ୍ଧନକୁ ଖାତିର ନ କରି ଘରମୁହାଁ ହୋଇଛନ୍ତି। ଏମିତି ଏକ ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶରେ। ଶ୍ରମିକ ଜଣକ ଘରକୁ ଯିବା ପାଇଁ ଗୋଡ଼ରେ ହୋଇଥିବା ପ୍ଲାଷ୍ଟରକୁ ନିଜେ ନିଜେ ଖୋଲିଦେଇଛନ୍ତି। ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।
ରାଜସ୍ଥାନରେ ରହୁଥିବା ଭ୍ରମରଲାଲଙ୍କ ଗୋଡ଼ରେ ପ୍ଲାଷ୍ଟର ହୋଇଥିଲା। ମାତ୍ର ଭଙ୍ଗା ଗୋଡ଼ ଠିକ୍ ହୋଇ ନ ଥିଲେ ମଧ୍ୟ ଘରକୁ ଯିବା ପାଇଁ ବାଧ୍ୟ ହୋଇ ସେ ପ୍ଲାଷ୍ଟର ଖୋଲିଦେଇଛନ୍ତି। ପରେ ପାଦରେ ଚାଲିଚାଲି ଘର ଅଭିମୁଖେ ବାହାରିଛନ୍ତି। ରାଜସ୍ଥାନର ବାଙ୍ଗ୍ରା ଜିଲାରୁ ନିଜ ଗାଁରେ ପହଞ୍ଚିବା ପାଇଁ ତାଙ୍କୁ ପ୍ରାୟ ୨୪୦ କିଲୋମିଟର ଯାତ୍ରା କରିବାକୁ ପଡ଼ିବ। ଭ୍ରମରଲାଲ କହିଛନ୍ତି, ସ୍ଥାନେ ସ୍ଥାନେ ତାଙ୍କୁ ପୋଲିସ ଅଟକାଉଛି। ମାତ୍ର ତାଙ୍କ ନିକଟରେ ଆଉ ବିକଳ୍ପ ନାହିଁ। ସେ କହିଛନ୍ତି, ତାଙ୍କ ପରିବାରେ ସେ ଏକା। ତେଣୁ ଯେମିତି ହେଲେ ଘରକୁ ଫେରିବାକୁ ପଡ଼ିବ।
भंवरलाल को राजस्थान जाना है,@ashokgehlot51 #lockdown में प्लास्टर काटा ताकी मंदसौर से पैदल जा सकें, गाड़ी का इंतज़ाम नहीं है @ChouhanShivraj @SachinPilot @ndtvindia @digvijaya_28 @INCIndia @RahulGandhi #NizamuddinMarkaz #TablighiJamat #COVID2019mx @AunindyoC @manishndtv pic.twitter.com/EFGEBqS9EU
— Anurag Dwary (@Anurag_Dwary) March 31, 2020
