ମାସକ ଭିତରେ ୩ ଗୁଳିକାଣ୍ଡ: ବସ୍‌ ମାଲିକଙ୍କୁ ଗୁଳିମାଡ଼ ପରେ ଗୋଡ଼ାଇ ହାଣିଲେ

ଭୁବନେଶ୍ୱର,୯।୩(ବ୍ୟୁରୋ): କମିଶନରେଟ ପୋଲିସ ଚାହିଁ ରହିଛି, ହେଲେ ରାଜଧାନୀରେ ତୁହାକୁ ତୁହା ଗୁଳି ଫୁଟୁଛି। ଅପରାଧିମାନେ ଦିନଦ୍ୱିପ୍ରହରରେ ସଂଘବଦ୍ଧ ଭାବେ ଅପରାଧ ଘଟାଉଥିଲେ ମଧ୍ୟ ପୋଲିସ ସେମାନଙ୍କ ଟେର୍‌ ପାଉନି। ଫଳରେ ଦିନକୁ ଦିନ ଆଇନଶୃଙ୍ଖଳା ପରିସ୍ଥିତି ଭୁଶୁଡ଼ିବାରେ ଲାଗିଛି। ବୁଧବାର ବାରଙ୍ଗ
କାଟେଣି ଛକସ୍ଥିତ ଜଙ୍ଗଲ ଭ୍ୟୁ ରେଷ୍ଟୁରାଣ୍ଟରେ ଗୁଳିମାଡ଼ରେ ଜଣେ ଛାତ୍ର ଗୁରୁତର ଆହତ ହୋଇଥିବାବେଳେ ରବିବାର ଖଣ୍ଡଗିରି ଥାନାଞ୍ଚଳରେ ଫୁଟିଛି ଗୁଳି। ଆଇଗିଣିଆ ଦୁର୍ଗା ମଣ୍ଡପ ନିକଟରେ ବସ୍‌ ମାଲିକ ବିମ୍ବାଧର ସୁନ୍ଦରାୟଙ୍କ ଉପରକୁ ଦୁର୍ବୃତ୍ତମାନେ ଗୁଳିମାଡ଼ କରିଛନ୍ତି। ତେବେ ସୌଭାଗ୍ୟ ବଶତଃ ତାଙ୍କ ମୋବାଇଲ୍‌ ଫୋନ ଯୋଗୁ ସେ ବଞ୍ଚତ୍ୟାଇଥିଲେ ମଧ୍ୟ ୨୦ରୁ ୨୫ ଯୁବକ ସଂଘବଦ୍ଧ ଭାବେ ତାଙ୍କୁ ଗୋଡ଼ାଇ ଗୋଡ଼ାଇ ହାଣିଛନ୍ତି। ଫଳରେ ବିମ୍ବାଧରଙ୍କ ହାତର ଗୋଟିଏ ଆଙ୍ଗୁଠି ସମ୍ପୂର୍ଣ୍ଣ ଛିଣ୍ଡିଯାଇଥିବାବେଳେ ଅନ୍ୟ ଏକହାତ ଓ ଶରୀରର
ବିଭିନ୍ନ ସ୍ଥାନରେ କ୍ଷତ ସୃଷ୍ଟି ହୋଇଛି। ସ୍ଥାନୀୟ ଲୋକେ ତାଙ୍କୁ ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି କରିଛନ୍ତି। ଅନ୍ୟପକ୍ଷରେ ଅଭିଯୋଗ ହେବା ପରେ ପୋଲିସ ଏକ ମାମଲା (ନଂ.୧୬୭/୨୦) ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ପୋଲିସ ଘଟଣାସ୍ଥଳରେ ପହଞ୍ଚତ୍ ପ୍ରତ୍ୟକ୍ଷଦର୍ଶୀଙ୍କ ବୟାନ ନେଇଛି। ଅଭିଯୁକ୍ତମାନେ ସିଜୁଆ ଅଞ୍ଚଳର ବୋଲି ପୋଲିସ ଜାଣିବାକୁ ପାଇଛି। ଫେରାର ଥିବାରୁ ସେମାନଙ୍କୁ ଧରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଥିବା ସୂଚନା ମିଳିଛି। ଶେଷ ରିପୋର୍ଟ ମୁତାବକ, ପୋଲିସ ୩ଜଣଙ୍କୁ ଅଟକ ରଖି ପଚରାଉଚରା କରୁଛି।

ଏକ ମାସରେ ୩ ଗୁଳିକାଣ୍ଡ

ଫେବୃୟାରୀ ୧୧ରେ ଇନ୍‌ଫୋସିଟିଥାନା ଅଞ୍ଚଳରେ ରହୁଥିବା ଜଣେ ଯୁବତୀଙ୍କୁ ତାଙ୍କ ପ୍ରେମିକ ଗୁଳିମାଡ଼ କରିଥିଲେ। ଏହି ମାମଲାରେ ପୋଲିସ ୩ଜଣଙ୍କୁ ଗିରଫ କରିଥିଲେ ମଧ୍ୟ ଏପର୍ଯ୍ୟନ୍ତ ବନ୍ଧୁକ ଜବତ ହୋଇପାରିନି। ସେହିପରି ଗତ ବୁଧବାର ଚନ୍ଦକା ଥାନା କାଟେଣି ଛକ ନିକଟ ଜଙ୍ଗଲ ଭ୍ୟୁ ରେଷ୍ଟୁରାଣ୍ଟରେ ଜଣେ ଛାତ୍ର ଉପରକୁ ଗୁଳିମାଡ଼ ହୋଇଥିଲା। ଏହି ଘଟଣାରେ ମଧ୍ୟ ପୋଲିସ କାହାକୁ ଗିରଫ କରିପାରି ନ ଥିବାବେଳେ ରବିବାର ଗୁଳିକାଣ୍ଡ ପୋଲିସର ଚିନ୍ତା ବଢାଇ ଦେଇଛି।

ମୋବାଇଲ ବଞ୍ଚାଇ ଦେଲା ଜୀବନ

ଦିନ ପ୍ରାୟ ସାଢ଼େ ଗୋଟାଏ। ବିମ୍ବାଧର ଆଇଗିଣିଆ ଦୁର୍ଗାମଣ୍ଡପ ନିକଟରେ ଠିଆ ହୋଇଥିଲେ। ହଠାତ୍‌ ୨୦ରୁ ୨୫ଜଣ ଯୁବକ ମୁହଁରେ କଳା କପଡ଼ା ବାନ୍ଧି ବାଇକ୍‌ରେ ଆସି ସେଠାରେ ପହଞ୍ଚତ୍ ତାଙ୍କୁ ଘେରି ଯାଇଥିଲେ। କାହା ହାତରେ ଖଣ୍ଡା, ଭୁଜାଲି, ହକି ଷ୍ଟିକ୍‌ ତ ଆଉ କାହା ହାତରେ ବନ୍ଧୁକ ଥିଲା। ବିମ୍ବାଧର କିଛି ବୁଝିବା ପୂର୍ବରୁ ଆରମ୍ଭ ହୋଇଯାଇଥିଲା ସଂଘବଦ୍ଧ ଆକ୍ରମଣ। ଦୁର୍ବୃତ୍ତଙ୍କ ମଧ୍ୟରୁ କେହିଜଣେ ବନ୍ଧୁକରୁ ବିମ୍ବାଧରଙ୍କ ମୁଣ୍ଡକୁ ଲକ୍ଷ୍ୟ କରି ଗୁଳି ଚାଳନା କରିଥିଲେ। ହେଲେ ନିଜକୁ ବଞ୍ଚାଇବା ପାଇଁ ବିମ୍ବାଧର ହାତ ଦେଖାଇଦେଇଥିଲେ। ହାତରେ ମୋବାଇଲ୍‌ ଫୋନ୍‌ ଥିବାରୁ ଗୁଳିଟି ସେଥିରେ ବାଜିବାରୁ ତାହା ଫାଟିଯିବା ସହ ହାତର ମଧ୍ୟ କ୍ଷତ ସୃଷ୍ଟି କରିଥିଲା। ତେବେ ଗୁଳିଟି ଲକ୍ଷ୍ୟଭ୍ରଷ୍ଟ ହେବା ପରେ ଓ ବିମ୍ବାଧର ବଞ୍ଚତ୍ୟିବାରୁ ସେମାନେ ତାଙ୍କୁ ଗୋଡାଇ ଗୋଡାଇ ରାସ୍ତାରେ ହାଣିଥିଲେ। ବିମ୍ବାଧର ଚିତ୍କାର କରି ଅନ୍ୟମାନଙ୍କୁ ଡାକିଥିଲେ। ହେଲେ ଦୁର୍ବୃତ୍ତମାନେ ଆତଙ୍କ ରଚାଇ ଆଖପାଖ ଦୋକାନୀ ଓ ଲୋକଙ୍କୁ ଧମକ ଦେବା ସହ କେତେଜଣ ଏକ ଜିମ୍‌ରେ ପଶି ଭଙ୍ଗାରୁଜା କରିଥିଲେ। ବିମ୍ବାଧର ରାସ୍ତାରେ ପଡି ଛଟପଟ ହେଉଥିବାବେଳେ ସେମାନେ ଘଟଣାସ୍ଥଳରେ ବହୁ ସମୟ ଧରି ଆତଙ୍କ ଖେଳାଇ ଚାଲିଯାଇଥିଲେ।
ତେବେ ଗୁଳି ଫୁଟିବା ଘଟଣାକୁ ଖଣ୍ଡଗିରି ଥାନା ଅଧିକାରୀ ରଶ୍ମିରଞ୍ଜନ ମହାପାତ୍ର ଖଣ୍ଡନ କରିଛନ୍ତି। ଗୁଳିମାଡ଼ରେ ମୋବାଇଲ୍‌ଟି ବିସ୍ଫୋରଣ ହୋଇନି, ଲୁହା ରଡ୍‌ରେ ମାଡ଼ ହୋଇ ତାହା ଫାଟିଯାଇଛି। ପ୍ରତ୍ୟକ୍ଷଦର୍ଶୀମାନେ ଅତିରଞ୍ଜିତ କରୁଛନ୍ତି ବୋଲି ସେ କହିଛନ୍ତି।

ପତିଆରା ପାଇଁ ଆକ୍ରମଣ, ଜିମ୍‌ରୁ ହୋଇଥିଲା ବିବାଦ

ବିମ୍ବାଧରଙ୍କ ଉପରକୁ ହୋଇଥିବା ଆକ୍ରମଣର କାରଣ ପୋଲିସ ଖୋଜୁଥିବାବେଳେ ଇତିମଧ୍ୟରେ ବହୁ ତଥ୍ୟ ହାସଲ କରିଛି। ପତିଆରାକୁ ନେଇ ଆକ୍ରମଣ ହୋଇଥିବା କୁହାଯାଉଛି। ରବିବାର ସକାଳୁ ଆଇଗଣିଆ ଦୁର୍ଗାମଣ୍ଡପ ନିକଟ ଜିମ୍‌ରୁ ହିଁ ଆରମ୍ଭ ହୋଇଥିଲା ବିବାଦ, ଯାହା ଅପରାହ୍ନରେ ଭୟଙ୍କର ରୂପ ନେଇଥିଲା। ବିମ୍ବାଧର ଜିମ୍‌କୁ ଯାଇଥିବାବେଳେ ସ୍ଥାନୀୟ ସିଜୁଆ ଅଞ୍ଚଳର କେତେଜଣ ଯୁବକଙ୍କ ସହ ତାଙ୍କର ଯୁକ୍ତିତର୍କ ହୋଇଥିଲା। ଜିମ୍‌ରେ ଥିବା ଅନ୍ୟମାନେ ସମସ୍ତଙ୍କୁ ବୁଝାଶୁଝା କରିବା ପରେ ସ୍ଥିତି ଶାନ୍ତ ପଡ଼ିଥିଲା। ପରେ ବିମ୍ବାଧରଙ୍କ ପରିବାର ଲୋକେ ଘଟଣା ନେଇ ଥାନାରେ ଅଭିଯୋଗ କରିଥିଲେ। ଏହା ଜାଣିବା ପରେ ସିଜୁଆ ଅଞ୍ଚଳର ଉକ୍ତ ଯୁବକମାନେ ଉତ୍ତେଜିତ ହୋଇପଡିବା ସହ ଆକ୍ରମଣ ଯୋଜନା କରିଥିଲେ।
ସୂଚନାଯୋଗ୍ୟ, ଖଣ୍ଡଗିରି ଅଞ୍ଚଳରେ ବିମ୍ବାଧରଙ୍କ ପତିଆରା କିଛିଦିନ ହେବ ବଢିବାରେ ଲାଗିଥିଲା। ହେଲେ ପତିଆରା ଜାହିର କରିବାକୁ ଚେଷ୍ଟା କରୁଥିବା ସିଜୁଆର ଏକ ଗୋଷ୍ଠୀ ଏହାକୁ ସହ୍ୟ କରି ପାରୁ ନ ଥିଲା। ଉକ୍ତ ଗୋଷ୍ଠୀରେ ୨୫ରୁ ୩୦ ପିଲା ସାମିଲ୍‌ ରହିଥିବାବେଳେ ସେମାନେ ଏକ ଗ୍ୟାଙ୍ଗ୍‌ ଗଢ଼ିଛନ୍ତି। ସ୍ଥାନୀୟ ଜଣେ ଯୁବକ ଗ୍ୟାଙ୍ଗ ଲିଡର ଥିବାବେଳେ ତାଙ୍କ ନିର୍ଦ୍ଦେଶ ଅନୁସାରେ ଆକ୍ରମଣ ଓ ଗୁଳିମାଡ଼ ହୋଇଥିବା ସୂଚନା ମିଳିଛି।

ନୂଆ ଗ୍ୟାଙ୍ଗ୍‌ ପୋଲିସ ପାଇଁ ଚ୍ୟାଲେଞ୍ଜ ହେବ

ଗତ କିଛିମାସ ହେବ ପତିଆରାକୁ ନେଇ ଗୋଷ୍ଠୀ ସଂଘର୍ଷ ଓ ଅପରାଧ ଘଟୁଥିବା ନଜିର ରହିଛି। ବଡ଼ ବଡ଼ ଅପରାଧ ଘଟାଇ ନିଜର ପତିଆରା ଜାହିର କରିବାକୁ ସ୍ଥାନୀୟ ଅଞ୍ଚଳର ଅସାମାଜିକ ଯୁବକ ଅଣ୍ଟାଭିଡ଼ିଛନ୍ତି। ସେମାନେ ବାହାର ରାଜ୍ୟର ଅପରାଧୀଙ୍କୁ ଏଠାରେ ଆଶ୍ରୟ ଦେବା ସହ ସେମାନଙ୍କଠାରୁ ବନ୍ଧୁକ, ଗୁଳି ଓ ମାରଣାସ୍ତ୍ର ହାତଉଥିବା ସୂଚନା ମିଳିଛି। ଗତ ୩ମାସରେ ୪ଟି ବଡ଼ ବଡ଼ ସଂଘବଦ୍ଧ ଆକ୍ରମଣ କରାଯାଇଛି। କଟକରୋଡ଼ରେ ଜଣେ ଶିଖ୍‌ ଯୁବକଙ୍କୁ ସଂଘବଦ୍ଧ ଆକ୍ରମଣ କରାଯାଇଥିଲା। ପରେ ମାର୍କେଟ ବିଲ୍ଡଂରେ ସଂଘବଦ୍ଧ ଆକ୍ରମଣ କରାଯାଇ ଦଙ୍ଗା ପରିସ୍ଥିତି ସୃଷ୍ଟି କରାଯାଇଥିଲା। ନିକଟରେ ଶହୀଦନଗର ଥାନା ୟୁନିଟ-୯ରେ ଜଣେ ଯୁବକଙ୍କୁ ଗୋଡାଇ ସର୍ବ ସମ୍ମୁଖରେ ହାଣିଥିଲେ ପ୍ରତିପକ୍ଷ ଗୋଷ୍ଠୀ। ସେହିଭଳି ପତିଆରା ପାଇଁ ଗତବର୍ଷ ଦୀପାବଳିରେ ଏୟାରଫିଲ୍ଡ ଥାନାଞ୍ଚଳରେ ଜଣେ ଯୁବକଙ୍କୁ ଭୁଜାଲିରେ ହାଣି ହତ୍ୟା କରାଯାଇଥିଲା। ମଞ୍ଚେଶ୍ୱର ଥାନା ଅନ୍ତର୍ଗତ ରଙ୍ଗମାଟିଆରେ ଜଣେ ଯୁବକଙ୍କୁ ପ୍ରତିପକ୍ଷ ଗୋଷ୍ଠୀର ଯୁବକମାନେ ଗୋଡାଇ ଗୋଡାଇ ହାଣି ହତ୍ୟା କରିଥିଲେ। ତେଣୁ ଗଢ଼ିଉଠୁଥିବା ନୂଆ ନୂଆ ଗ୍ୟାଙ୍ଗ୍‌ ଓ ଗୋଷ୍ଠୀ ସଂଘର୍ଷ ରୋକିବା ଏବେ ପୋଲିସ ପାଇଁ ବଡ଼ ଚ୍ୟାଲେଞ୍ଜ ହେବ।


Enter your email to get our daily news in your inbox.

All Right Reserved By Dharitri.Com

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

ବିଜେଡିରେ ସାମିଲ ହେଲେ କଂଗ୍ରେସର ପୂର୍ବତନ ବିଧାୟକ

ଭୁବନେଶ୍ୱର/ବଲାଙ୍ଗୀର,୨୯ା୩: ବିଧାନସଭା ନିର୍ବାଚନ ପୂର୍ବରୁ ବଲାଙ୍ଗୀର ଜିଲା ଟିଟିଲାଗଡ଼ର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସରୁ ଇସ୍ତଫା ଦେଇ ଗୁରୁବାର ଶଙ୍ଖଭବନରେ ବିଜେଡିରେ ସାମିଲ...

ଶ୍ୱଶୁରଙ୍କୁ ଛୁରି ଭୁସି ହତ୍ୟା କଲେ ଜ୍ୱାଇଁ

କୋରାପୁଟ,୨୯ା୩: ଶ୍ୱଶୁରଙ୍କୁ ଛୁରି ଭୁସି ଜ୍ୱାଇଁ  ହତ୍ୟା କରିଥିବା ଅଭିଯୋଗ ହୋଇଛି। ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି କୋରାପୁଟ ଜିଲା ନାରାୟଣପାଟଣା ଥାନା...

ସଡ଼କ ଦୁର୍ଘଟଣା ହ୍ରାସ କରିବ ଆଇଇଏମ୍‌ଏସ୍‌

ଭୁବନେଶ୍ୱର,୨୯ା୩(ଅନିଲ ଦାସ):ରାଜ୍ୟରେ ସଡ଼କ ଦୁର୍ଘଟଣା ଚିନ୍ତାଜନକ ରହିଛି। ଏହାକୁ ହ୍ରାସ କରିବା ପାଇଁ ରାଜ୍ୟ ସରକାର ରାଜ୍ୟର ନୂତନ ନିର୍ମାଣାଧୀନ ରାସ୍ତା, ଏନ୍‌ଏଚ୍‌ ସମେତ ପୂର୍ତ୍ତ...

ପୋଲିସ କବ୍‌ଜାରେ ୫ ଜଣିଆ ଡକାୟତି ଗ୍ୟାଙ୍ଗ

ଭୁବନେଶ୍ୱର (ସତ୍ୟଜିତ୍‌ ରାଉତ)/ଜଟଣୀ(ରବୀନ୍ଦ୍ରନାଥ ମହାକୁଡ଼),୨୯।୩:କମିଶନରେଟ୍‌ ପୋଲିସ ହାତରେ ଧରାପଡିଛନ୍ତି ୫ ଜଣିଆ ଡକାୟତି ଗ୍ୟାଙ୍ଗ। ବୁଧବାର ବିଳମ୍ବିତ ରାତିରେ ଡକାୟତି ଯୋଜନା ବେଳେ ଜଟଣୀ ପୋଲିସ...

ପାଣି ନାହିଁ, ମାଠିଆ ମେଲା

ଭୁବନେଶ୍ୱର,୨୯।୩ (ବନ୍ଦନା ସେଠୀ): ରାଜ୍ୟରେ ଏବେ ପାରଦ ଉପରମୁହାଁ ରହିଥିବାବେଳେ ରାଜଧାନୀ ଭୁବନେଶ୍ୱରରେ ଧୀରେ ଧୀରେ ତାତି ଅସମ୍ଭାଳ ହେଉଛି। ଟାଇଁ ଟାଇଁ ଖରାକୁ ଗରମ...

ସୌମ୍ୟଙ୍କ ବାସଭବନରେ ପ୍ରଣବ: ବଢୁଛି ଚର୍ଚ୍ଚା

ଭୁବନେଶ୍ୱର,୨୯।୩ (ଅନିଲ ଦାସ):୨୦୨୪ ନିର୍ବାଚନ ଯେତେ ପାଖେଇ ଆସୁଛି, ରାଜନୈତିକ ବାତାବରଣ ସେତିକି ଉଷ୍ମ ହେବାରେ ଲାଗିଛି। ଦଳ ବଦଳଠାରୁ ଆରମ୍ଭ କରି ପାର୍ଟି ଭିତରେ...

୧ ଲୋକ ସଭା, ୪ ବିଧାନସଭା ପ୍ରାର୍ଥୀ ଘୋଷଣା କଲା ଏସ୍‌ୟୁସିଆଇ

କଟକ,୨୯ା୩(ଶିଳ୍ପା ପ୍ରିୟଦର୍ଶିନୀ):ଏସ୍‌ୟୁସିଆଇ (କମ୍ୟୁନିଷ୍ଟ) ପାର୍ଟିର କେନ୍ଦ୍ରୀୟ କମିଟି ନିଷ୍ପତ୍ତିକ୍ରମେ ଆସନ୍ତା ନିର୍ବାଚନରେ କଟକ ଲୋକ ସଭା ଆସନରୁ ରାଜକିଶୋର ମଲ୍ଲିକ, କଟକ ସଦର ବିଧାନସଭା ଆସନରୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri