କାମାକ୍ଷାନଗର, ୫।୩(ଡି.ଏନ.ଏ.) – ବିବାହ ଭୋଜିରେ ଯୋଗଦେବାକୁ ଖୁସି ମନରେ ବାହାରିଥିଲେ ଘରୁ। ସାଙ୍ଗରେ ଥିଲେ ୫ବର୍ଷର ପୁଅ। ଘଣ୍ଟାଏ ପରେ ପହଞ୍ଚତ୍ଥାନ୍ତେ ବିବାହ ଭୋଜିରେ। ହେଲେ ବିଧିର ବିଧାନ ଥିଲା କିଛି ଅଲଗା। ମୃତ୍ୟୁ ଦୂତ ସାଜି ଆସିଥିବା ହାଇଓ୍ବା କେଇ ସେକେଣ୍ଡ ଭିତରେ ସବୁକିଛି କରିଦେଲା ଓଲଟପାଲଟ। ମା’ର ଆଖି ଆଗରେ ଚାଲିଗଲା ନିରୀହ ଶିଶୁ ଜୀବନ। ବୁଧବାର ମଧ୍ୟାହ୍ନରେ ଏପରି ଏକ ହୃଦୟ ବିଦାରକ ଦୁର୍ଘଟଣା ଘଟିଛି ଢେଙ୍କାନାଳ ଜିଲା କାମାକ୍ଷାନଗର ଥାନା ବଡ଼ସୁଅଁ।ଳ ରଙ୍ଗମାଟିଆ ଗ୍ରାମରେ। ଏଥିରେ ବାଇକ୍ ଚାଳକ ଗୁରୁତର ହୋଇଥିବାବେଳେ ମୃତ ଶିଶୁଙ୍କ ମା’ ବର୍ତ୍ତିଯାଇଛନ୍ତି।
ସିଆରିମାଳିଆ ଗ୍ରାମର ସୁଧାକର ପ୍ରଧାନଙ୍କ ସ୍ତ୍ରୀ କନକ, ତାଙ୍କ ପୁଅ ବିନୟ ଏବଂ ସମ୍ପର୍କୀୟ ନିରଞ୍ଜନ ନାୟକ ବାଇକ୍ (ନଂ. ଓଡ଼ି ୦୬ ଏଫ୍ ୧୧୫୦)ରେ କଙ୍କଡ଼ାହାଡ଼ ବ୍ଲକ ଉର୍ବେଙ୍ଗୀକୁ ଏକ ବିବାହ ଭୋଜିରେ ଯୋଗଦେବାକୁ ଯାଉଥିଲେ। ରଙ୍ଗମାଟିଆ ନିକଟରେ ଜାତୀୟ ରାଜପଥ ସମ୍ପ୍ରସାରଣ କାର୍ଯ୍ୟରେ ନିୟୋଜିତ ବାଲାଜୀ ଠିକାସଂସ୍ଥାର ହାଇଓ୍ବା (ନଂ. ଓଡି ୦୧ ଏବି ୯୫୦୮) ବାଇକ୍କୁ ଧକ୍କା ଦେଇଥିଲା। ଫଳରେ ବିନୟ ଗାଡ଼ିରୁ ଛିଟିକି ପଡ଼ିଥିଲେ। ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଯାଇଥିଲା। ନିରଞ୍ଜନଙ୍କ ଡାହାଣ ଗୋଡ଼ରେ ଗଭୀର କ୍ଷତ ସୃଷ୍ଟି ହୋଇଥିବାବେଳେ କନକ ଅଳ୍ପକେ ବର୍ତ୍ତିଯାଇଛନ୍ତି। ଗୁରୁତର ଅବସ୍ଥାରେ ନିରଞ୍ଜନଙ୍କୁ ପ୍ରଥମେ କାମାକ୍ଷାନଗର ଉପଖଣ୍ଡ ଚିକିତ୍ସାଳୟ ଏବଂ ପରେ କଟକ ସ୍ଥାନାନ୍ତର କରାଯାଇଛି। ପୋଲିସ ପହଞ୍ଚତ୍ ଦୁର୍ଘଟଣା ଘଟାଇଥିବା ହାଇଓ୍ବାକୁ ଅଟକ ରଖିବା ସହ ତଦନ୍ତ ଆରମ୍ଭ କରିଛି। ଏ ନେଇ ନଂ. ୬୬/୨୦୨୦, ଦଫା ୨୭୯, ୩୩୭, ୩୩୮, ୩୦୪ (ଏ)ରେ ମାମଲା ରୁଜୁ କରାଯାଇଛି। ଏହି ଘଟଣା ଅଞ୍ଚଳରେ ଶୋକର ଛାୟା ଖେଳାଇ ଦେଇଛି।
