ମୁମ୍ବାଇ,୯।୬: ମୁମ୍ବାଇରେ କରୋନା ଭାଇରସ୍ ସଂକ୍ରମଣରେ ପୀଡ଼ିତ ହୋଇ ବ୍ରିହାନମୁମ୍ବାଇ ନଗର ନିଗମ(ବିଏମ୍ସି)ର ଜଣେ ବରିଷ୍ଠ ଅଧିକାରୀଙ୍କ ମଙ୍ଗଳବାର ମୃତ୍ୟୁ ହୋଇଛି। ମୃତ ଅଧିକାରୀ ଜଣକ ହେଲେ ୫୪ବର୍ଷୀୟ ଶିରିଷ ଦିକ୍ଷିତ। ସୂଚନାଯୋଗ୍ୟ, ଶିରିଷଙ୍କ ନିକଟରେ କରୋନାର କୌଣସି ଲକ୍ଷଣ ଦେଖାଦେଇ ନ ଥିବା ବେଳେ ୨-୩ ପୂର୍ବରୁ ତାଙ୍କର ଯାଞ୍ଚ କରାଯାଇଥିଲା। ମଙ୍ଗଳବାର ସକାଳେ ହଠାତ୍ ତାଙ୍କ ଦେହ ଖରାପ୍ ହୋଇଥିବା ବେଳେ ବାସଭବନରେ ଡାକ୍ତର ପହଞ୍ଚିବା ପୂର୍ବରୁ ଶିରିଷଙ୍କ ମୃତ୍ୟୁ ଘଟିଥିଲା। ତେବେ ମଙ୍ଗଳବାର ଆସିଥିବା ରିପୋର୍ଟରେ ତାଙ୍କର କରୋନା ପଜିଟିଭ୍ ବାହାରିଛି। ଏହାପରେ ତାଙ୍କ ଘରର ଅନ୍ୟ ୩ଜଣ ସଦସ୍ୟଙ୍କୁ କ୍ୱାରାଣ୍ଟାଇନ୍ରେ ରଖାଯାଇଥିବା ଜଣାପଡ଼ିଛି। ସୂଚନା ମୁତାବକ ଶିରିଷ ବିଏମ୍ସିର ଡେପୁଟି କମିଶନର ଭାବେ ଦାୟିତ୍ୱ ତୁଲାଉଥିବା ବେଳେ ଜଳ ଯୋଗାଣ ବିଭାଗରେ ନିୟୋଜିତ ଥିଲେ।
