ବିପଦ ସୃଷ୍ଟି କରୁଛି ଶୁଖିଲା ଗଛ

ଅନୁଗୋଳ ସହର,୨।୩ (ଡି.ଏନ.ଏ.)  ଅନୁଗୋଳ ସହର ସଭାଘର ସମ୍ମୁଖ ତଥା ଷ୍ଟାଡିୟମ ନିକଟରେ ଥିବା ଗୋପବନ୍ଧୁ ପାର୍କକୁ ନେଇ ଏବେ ଲୋକେ ଭୟଭୀତ ହୋଇପଡ଼ିଛନ୍ତି। କାରଣ ପାର୍କରେ ଥିବା ଶୁଖିଲା ଗଛ କଟାଯାଉ ନ ଥିବାରୁ ଏହା କେତେବେଳେ କାହା ଉପରେ ପଡ଼ିବ ସେ ନେଇ ଲୋକେ ଆଶଙ୍କାରେ ରହୁଛନ୍ତି। ଏଥିସହ ପୌର କର୍ତ୍ତୃପକ୍ଷ ଆବଶ୍ୟକ ରକ୍ଷଣାବେକ୍ଷଣ କରୁ ନ ଥିବାରୁ ଏଠାରେ ଲାଗିଥିବା ଅନେକ ଲାଇଟ୍‌ ରାତିରେ ଜଳୁନାହିଁ। ସେହିପରି ବିଦ୍ୟୁତ୍‌ ତାରଗୁଡ଼ିକର ଜଏଣ୍ଟ ସ୍ଥାନସବୁ ମୁକୁଳା ପଡ଼ିଥିବା ବେଳେ ଓ୍ବାଟର ମ୍ୟୁଜିକାଲ ମଧ୍ୟ ବର୍ଷ ବର୍ଷ ଧରି ସଫା ହେଉନାହିଁ। ଏ ନେଇ ସହରବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
ସହରବାସୀ କହିଛନ୍ତି, ୩୦ ଲକ୍ଷ ଟଙ୍କା ବ୍ୟୟରେ ଏହି ପାର୍କର ନବୀକରଣ କରାଯାଇ ୨୦୧୩ ଜୁଲାଇ ୯ରେ ଜନସାଧାରଣଙ୍କ ଉଦ୍ଦେଶ୍ୟରେ ଉତ୍ସର୍ଗ କରାଯାଇଥିଲା। ହେଲେ ପୌର ପ୍ରଶାସନର ଅବହେଳା ପାଇଁ ଏହା ଧୀରେ ଧୀରେ ସୌନ୍ଦର୍ଯ୍ୟହୀନ ହୋଇପଡ଼ୁଛି। ପାର୍କ ମଧ୍ୟରେ ଥିବା ଶୁଖିଲା ଗଛ କଟାଯାଉ ନ ଥିବାରୁ ଅନେକ ସମୟରେ ସେଥିରୁ ଡାଳ ଭାଙ୍ଗି ତଳେ ପଡ଼ୁଛି। ତେଣୁ ଯେ କୌଣସି ସମୟରେ ଗଛ ଭାଙ୍ଗି ପଡିବାର ଆଶଙ୍କା ରହିଛି। ଦୈନିକ ବହୁ ଛୋଟ ପିଲାଙ୍କ ସହ ଶତାଧିକ ଲୋକ ପାର୍କକୁ ଆମୋଦପ୍ରମୋଦ ପାଇଁ ଆସୁଥିବାରୁ ସେମାନେ ବିପଦ ଆଶଙ୍କା କରୁଛନ୍ତି। ସେହିପରି ଦୋଳି, ଚେୟାର ସହ ବିଶ୍ରାମସ୍ଥଳ, ବିଭିନ୍ନ ବନ୍ୟପ୍ରାଣୀଙ୍କ ମୂର୍ତ୍ତି ଆଦି ରକ୍ଷଣାବେକ୍ଷଣ ଅଭାବରୁ ନଷ୍ଟ ହେବାକୁ ବସିଲାଣି। ଆଲୋକୀକରଣ ପାଇଁ ୩୫ ସିଏଫ୍‌ଏଲ୍‌ ଷ୍ଟାଣ୍ଡ ଲାଇଟ, ଦୁଇଟି ହାଲୋଜେନ ଲାଇଟ ଥିବାବେଳେ ସେଥିରୁ ଅନେକ ଖରାପ ହୋଇଯାଇଛି। ଫଳରେ ରାତିରେ ପାର୍କର ବହୁ ସ୍ଥାନ ଅନ୍ଧାର ରହୁଛି। ବିଦ୍ୟୁତ୍‌ ବୋର୍ଡ, ସୁଇଚ, କେବୁଲ ତାର ଆଦି ନଷ୍ଟ ହୋଇ ଖୋଲାରେ ପଡିଛି। ପାଣିକୁଣ୍ଡଟି ପ୍ରାୟ ୨ ବର୍ଷ ହେଲା ସଫା ହୋଇ ନ ଥିବାରୁ ସେଥିରୁ ପଚାଗନ୍ଧ ବାହାରୁଛି। ତୁରନ୍ତ ବିପଦସଙ୍କୁଳ ଅବସ୍ଥାରେ ଥିବା ଗଛ ହଟାଯିବା, ଲାଇଟଗୁଡିକର ମରାମତି ସହ ଆଉ ଅଧିକ ୫ଟି ଏଲ୍‌ଇଡି ଲାଇଟ ବ୍ୟବସ୍ଥା କରାଯିବା, ବିଦ୍ୟୁତ୍‌ ଉପକରଣଗୁଡିକ ମରାମତି ସହ ପାର୍କର ସୌନ୍ଦର୍ଯ୍ୟକରଣ କରାଯିବାକୁ ଦାବି ହୋଇଛି।
ଏ ବିଷୟରେ ପୌରପାଳିକା ନିର୍ବାହୀ ଅଧିକାରୀ ବିନୋଦ କୁମାର ପଣ୍ଡା କହିଛନ୍ତି, ଯେତେଶୀଘ୍ର ସମ୍ଭବ ପାର୍କର ମରାମତି କରାଯିବ। ଶୁଖିଲା ଗଛକୁ ହାଣିବା ପାଇଁ ବ୍ୟବସ୍ଥା କରାଯିବ। ଜିଲାପାଳ ପାର୍କକୁ ଯାଇ ସମସ୍ୟା ଦେଖି ସମାଧାନ ପାଇଁ ନିର୍ଦ୍ଦେଶ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

୧୫ ଦିନରେ ଦଳବଦଳ: ଭାଜପାରେ ମିଶିଥିବା କର୍ମୀ ବିଜେଡିକୁ ଫେରିଲେ

ବିଞ୍ଝାରପୁର,୨୪ା୪(ରାମକୃଷ୍ଣ ଦାସ):ସାଧାରଣ ନିର୍ବାଚନକୁ ଦୃଷ୍ଟିରେ ରଖି ବିଞ୍ଝାରପୁରରେ ଏଥର ୩ ପ୍ରମୁଖ ରାଜନୈତିକ ଦଳ ନିଜର ରଣନୀତି ସୁଦୃଢ଼ କରୁଛନ୍ତି। ବିଞ୍ଝାରପୁର ନିର୍ବାଚନମଣ୍ଡଳୀ ଭାଜପା ପ୍ରାର୍ଥୀ...

ବର୍ଷାଙ୍କୁ ଜିତାଇବାକୁ ପ୍ରଣବଙ୍କ ନିବେଦନ

ଚଣ୍ଡିଖୋଲ/ବଡ଼ଚଣା,୨୪ା୪(ପ୍ରଦୀପ୍ତ କୁମାର ପୃଷ୍ଟି/ଦିଲୀପ କୁମାର ମହାନ୍ତି):ଯାଜପୁର ଜିଲା ବଡ଼ଚଣା ବିଧାନସଭା ନିର୍ବାଚନମଣ୍ଡଳୀ ପାଇଁ ବିଜେଡି ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ପ୍ରାର୍ଥୀ କରିଛି। ରାଜନୀତି କ୍ଷେତ୍ରରେ ସମ୍ପୂର୍ଣ୍ଣ...

୨୯ ଓଭର ହେଡ୍‌ ଟାଙ୍କି, ଲୋକଙ୍କୁ ପାଣି ମୁନ୍ଦେ ମିଳୁନି

ମାର୍ଶାଘାଇ,୨୪ା୪ (ଶୁଭେନ୍ଦୁ ପ୍ରସାଦ ଚୌଧୁରୀ):କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ଅଞ୍ଚଳରେ ପାନୀୟ ଜଳ ସମସ୍ୟାକୁ ନେଇ ଲୋକେ ତ୍ରାହି ତ୍ରାହି ଡାକିଲେଣି। ପ୍ରଚଣ୍ଡ ରୌଦ୍ରତାପ ସାଙ୍ଗକୁ...

ଋ଼ଣ ଖିଲାପ ପରେ ଘର ଅଧିଗ୍ରହଣ କଲା ବ୍ୟାଙ୍କ

ପାରାଦୀପ,୨୪।୪(ଶରତ ରାଉତ):ପାରାଦୀପ ଲକ୍‌ ଥାନା ଅନ୍ତର୍ଗତ ଗଡ଼ଠାରେ ମଙ୍ଗଳବାର ଏକ କୋଠାଘରକୁ ବ୍ୟାଙ୍କ କର୍ତ୍ତୃପକ୍ଷ ନିଜ ହେପାଜତକୁ ନେଇଛନ୍ତି। ଉକ୍ତ ଘର ପାଇଁ ନିଆଯାଇଥିବା ଋ଼ଣ...

ଶୁଖିଲାଣି ଜଳାଶୟ, ଉତ୍କଟ ଜଳ ସଙ୍କଟ

ଜଗତ୍‌ସିଂହପୁର, ୨୩ା୪ (ପ୍ରମୋଦ କୁମାର ନାୟକ):ପ୍ରବଳ ଗ୍ରୀଷ୍ମପ୍ରବାହ ଯୋଗୁ ଜଗତ୍‌ସିଂହପୁର ସହରରେ ଜଳସଙ୍କଟ ସୃଷ୍ଟି ହୋଇଛି। ଗଡିଆ, ପୋଖରୀଗୁଡିକ ଶୁଖିଯିବା ସହ ଭୂତଳ ଜଳସ୍ତର ହ୍ରାସ...

ବିଜେଡି, ଭାଜପାରେ ଗୋଷ୍ଠୀ କନ୍ଦଳ

ପଟ୍ଟାମୁଣ୍ଡାଇ,୨୪ା୪ (କଳ୍ପତରୁ ନାୟକ):କେନ୍ଦ୍ରାପଡ଼ା ଜିଲା ରାଜନଗର ବିଧାନସଭା ଆସନ ସବୁବେଳେ ରାଜ୍ୟ ରାଜନୀତିରେ ସମ୍ବେଦନଶୀଳ ଓ ଗୁରୁତ୍ୱପୂର୍ଣ୍ଣ ହୋଇଆସିଛି। ସବୁଥର ଏହି ଆସନରେ ବିଜେଡି ଓ...

ବିଜେଡି ଛାଡ଼ିଲେ ବରିଷ୍ଠ ନେତା ଭକ୍ତିପ୍ରସାଦ

ଅନୁଗୋଳ,୨୪।୪ (ଅମିତ କୁମାର ସାମଲ):ଅନୁଗୋଳ ଜିଲାର ବରିଷ୍ଠ ନେତା ଭକ୍ତି ପ୍ରସାଦ ଦାସ ମଙ୍ଗଳବାର ବିଜୁ ଜନତା ଦଳରୁ ଇସ୍ତଫା ଦେଇଛନ୍ତି। ଦଳରେ ତାଙ୍କୁ ଅଣଦେଖା...

ରଣେନ୍ଦ୍ରଙ୍କ ଭାଇରାଲ ଭିଡିଓକୁ ନେଇ ହଇଚଇ

ନିମାପଡ଼ା,୨୪ା୪(ରଞ୍ଜନ ପଟ୍ଟନାୟକ):ପୁରୀ ଜିଲା ବିଜେଡି ପର୍ଯ୍ୟବେକ୍ଷକ ରଣେନ୍ଦ୍ର ପ୍ରତାପ ସ୍ବାଇଁଙ୍କ ଭାଇରାଲ ଭିଡିଓକୁ ନେଇ ଏବେ ନିମାପଡ଼ା ବିଧାନସଭା ନିର୍ବାଚନମଣ୍ଡଳୀରେ ହଟଚମଟ ସୃଷ୍ଟି ହୋଇଛି। ସମ୍ପ୍ରତି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri