ନୂଆଦିଲ୍ଲୀ: ଜୁନ୍ ୨୧ରେ ପଡୁଥିବା ସୂର୍ଯ୍ୟ ପରାଗକୁ ନେଇ ଜ୍ୟୋତିର୍ବିଦମାନେ ନାନା ଗଣନା କରିଛନ୍ତି। ଏହି ସୂର୍ଯ୍ୟ ପରାଗର ପ୍ରଭାବ କିଛି ରାଶି ଉପରେ ଭଲ ଫଳ ଦେଉଥିବା ବେଳେ ଆଉ କିଛି ରାଶି ପାଇଁ ଭଲ ଫଳ ଦେବନାହିଁ ବୋଲି ଜ୍ୟୋତିର୍ବିଦମାନେ କହିଛନ୍ତି। ଏହା ମିଥୁନ ରାଶିରେ ହେଉଥିବାରୁ ମିଥୁନ ରାଶି ପାଇଁ ଏହା ଭଲ ନୁହେଁ ବୋଲି କୁହାଯାଉଛି। ତେବେ କେତେଜଣ ଜ୍ୟୋତିଷ ରାଜନେତା, ସେଲିବ୍ରିଟି, ଉଦ୍ୟୋଗପତିମାନଙ୍କ ଉପରେ ଏହାର କି ପ୍ରଭାବ ପଡିବ ତାକୁ ନେଇ ଆଲୋଚନା କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କଥା ଆଲୋଚନାକୁ ନେଇ ସେମାନେ କହିଛନ୍ତି ମୋଦିଙ୍କର ବିଛା ରାଶି ଓ ତାଙ୍କ ଦଳର ରାଶି ବିଛା ହୋଇଥିବାରୁ ଏହି ସୂର୍ଯ୍ୟ ପରାଗ ତାଙ୍କୁ ଭଲ ଫଳ ଦେବ ନାହିଁ। ମୋଦି ତାଙ୍କ ଶାସନ କାଳ ସମୟରେ ଏକ ବଡ ଯୁଦ୍ଧର ସାମ୍ନା କରିବେ ବୋଲି କୁହାଯାଉଛି। ତେବେ ସୂର୍ଯ୍ୟ ପରାଗ ପରେ ଏହାର ଆରମ୍ଭ ହେବ ବୋଲି ଗଣନା କରାଯାଇଥିବା ଜ୍ୟୋତିଷ କହିଛନ୍ତି। ସେହିପରି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ରାଶି ମିଥୁନ ହୋଇଥିବାରୁ ଓ ଏହି ରାଶିରେ ସୂର୍ଯ୍ୟ ପରାଗ ଲାଗୁଥିବାରୁ ତାଙ୍କର ସ୍ବାସ୍ଥ୍ୟ ସମସ୍ୟା ଦେଖାଦେଇ ପାରେ ବୋଲି କୁହାଯାଉଛି। ସେହିପରି ଧର୍ମଗୁରୁ ଦଲାଇ ଲାମା, ଶ୍ରୀ ଶ୍ରୀ ରବି ଶଙ୍କର ଓ ଓଡ଼ିଶାର ମୁଖ୍ୟମନ୍ତ୍ରୀ ନବିନ ପଟ୍ଟନାୟକ ମଧ୍ୟ ମିଥୁନ ରାଶିର ହୋଇଥିବାରୁ ସେମାନଙ୍କ ପାଇଁ ସୂର୍ଯ୍ୟ ପରାଗ ଭଲ ଫଳ ଆଣିବ ନାହିଁ ବୋଲି କୁହାଯାଉଛି। ସେହିପରି ଏହା ଧନୁ ରାଶି ପାଇଁ ଭଲ ଫଳ ଆଣୁ ନ ଥିବାରୁ କଂଗ୍ରେସ ନେତା ରାହୁଲ ଗାନ୍ଧୀ ଓ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କର ଧନୁ ରାଶି ହୋଇଥିବାରୁ ଏମାନଙ୍କ ପାଇଁ ମଧ୍ୟ ସମସ୍ୟା ଆସିପାରେ ବୋଲି ଜ୍ୟୋତିଷ କହୁଛନ୍ତି।
