ପ୍ରୟାଗରାଜ,୨୭।୪: ଲକ୍ଡାଉନ ଯୋଗୁ ପ୍ରୟାଗରାଜରେ ଫସିଥିବା ଛାତ୍ରମାନଙ୍କୁ ନେଇ ଯୋଗୀ ସରକାର ବଡ଼ ନିଷ୍ପତ୍ତି ନେଇଛନ୍ତି। ପ୍ରୟାଗରାଜରେ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତି କରୁଥିବା ଛାତ୍ରମାନଙ୍କୁ ସେମାନଙ୍କ ଘରକୁ ପଠାଇବା ପାଇଁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିଷ୍ପତ୍ତି ନେଇଛନ୍ତି। ଏଥିପାଇଁ ସମସ୍ତ ପ୍ରକାର ବ୍ୟବସ୍ଥା କରିବାକୁ ସୋମବାର ଉତ୍ତରପ୍ରଦେଶର ଅତିରିକ୍ତ ମୁଖ୍ୟ ଶାସନ ସଚିବ ଅବନୀଶ ଅଓ୍ବସ୍ଥିଙ୍କୁ ଯୋଗୀ ନିର୍ଦ୍ଦେଶ ଦେଇଛନ୍ତି। ତେବେ ଉକ୍ତ ଛାତ୍ରଙ୍କୁ ୩୦୦ଟି ବସ୍ରେ ୨ ରାଉଣ୍ଡ କରି ସେମାନଙ୍କ ଘରକୁ ପଠାଯିବ। ପ୍ରଥମ ରାଉଣ୍ଡରେ ସୋନଭଦ୍ର, ମିର୍ଜାପୁର, ଚନ୍ଦୋଲି, ବାରାଣସୀ, ଜୋନପୁର, ପ୍ରତାପଗଡ ଓ ଚିତ୍ରକୁଟକୁ ପଠାଯିବ। ଦ୍ୱିତୀୟ ରାଉଣ୍ଡରେ ଅନ୍ୟ ଜିଲାଙ୍କୁ ପଠାଯିବ ବୋଲି ଅବନୀଶ ଅଓ୍ବସ୍ଥି ସୂଚନା ଦେଇଛନ୍ତି।
