ଭୋପାଳ,୧୨।୪: ମଧ୍ୟପ୍ରଦେଶ ଏକମାତ୍ର ରାଜ୍ୟ ଯେଉଁଠି ଏବେ କେହି ସ୍ବାସ୍ଥ୍ୟମନ୍ତ୍ରୀ ଓ ସ୍ବରାଷ୍ଟ୍ରମନ୍ତ୍ରୀ ନାହାନ୍ତି ବୋଲି ରବିବାର କହିଛନ୍ତି ବରିଷ୍ଠ କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ କମଳନାଥ। ରାଜ୍ୟରେ କରୋନା ସଂକ୍ରମଣକୁ ଲକ୍ଷ୍ୟ କରି ସେ କହିଛନ୍ତି, ରାହୁଲ ଗାନ୍ଧୀ କୋଭିଡ-୧୯କୁ ନେଇ ଉଦ୍ବେଗ ପ୍ରକାଶ କରିବାର ୪୦ଦିନ ପରେ କେନ୍ଦ୍ର ଲକଡାଉନ୍ ଘୋଷଣା କଲା। ତେଣୁ କୋଭିଡ-୧୯ର ମୁକାବିଲା କରିବାକୁ ହେଲେ ଯେଉଁ ପଦକ୍ଷେପ ନେବାକଥା ସେଥିରେ କେନ୍ଦ୍ର ସରକାର ବିଳମ୍ବ କଲେ ବୋଲି କମଳନାଥ ଅଭିଯୋଗ କରିଛନ୍ତି। ସୂଚନାଯୋଗ୍ୟ, ଏବେ ସାରା ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୮ ହଜାର ଅତିକ୍ରମ କରିଥିବା ବେଳେ ମଧ୍ୟପ୍ରଦେଶର ସ୍ଥିତି ମଧ୍ୟ ଉଦ୍ବେଗଜନକ ଅଛି। ସୂଚନାଯୋଗ୍ୟ, ମଧ୍ୟ ପ୍ରଦେଶରେ ଏବେ କରୋନା ସଂକ୍ରମିତଙ୍କ ସଂଖ୍ୟା ୫ଶହ ଅତିକମ୍ର କରି ସାରିଲାଣି।
