ନୂଆଦିଲ୍ଲୀ,୧୦।୬: ଦେଶର ଆର୍ଥତ୍କ ରାଜଧାନୀ କୁହାଯାଉଥିବା ମୁମ୍ବାଇ ସହରରେ ଜୀବନଯାପନ କରିବା ସବୁଠାରୁ ମହଙ୍ଗା। ନିକଟରେ ହୋଇଥିବା ମରସର୍ସ ୨୦୨୦ କଷ୍ଟ ଅଫ୍ ଲିଭିଂ ୨୦୨୦ ସର୍ଭେରୁ ଏହା ସାମ୍ନାକୁ ଆସିଛି। ବିଶ୍ୱର ସବୁଠୁ ବ୍ୟୟ ବହୁଳ ସହର ମଧ୍ୟରେ ମୁମ୍ବାଇ ୬୦ତମ ସ୍ଥାନରେ ରହିଛି। ଏହା ଏସିଆର ୧୯ତମ ବ୍ୟୟବହୁଳ ସହର ବୋଲି ଜଣାପଡ଼ିଛି। ଏହି ତାଲିକାରେ ଭାରତୀୟ ସହରଗୁଡିକ ମଧ୍ୟରେ ମୁମ୍ବାଇ ପ୍ରଥମ ସ୍ଥାନରେ ରହିଛି। ସେହିଭଳି ବିଶ୍ୱ ସ୍ତର କଥା ବିଚାର କଲେ ନୂଆଦିଲ୍ଲୀ ୧୦୧ତମ ଏବଂ ଚେନ୍ନାଇ ୧୪୩ତମ ସ୍ଥାନରେ ରହିଛି। ବାଙ୍ଗାଲୋର ୧୭୧, କଲିକତା ୧୮୫ତମ ସ୍ଥାନରେ ରହିଛି। ଭାରତୀୟ ସହରଗୁଡିକ ମଧ୍ୟରେ କଲିକତାରେ ଜୀବନ ଯାପନ ଅପେକ୍ଷାକୃତ ସୁଲଭ ବୋଲି ଏହି ରିପୋର୍ଟରେ ଉଲ୍ଲେଖ କରାଯାଇଛି। ଭାରତୀୟ ସହରଗୁଡିକର ର଼୍ୟାଙ୍କିଙ୍ଗ୍ରେ ପରିବର୍ତ୍ତନ ହୋଇଥିବା ଜଣାପଡିଛି। ସହରଗୁଡିକ ଅନ୍ତତଃପକ୍ଷେ ୪ଟି ସ୍ଥାନ ଲେଖାଏ ବଢ଼ିଛନ୍ତି। ଦିଲ୍ଲୀ ସର୍ବାଧିକ ୧୭ଟି ସ୍ଥାନ ଉପରକୁ ଉଠିଛି। ଅର୍ଥାତ୍ ସହରଗୁଡିକରେ ଜୀବନଯାପନ ମହଙ୍ଗା ହୋଇ ଚାଲୁଥିବା ଜଣାପଡିଛି। ବିଶ୍ୱ ସ୍ତରର ତାଲିକାରେ ହଂକଂ ପ୍ରଥମ ସ୍ଥାନରେ ରହିଛି। ଦ୍ୱିତୀୟରେ ତୁର୍କମେନିସ୍ତାନ, ତୃତୀୟରେ ଜାପାନର ଟୋକିଓ ଚତୁର୍ଥରେ ସୁଇଜରଲାଣ୍ଡର ଜୁରିଚ୍, ପଞ୍ଚମରେ ସିଙ୍ଗାପୁର, ୬ନମ୍ବର ସ୍ଥାନରେ ନ୍ୟୁୟର୍କ, ସପ୍ତମରେ ସାଂଘାଇ, ଅଷ୍ଟମରେ ବର୍ନ, ନବମରେ ଜେନେଭା ଏବଂ ଦଶମରେ ବେଜିଂ ରହିଛି। ତାଲିକାରେ ବିଶ୍ୱର ୯ ସହରକୁ ସାମିଲ କରାଯାଇଥିଲା।
