Posted inଜାତୀୟ

ବିଶ୍ୱରେ ୮କୋଟି ବିସ୍ଥାପିତ

ନୂଆଦିଲ୍ଲୀ, ୨୧ା୬: ଯୁଦ୍ଧ, ସଂଘର୍ଷ, ନିର୍ଯାତନା ଏବଂ ମାନବାଧିକାର ଉଲ୍ଲଂଘନ ଭଳି ସମସ୍ୟା ଲୋକଙ୍କୁ ବିସ୍ଥାପିତ କରିଚାଲିଛି। ଏସବୁର ପ୍ରଭାବରେ ୨୦୧୯ରେ ସାରା ବିଶ୍ୱର ୭ କୋଟି ୯୫ ଲକ୍ଷ ଲୋକ ବାଧ୍ୟ ହୋଇ ବିସ୍ଥାପିତ ହୋଇଛନ୍ତି, ଯାହାକି ୨୦୧୮ ତୁଳନାରେ ୮୭ ଲକ୍ଷ ଅଧିକ। ଏଥିମଧ୍ୟରୁ ୨ କୋଟି ୬୦ ଲକ୍ଷ ଲୋକ ହେଉଛନ୍ତି କେବଳ ଶରଣାର୍ଥୀ। ଶରଣାର୍ଥୀଙ୍କ ପାଇଁ ଉଦ୍ଦିଷ୍ଟ ଜାତିସଂଘର ଉଚ୍ଚାୟୁକ୍ତ(ୟୁଏନ୍‌ଏଚ୍‌ସିଆର୍‌)ଙ୍କ ରିପୋର୍ଟରୁ ଏହା ଜଣାପଡ଼ିଛି। ଉପରୋକ୍ତ ଶରଣାର୍ଥୀଙ୍କ ମଧ୍ୟରୁ ୨ କୋଟି ୪ ଲକ୍ଷ ଲୋକଙ୍କ ଭାର ୟୁଏନ୍‌ଏଚ୍‌ସିଆର୍‌ ଉପରେ ଥିବାବେଳେ ୫୬ ଲକ୍ଷ ପାଲେଷ୍ଟାଇନ ଶରଣାର୍ଥୀଙ୍କ ଭାର ୟୁଏନ୍‌ଆରଡବ୍ଲ୍ୟୁଏ(ପାଲେଷ୍ଟାଇନ ଶରଣାର୍ଥୀଙ୍କ ପାଇଁ ଉଦ୍ଦିଷ୍ଟ ଜାତିସଂଘର ସଂସ୍ଥା) ଉପରେ ରହିଛି। ହେଲେ ସମସ୍ତ ଶରଣାର୍ଥୀଙ୍କ ମଧ୍ୟରୁ ଦୁଇ-ତୃତୀୟାଂଶରୁ ଅଧିକ ଅର୍ଥାତ୍‌ ୬୮% କେବଳ ୫ ଦେଶ ତଥା ସିରିଆ(୬୬ଲକ୍ଷ), ଭେନେଜୁଏଲା(୩୭ଲକ୍ଷ), ଆଫଗାନିସ୍ତାନ(୨୭ ଲକ୍ଷ), ଦକ୍ଷିଣ ସୁଦାନ(୨୨ ଲକ୍ଷ) ଏବଂ ମ୍ୟାନ୍‌ମାର(୧୧ ଲକ୍ଷ)ରୁ ଆସିଛନ୍ତି। ଏଭଳିସ୍ଥଳେ ତୁର୍କୀ ଅନ୍ୟ ଦେଶ ତୁଳନାରେ ସବୁଠୁ ଅଧିକ ଅର୍ଥାତ୍‌ ୩୬ ଲକ୍ଷ ଶରଣାର୍ଥୀଙ୍କୁ ଆଶ୍ରୟ ଦେଇଛି। ଏହା ପଛକୁ କଲମ୍ବିଆ ୧୮ ଲକ୍ଷ, ପାକିସ୍ତାନ ୧୪ ଲକ୍ଷ, ଉଗାଣ୍ଡା ୧୪ ଲକ୍ଷ ଏବଂ ଜର୍ମାନୀ ୧୧ ଲକ୍ଷ ଶରଣାର୍ଥୀଙ୍କୁ ଆଶ୍ରୟ ଦେଇଛିି। ଦୁର୍ଭାଗ୍ୟର ବିଷୟ ଯେ, ଗତ ଏକ ଦଶନ୍ଧି ମଧ୍ୟରେ କେବଳ ୩୯ ଲକ୍ଷ ଶରଣାର୍ଥୀ ନିଜ ଦେଶକୁ ଫେରିଛନ୍ତି।
ଅନ୍ୟପକ୍ଷରେ ମହାମାରୀ କରୋନାର ପ୍ରଭାବ ବିସ୍ଥାପନ କ୍ଷେତ୍ରରେ ମଧ୍ୟ ଦେଖିବାକୁ ମିଳିଛି। କରୋନା ଯୋଗୁ ବହୁ ଦେଶରେ ମାସ ମାସ ଧରି ଲକ୍‌ଡାଉନ୍‌ କରାଯିବା ସହ ସୀମା ବନ୍ଦ ରହିଛି। ଏହାଦ୍ୱାରା ସଶସ୍ତ୍ର ସଂଘର୍ଷ ଏବଂ ପରବର୍ତ୍ତୀ ବିସ୍ଥାପନକୁ ରୋକିବାରେ ସକ୍ଷମ ହୋଇନାହିଁ। ନରୱେ ଶରଣାର୍ଥୀ ପରିଷଦ ଅନୁଯାୟୀ, ଗତ ମାର୍ଚ୍ଚ ୨୩ରୁ ମେ ୧୫ ମଧ୍ୟରେ ୧୯ ଦେଶରେ ସଶସ୍ତ୍ର ସଂଘର୍ଷ ଘଟି ଅନୂ୍ୟନ ୬ ଲକ୍ଷ ୬୧ ହଜାର ଲୋକଙ୍କୁ ସ୍ଥାନାନ୍ତର ହେବାକୁ ପଡ଼ିଛି। ବିଶେଷକରି କଙ୍ଗୋରେ ସର୍ବାଧିକ ବିସ୍ଥାପନ ଦେଖିବାକୁ ମିଳିଛି। ସଶସ୍ତ୍ର ଗୋଷ୍ଠୀ ଏବଂ ଦେଶର ସେନା ମଧ୍ୟରେ ସଂଘର୍ଷ ଘଟିବା ଯୋଗୁ ୪ ଲକ୍ଷ ୮୦ ହଜାରରୁ ଊର୍ଦ୍ଧ୍ୱ ଲୋକଙ୍କୁ ଘରୁ ପଳାଇବାକୁ ବାଧ୍ୟ କରିଛି। ବର୍ତ୍ତମାନ ମହାମାରୀ ସମୟରେ ବିସ୍ଥାପିତମାନେ ଅତ୍ୟଧିକ ଅସୁରକ୍ଷିତ ହୋଇପଡ଼ିଛନ୍ତି ଏବଂ ଦ୍ୱିଗୁଣ ସଙ୍କଟ ଦେଇ ଗତି କରୁଛନ୍ତି। ୟୁଏନ୍‌ଏଚ୍‌ସିଆର୍‌ ଅନୁଯାୟୀ, ସ୍ବାସ୍ଥ୍ୟ, ଜଳ ଏବଂ ପରିମଳ ବ୍ୟବସ୍ଥା ଦୁର୍ବଳ ଥିବା ଦେଶଗୁଡ଼ିକରେ ସେମାନେ ପ୍ରାୟତଃ ଆଶ୍ରୟ ପାଇଛନ୍ତି। ସ୍ବଳ୍ପ ଆୟ ଯୋଗୁ ସେମାନେ ଆର୍ଥିକ ଭାବେ ଅସ୍ବଚ୍ଛଳ। ମହାମାରୀ କରୋନା ଆୟର ପନ୍ଥା ବନ୍ଦ କରିଦେବା ପରେ ସେମାନଙ୍କ ଦୁର୍ଦ୍ଦଶା ବହଗୁଣିତ ହୋଇଛି। ଶରଣାର୍ଥୀଙ୍କୁ ଆଶ୍ରୟ ଦେଇଥିବା ୧୩୪ ଦେଶ ସ୍ଥାନୀୟ କରୋନା ସଂକ୍ରମଣ ନେଇ ରିପୋର୍ଟ କରୁଛନ୍ତି। ଏଣୁ ବର୍ତ୍ତମାନ ଶରଣାର୍ଥୀଙ୍କୁ ସୁରକ୍ଷା ଦେବା ଜରୁରୀ ହୋଇପଡ଼ିଥିବା ୟୁଏନ୍‌ଏଚ୍‌ସିଆର୍‌ ରିପୋର୍ଟରୁ ସ୍ପଷ୍ଟ ହେଉଛି।


Enter your email to get our daily news in your inbox.

All Right Reserved By Dharitri.Com

କୋର୍ଟଙ୍କ ବଡ଼ ରାୟ, ଅନୈତିକ ସମ୍ପର୍କର ଅଭିଯୋଗ ଥିଲେ ବି ସ୍ବାମୀଙ୍କ ଠାରୁ ଭରଣପୋଷଣ ପାଇପାରିବେ ସ୍ତ୍ରୀ

ଭୋପାଳ,୨୯।୩: ବିବାହ ପରେ ସ୍ତ୍ରୀ ପରପୁରୁଷଙ୍କ ସହ ଅନୈତିକ ସମ୍ପର୍କ ରଖିଥିଲେ ମଧ୍ୟ ସ୍ବାମୀଙ୍କ ଠାରୁ ଭରଣପୋଷଣ ପାଇପାରିବେ। ଏନେଇ ବଡ଼ ରାୟ ଦେଇଛନ୍ତି ମଧ୍ୟପ୍ରଦେଶ...

୨୦୦୪ରେ ଭାଜପାର ଏହି ହେଭିଓ୍ବେଟ୍‌ ନେତାଙ୍କୁ ହରାଇ ହଇଚଇ ସୃଷ୍ଟି କରିଥିଲେ ଗୋବିନ୍ଦା, କିଛି ଏଭଳି ଥିଲା…

ନୂଆଦିଲ୍ଲୀ,୨୯।୩: ୧୪ ବର୍ଷର ବଡ଼ ବ୍ୟବଧାନ ପରେ ଅଭିନେତା ଗୋବିନ୍ଦା ପୁଣିଥରେ ରାଜନୀତିକୁ ଫେରିଛନ୍ତି। ଲୋକ ସଭା ନିର୍ବାଚନ ୨୦୨୪ର ଠିକ୍‌ ପୂର୍ବରୁ ସେ ଦ୍ୱିତୀୟ...

ରିଲ୍‌ ଲାଇଫର ‘ରାମ’ଙ୍କ ପରି ପୂର୍ବରୁ ‘ରାବଣ’ଙ୍କୁ ମଧ୍ୟ ଟିକେଟ୍‌ ଦେଇଛି ଭାଜପା, ଜାଣନ୍ତୁ ‘ଲଙ୍କେଶ’ଙ୍କ କିପରି ଥିଲା ରାଜନୈତିକ କ୍ୟାରିୟର

ମୁମ୍ବାଇ: ଚାରି ଦଶକ ପୂର୍ବରୁ ଟିଭି ସିରିଆଲରେ ଲୋକପ୍ରିୟ ହୋଇଥିଲା ରାମାୟଣ। ଏଥିରେ ମୁଖ୍ୟ ଭୂମିକାରେ ଅଭିନୟ କରିଥିବା ଅରୁଣ ଗୋଭିଲ ହିନ୍ଦୁଙ୍କ ରିଅଲ ଲାଇଫର...

ପ୍ରତି ନିର୍ବାଚନରେ ବଢିଚାଲିଛି ଖର୍ଚ୍ଚ ସୀମା, ଲୋକ ସଭା ନିର୍ବାଚନରେ ଏତେ ଲକ୍ଷ ଟଙ୍କା ଖର୍ଚ୍ଚ କରନ୍ତି ପ୍ରାର୍ଥୀ

ନୂଆଦିଲ୍ଲୀ,୨୯।୩: ଲୋକ ସଭା ନିର୍ବାଚନ ୨୦୨୪ର ସମସ୍ତ ପ୍ରକ୍ରିୟା ଆରମ୍ଭ ହୋଇସାରିଛି। ନିର୍ବାଚନ ପ୍ରକ୍ରିୟା ମଧ୍ୟରେ ନିର୍ବାଚନ କମିଶନରଙ୍କ ଦାୟିତ୍ୱ ରହିଥାଏ କି କ୍ଷମତାସୀନ ଦଳ...

କଂଗ୍ରେସ ଏହି ଖୁସିକୁ ସହି ପାରିଲା ନାହିଁ, କାହିଁକି ଏମିତି କହିଲେ କଙ୍ଗନା

ଶିମଲା,୨୯।୩: ହିମାଚଳ ପ୍ରଦେଶର ମଣ୍ଡି ଲୋକ ସଭା ଆସନରୁ ଭାଜପା ପ୍ରାର୍ଥୀ ତଥା ବଲିଉଡ ଅଭିନେତ୍ରୀ କଙ୍ଗନା ରାନାୱତଙ୍କୁ ନେଇ କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେତ...

କଂଗ୍ରେସ ପରେ ବଢିଲା ଏହି ଦଳର ମୁଣ୍ଡବ୍ୟଥା, ଆୟକର ବିଭାଗରୁ ମିଳିଲା ନୋଟିସ

ନୂଆଦିଲ୍ଲୀ,୨୯।୩: କଂଗ୍ରେସ ପରେ ଏବେ ଅନ୍ୟ ଏକ ଦଳର ସମସ୍ୟା ବଢିଥିବା ସୂଚନା ମିଳିଛି। ଏହି ପାର୍ଟିକୁ ଆୟକର ବିଭାଗ ପକ୍ଷରୁ ଏକ ନୋଟିସ ମଧ୍ୟ...

ଆସିଲା ମୁଖତାର ଅନସାରୀଙ୍କ ପୋଷ୍ଟ ମର୍ଟମ ରିପୋର୍ଟ, ଏହି କାରଣ ପାଇଁ ହୋଇଛି ମୃତ୍ୟୁ

ବାନ୍ଦା,୨୯।୩: ମାଫିଆ ମୁଖତାର୍‌ ଅନସାରୀଙ୍କ ଶବ ବ୍ୟବଚ୍ଛେଦ ପରେ ହୃଦ୍‌ଘାତ ହେତୁ ତାଙ୍କର ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି। ପୋଷ୍ଟମର୍ଟମ ଘରୁ ବାହାରକୁ ଆସିଥିବା ଡାକ୍ତରମାନେ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri