ମୃତ୍ୟୁଫାଶରୁ ମୁକୁଳିଥିଲେ ୧୨ ଫୁଟ୍‌ବଲ ଖେଳାଳି

ବ୍ୟାଙ୍କକ୍‌,୨୩ା୬(ଆଇଏଏନ୍‌ଏସ୍‌): ଠିକ୍‌ ବର୍ଷକ ତଳେ ଉତ୍ତର ଥାଇଲାଣ୍ଡର ଏକ ଗୁମ୍ଫାରେ ଫସି ରହିଥିଲେ ୧୨ଜଣ କିଶୋର ଫୁଟବଲ୍‌ ଖେଳାଳି। ଦୀର୍ଘ ୧୫ ଦିନ ପରେ ସେମାନଙ୍କୁ ଯେଉଁ କଷ୍ଟସାଧ୍ୟ ଉଦ୍ୟମ କରି ଉଦ୍ଧାର କରାଯାଇଥିଲା ତାହା ଉପରେ ବିଶ୍ୱବାସୀଙ୍କ ଧ୍ୟାନ କେନ୍ଦ୍ରୀଭୂତ ହୋଇଥିଲା।
ବର୍ତ୍ତମାନ ଏହି ପିଲାମାନେ ସ୍ବାଭାବିକ ଅବସ୍ଥାକୁ ଫେରି ପାଠପଢ଼ା ଜାରି ରଖିଛନ୍ତି। ଫୁଟବଲ୍‌ କୋଚ୍‌ ଏକାପୋଲ୍‌ ଚାନ୍ଥାଓଙ୍ଗ ମଧ୍ୟ ନିଜର ଏକ ଏକାଡେମୀ ଖୋଲି ଅତୀତର ଅଙ୍ଗେଲିଭା ସ୍ମୃତିକୁ ଭୁଲିଯିବାକୁ ବସିଛନ୍ତି। ସେମାନଙ୍କ ସୋସିଆଲ ମିଡିଆ ଆକାଉଣ୍ଟକୁ ଲକ୍ଷଲକ୍ଷ ଲୋକ ଫଲୋ କରିଥିବା ‘ଏଫି ନ୍ୟୁଜ୍‌’ରେ ରିପୋର୍ଟ ପ୍ରକାଶ ପାଇଛି।
କାଳଗୁମ୍ଫାରୁ ଉଦ୍ଧାର ପାଇବା ପରେ ଆମନ୍ତ୍ରଣ କ୍ରମେ ବିଭିନ୍ନ ଦେଶ ଗସ୍ତ କରିଥିଲା ଏହି ଟିମ୍‌। ଏହି ଘଟଣା ଉପରେ ଏକ ଫିଲ୍ମ ନିର୍ମାଣ ପାଇଁ ମଧ୍ୟ ନେଟଫ୍ଲିକ୍ସ ସହ ଚୁକ୍ତି ହୋଇଛି। ଫୁଟବଲ୍‌ ଖେଳାଳିଙ୍କ ବୟସ ଥିଲା ୧୧ରୁ ୧୬ବର୍ଷ। ସେମାନେ ଫୁଟବଲ୍‌ ଖେଳି କୋଚ୍‌ଙ୍କ ସହ ଘରକୁ ଫେରୁଥିବାବେଳେ ମଜାରେ ମଜାରେ ସୁଡଙ୍ଗ ପଥ ଦେଇ ଏକ ଗୁମ୍ଫା ଭିତରେ ପ୍ରବେଶ କରିଥିଲେ। ଦୁର୍ଯୋଗକୁ ମୌସୁମୀ ବାୟୁଜନିତ ପ୍ରବଳ ବର୍ଷା ହେବାରୁ ସେମାନଙ୍କ ଫେରିବା ପଥ ବୁଡିଯାଇଥିଲା ଏବଂ ସେମାନେ ସେଇ ଗୁମ୍ଫାରେ ହିଁ ଫସି ରହିଥିଲେ। ସେଇ କାଳଗୁମ୍ଫାରୁ ନ ଫେରିବାରୁ ପରିବାର ସଦସ୍ୟଙ୍କ ସମେତ ଜନସାଧାରଣ ଭୟଭୀତ ହୋଇପଡିଥିଲେ। ଏହି ଘଟଣା ବିଭିନ୍ନ ଗଣମାଧ୍ୟମରେ ସେତେବେଳେ ଖୁବ୍‌ ଚର୍ଚ୍ଚା ହୋଇଥିଲା। ବୁଡାଳି ଏବଂ ଗୁମ୍ଫା ବିଶେଷଜ୍ଞଙ୍କୁ ନେଇ ଏକ ଅର୍ନ୍ତଜାତୀୟ ଟିମ୍‌ ଉକ୍ତ ଫୁଟବଲ୍‌ ଖେଳାଳିଙ୍କୁ ଉଦ୍ଧାର କରିଥିଲେ।
ଟିମ୍‌ର କୋଚ୍‌ ଏକାପୋଲ୍‌ ଚାନ୍ଥାଓଙ୍ଗ୍‌ ଥାମ୍‌ ଲୁଆଙ୍ଗ କେଭ୍‌ ନିକଟରେ ନିଜର ଏକ ଫୁଟବଲ୍‌ ଏକାଡେମୀ ଗଢ଼ିଛନ୍ତି। ତାଙ୍କ ଫେସବୁକ୍‌ ପେଜ୍‌ରେ ୧,୮୩,୦୦୦ ଅନୁସରଣକାରୀ ଅଛନ୍ତି। ଏ ପର୍ଯ୍ୟନ୍ତ ଏହି ଉଦ୍ଧାର ଅଭିଯାନକୁ ନେଇ ଦୁଇଟି ପୁସ୍ତକ ପ୍ରକାଶିତ ହେଲାଣି।
ଶେଷରେ ଜୁଲାଇ ୨ରେ ଦୁଇଜଣ ବ୍ରିଟିଶ ବୁଡାଳି କିଶୋର ଖେଳାଳିମାନଙ୍କୁ ପାଇବାରେ ସମର୍ଥ ହୋଇଥିଲେ। ବିନା ଖାଦ୍ୟରେ ଅନ୍ଧାର ଭିତରେ କେବଳ ଗୁମ୍ଫାକାନ୍ଥରୁ ଝରୁଥିବା ପାଣି ପିଇ ସେମାନେ ଜୀବନ ବଞ୍ଚାଇଥିଲେ। ଜୁଲାଇ ୮ରୁ ୧୦ ମଧ୍ୟରେ ପିଲାଙ୍କୁ ପହଁରା ତାଲିମ ଦିଆଯାଇଥିଲା। ସ୍ବତନ୍ତ୍ର ବୁଡାଳି ଟିମ୍‌ ଦ୍ୱାରା ଦୀର୍ଘ ୪କିଲୋମିଟର ବ୍ୟାପୀ ଜଳଭରା ବିପଜ୍ଜନକ ପଥଦେଇ ସେମାନଙ୍କୁ ଉଦ୍ଧାର କରାଯାଇଥିଲା। ସେମାନଙ୍କର ଦୁଃସାହସିକ ରହଣି, ଧୈର୍ଯ୍ୟ ଏବଂ ନିରାପଦ ପ୍ରତ୍ୟାବର୍ତ୍ତନ ପାଇଁ ଅକ୍ଟୋବରରେ ମାଞ୍ଚେଷ୍ଟର ୟୁନାଇଟେଡ ମ୍ୟାଚ୍‌ରେ ଯୋଗ ଦେବାଲାଗି ସେମାନଙ୍କୁ ବ୍ରିଟେନ ନିମନ୍ତ୍ରଣ କରାଯାଇଥିଲା। ସେମାନେ ମଧ୍ୟ ସମର ୟୁଥ୍‌ ଅଲିମ୍ପିକ୍ସ ଦେଖିବା ଲାଗି ବୁଏନ୍ସ ଏରିସ୍‌ ଗସ୍ତ କରିଥିଲେ। ଆମେରିକାର ସୁପରିଚିତ ଟିଭି ହୋଷ୍ଟ ଏଲେନ୍‌ ଡିଜେନେରେସ୍‌ ସେମାନଙ୍କର ସାକ୍ଷାତକାର ନେଇଥିଲେ।
ବର୍ଷକ ତଳର ସେଇ ଦୁଃଖଦ ସ୍ମୃତି ଚାରଣ କରି ରବିବାର ଥାଇଲାଣ୍ଡରେ ଏକ ଗଣଦୌଡ ଅନୁଷ୍ଠିତ ହେଉଛି। ଏହି ଚର୍ଚ୍ଚିତ ଗୁମ୍ଫାକୁ ମ୍ୟୁଜିୟମରେ ପରିଣତ କରାଯିବା ସହିତ ଉଦ୍ଧାର କାର୍ଯ୍ୟ ବେଳେ ପ୍ରାଣ ହରାଇଥିବା ଥାଇ ଡାଇଭର ସମନ କୁନାନଙ୍କ ଏକ ବ୍ରୋଞ୍ଜ ପ୍ରତିମୂର୍ତ୍ତି ମଧ୍ୟ ନିର୍ମାଣ ହୋଇଛି। ଗୁମ୍ଫାର ପ୍ରବେଶପଥ ନିକଟରେ ସୋମବାର ଅନୁଷ୍ଠିତ ହେଉଥିବା ବୌଦ୍ଧ ଧର୍ମାବଲମ୍ବୀଙ୍କ ଏକ କାର୍ଯ୍ୟକ୍ରମରେ ଫୁଟବଲ ଖେଳାଳି ଏବଂ କୋଚ ଅଂଶଗ୍ରହଣ କରିବେ।


Enter your email to get our daily news in your inbox.

All Right Reserved By Dharitri.Com

ଥରିଲା ଗ୍ରୀସ୍‌

ଏଥେନ୍ସ,୨୯ା୩: ଗ୍ରୀସ୍‌ର ଦକ୍ଷିଣ ଅଞ୍ଚଳରେ ଭୂକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲ୍‌ରେ ଏହାର ତୀବ୍ରତା ୬ ଥିଲା। ୟୁରୋପୀୟ ଭୂମଧ୍ୟସାଗରୀୟ ଭୂକମ୍ପ କେନ୍ଦ୍ର (ଇଏମ୍‌ଏସ୍‌ସି) ସ୍ଥାନୀୟ...

ଗୋଟିଏ ମଞ୍ଚରେ ଏକାଠି ହେଲେ ବର୍ତ୍ତମାନ-ପୂର୍ବତନ ରାଷ୍ଟ୍ରପତି, ବାଇଡେନଙ୍କୁ ସମର୍ଥନ କଲେ ଓବାମା-କ୍ଲିଣ୍ଟନ

ଓ୍ବାଶଇଂଟନ,୨୯।୩: ଆମେରିକାର ରାଷ୍ଟ୍ରପତି ଜୋ ବାଇଡେନ ପୂର୍ବତନ ରାଷ୍ଟ୍ରପତି ବାରାକ ଓବାମା ଏବଂ ବିଲ କ୍ଲିଣ୍ଟନଙ୍କୁ ଏକାଠି ଗୋଟିଏ ମଞ୍ଚରେ ଏକ ଧନ ସଂଗ୍ରହ କାର୍ଯ୍ୟକ୍ରମରେ...

ଆମ ପିଲା ବହୁତ ଆଡ୍‌ଭାନ୍ସ: ଜନ୍ମ ହେବା ମାତ୍ରେ କୁହନ୍ତି AI

ନୂଆଦିଲ୍ଲୀ,୨୯ା୩: ଲୋକ ସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସ ଅନେକ ପ୍ରସଙ୍ଗରେ ଆଲୋଚନା କରିଥିଲେ। ଏହା...

ମୋଦି-ବିଲ୍‌ ଗେଟ୍ସ ଆଲୋଚନା: ସବୁ ଗାଁରେ ପହଞ୍ଚିବ ଡିଜିଟାଲ୍‌ ସେବା

ନୂଆଦିଲ୍ଲୀ,୨୯ା୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସଙ୍କ ମଧ୍ୟରେ ଏକ ବଡ଼ ଆଲୋଚନା ହୋଇଛି। ପ୍ରଧାନମନ୍ତ୍ରୀ ବିଲ୍‌ ଗେଟ୍ସଙ୍କୁ କହିଛନ୍ତି,...

ବ୍ରିଜ୍‌ ଉପରୁ ତଳକୁ ଖସିଲା ବସ୍‌: ଚାଲିଗଲା ୪୫ ଜୀବନ

କେପଟାଉନ୍‌,୨୯।୩: ଦକ୍ଷିଣ ଆଫ୍ରିକାର ଏକ ବସ ବ୍ରିଜ୍‌ ଉପରୁ ତଳକୁ ଖସିପଡିଛି। ଅତି କମରେ ୪୫ ଜଣଙ୍କର ମୃତ୍ୟୁ ଘଟିଛି ଏବଂ ଜଣେ ଆଠ ବର୍ଷର...

ଏହି କଥା ନେଇ ଭାବପ୍ରବଣ ହୋଇଗଲେ ବ୍ରିଟେନ ପ୍ରଧାନମନ୍ତ୍ରୀ: କହିଲେ, ମୋ ୨ ଝିଅ…

ଲଣ୍ଡନ,୨୯।୩: ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଭାବପ୍ରବଣ ହୋଇପଡିଛନ୍ତି। ସୁନକ କହିଛନ୍ତି ଯେ, ମୋର ଦୁଇ ଝିଅ ଅଛନ୍ତି, କୃଷ୍ଣା (୧୨) ଏବଂ ଅନୁଷ୍କା (୧୧)...

ସମ୍ପୂର୍ଣ୍ଣ ସେନା ପ୍ରତ୍ୟାହାର ଲାଗି ଭାରତ-ଚାଇନା ମଧ୍ୟରେ ଜୋର୍‌ଦାର ଆଲୋଚନା

ନୂଆଦିଲ୍ଲୀ,୨୮।୩: ପୂର୍ବ ଲଦାଖରେ ଦୀର୍ଘଦିନର ସୀମା ବିବାଦ ପରେ ଭାରତ ଏବଂ ଚାଇନାର ଶୀର୍ଷ କୂଟନୀତିଜ୍ଞମାନଙ୍କ ମଧ୍ୟରେ ସାନି ଆଲୋଚନା ଆରମ୍ଭ ହୋଇଛି। ପ୍ରକୃତ ନିୟନ୍ତ୍ରଣ...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri