ନୟାଗଡ଼ ଅଫିସ/ ରଣପୁର,୨୮ା୩(ସ୍ବ.ପ୍ର.): ବାପା କେରଳରେ ଫସିଛନ୍ତି। ଏପରିସ୍ଥଳେ ଘରେ ଲୁଚାଇଥିବା ନେଇ ଗଁ।ର କିଛି ଲୋକଙ୍କ ଅକ୍ରୋଶର ଶିକାର ହୋଇ ମାଡ ଖାଇଛନ୍ତି ପୁଅ, ମା’ଙ୍କ ସମେତ ପରିବାରର ଅନ୍ୟ ସଦସ୍ୟ। ଏଭଳି ଘଟଣା ଶୁକ୍ରବାର ନୟାଗଡ ଜିଲା ରଣପୁର ଥାନା ବାଉଁଶଗଡ ମଝିସାହିରେ ଘଟିଛି। ଏ ନେଇ ରଣପୁର ଥାନାରେ ଅଭିଯୋଗ ହୋଇଥିଲେ ମଧ୍ୟ ପୋଲିସ ନୀରବତା ଅବଲମ୍ବନ କରିଥିବାରୁ ଅସନ୍ତୋଷ ପ୍ରକାଶ ପାଇଛି। ଅଭିଯୋଗ ଅନୁସାରେ ବାଉଁଶଗଡ ମଝିସାହିର ବାନାମ୍ବର ପ୍ରଧାନ (୪୫) କେରଳରେ ୮ବର୍ଷ ହେଲା କାମ କରୁଛନ୍ତି। ମଝିରେ ମଝିରେ ସେ ଘରକୁ ଆସିଥାନ୍ତି। ଏବେ କରୋନାର ପ୍ରଭାବ ଦେଖାଦେଇଥିଲେ ମଧ୍ୟ ସେ ଘରକୁ ଫେରିନାହାନ୍ତି। କିନ୍ତୁ ଗଁାର କିଛି ଲୋକ ବାନାମ୍ବରଙ୍କ ସମ୍ପର୍କରେ ପୁଅ ବିଶ୍ୱଜିତ (୧୭)ଙ୍କୁ ପଚାରିଥିଲେ। ବାପା କେରଳରୁ ଫେରି ନ ଥିବା କହିବା ପରେ ସେମାନେ ବିଶ୍ୱଜିତ୍ଙ୍କୁ ମାରପିଟ କରିଥିଲେ। ପୁଅକୁ ରକ୍ଷା କରିବାକୁ ଯାଇ ମା’ କବିତା (୩୭) ବି ମାଡ ଖାଇଥିଲେ। ପରେ ସମ୍ପୃକ୍ତ ବ୍ୟକ୍ତିମାନେ ଘରେ ପଶି ଯାଆ ସୁରତ(୪୦), ଶାଶୁ ବିଳାସ(୬୫)ଙ୍କୁ ମଧ୍ୟ ଆକ୍ରମଣ କଲେ। ଏ ନେଇ ରଣପୁର ଥାନା ଆଇଆଇସି ରଶ୍ମିରଞ୍ଜନ ଦାଶଙ୍କୁ ପଚାରିବାରୁ ସେ କିଛି ନ କହି ଏଡାଇ ଯାଇଥିଲେ।
