ରସୁଲପୁର,୧୧।୪(ଡିଏନଏ)- ଓଡ଼ିଶାରେ କରୋନା ଆକ୍ରାନ୍ତ ସଂଖ୍ୟା ୫୦ରେ ପହଞ୍ଚତ୍ଛି। ଏଥିରେ ସର୍ବାଧିକ ଆକ୍ରାନ୍ତ ଭୁବନେଶ୍ୱର ଅଞ୍ଚଳର ବୋଲି ଜଣାପଡିଛି। ଏହି ସହରର ସତ୍ୟନଗର, ବମିଖାଲ, ସୁନ୍ଦରପଦା, ଝାରପଡ଼ା ଭଳି ଅଞ୍ଚଳରୁ କରୋନା ଆକ୍ରାନ୍ତ ଚିହ୍ନଟ ହୋଇଥିବାରୁ ଏହିସବୁ ଅଞ୍ଚଳକୁ ସିଲ କରିଦିଆଯାଇଛି। ଏହି ଅଞ୍ଚଳକୁ କଣ୍ଟେନମେଣ୍ଟ ଜୋନଭାବେ ଗ୍ରହଣ କରାଯାାଇଛି। ଏହି ସମୟରେ ଚିହ୍ନଟ ଜୋନର ସୀମା ବାହାର ଓ ଭିତରକୁ ଯାତାୟାତ ସମ୍ପୂର୍ଣ୍ଣ ବନ୍ଦ କରିଦିଆଯାଇଛି। ଏଥିପାଇଁ ସୁରକ୍ଷାକୁ କଡ଼ାକଡ଼ି କରାଯାଇଛି। ଏତେସବୁ କଟକଣା ପରେ ବି ବମିଖାଲରୁ ଜଣେ ଦମ୍ପତି ଆସି ଯାଜପୁର ଜିଲା ରସୁଲପୁର ବ୍ଲକର ସାମନ୍ତରାପୁର ପଞ୍ଚାୟତରେ ପହଞ୍ଚତ୍ ଯାଇଛନ୍ତି। ଏହି ଦମ୍ପତି ଆସିବା ପରେ ଭୁବନେଶ୍ୱରର ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। କଣ୍ଟେନମେଣ୍ଟ ଜୋନରୁ ଆସିଥିବା ଦମ୍ପତି ଶୁକ୍ରବାର ରାତିରେ ଏହି ପଞ୍ଚାୟତର ମହାରଣା ସାହିର ପୈତୃକ ଘରେ ରହିଥିଲେ। ଏ ସମ୍ପର୍କରେ ଖବର ପାଇ ସରପଞ୍ଚ ଅଭିମନ୍ୟୁ ମହାଳିକ ଉକ୍ତ ଦମ୍ପତିଙ୍କ ନିକଟରେ ପହଞ୍ଚତ୍ବା ସହ ସେମାନଙ୍କୁ ନେଇ ପଞ୍ଚାୟତର କ୍ୱାରେଣ୍ଟାଇନ ସେଣ୍ଟରରେ ରଖିଛନ୍ତି। ହେଲେ ସେ ଘରେ ଅବସ୍ଥାନ କରୁଥିବା ସମୟରେ ପରିବାରର ଅନ୍ୟ ସଦସ୍ୟଙ୍କ ସହ ମିଶିଛନ୍ତି। ତେବେ ଏହି ଦମ୍ପତିଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ତୁରନ୍ତ କ୍ୱାରେଣ୍ଟାଇନ କେନ୍ଦ୍ରରେ ରଖାଯିବା ସହ ସେମାନଙ୍କଠାରୁ ନମୁନା ସଂଗ୍ରହ ପାଇଁ ଦାବି ହେଉଛି। ପ୍ରକାଶ ଥାଉକି, ଯାଜପୁର ଜିଲାରେ ପ୍ରଥମ କରୋନା ରୋଗୀ ରସୁଲପୁର ବ୍ଲକର ବ୍ରହ୍ମବରଦା ଅଞ୍ଚଳରୁ ଚିହ୍ନଟ ହୋଇଥିଲା। ଉକ୍ତ ଆକ୍ରାନ୍ତ ସୁସ୍ଥ ହୋଇଥିବା ଖବର ଆସିଥିବାବେଳେ ଏକ ସଂକ୍ରମିତ ଅଞ୍ଚଳରୁ ଦମ୍ପତି ବ୍ରହ୍ମବରଦା ନିକଟସ୍ଥ ସାମନ୍ତାରପୁର ପଞ୍ଚାୟତକୁ ପଳାଇ ଆସିବା ପୁଣି କରୋନା ଚର୍ଚ୍ଚାକୁ ଖୋରାକ ଯୋଗାଇଛି। ସେହିପରି ଡମଣା ଅଞ୍ଚଳରୁ ୪ଜଣ ରାହାମ୍ବା ପଞ୍ଚାୟତ କୁରାଂଶ ଗ୍ରାମକୁ ଚାଲିଆସିଥିବା ମଧ୍ୟ ଜଣାପଡ଼ିଛି। ବ୍ଲକ ପ୍ରଶାସନ ସେମାନଙ୍କୁ କ୍ୱାରେଣ୍ଟାଇନରେ ରହିବାକୁ ପରାମର୍ଶ ଦେଇଥିଲେ ମଧ୍ୟ ସେମାନେ ଶୁଣୁ ନ ଥିବା ଜଣାପଡ଼ିଛି। ଏହାକୁ ନେଇ ଉକ୍ତ ଗ୍ରାମରେ ଭୟ ଓ ଅସନ୍ତୋଷର ବାତାବରଣ ସୃଷ୍ଟି ହୋଇଛି।
