ଆସିକା,୯ା୧(ଡି.ଏନ୍.ଏ.): ଆସିକାର ବରିଷ୍ଠ କଂଗ୍ରେସ ନେତା, ବିଶିଷ୍ଟ ସମବାୟବିତ୍ ତଥା ପୂର୍ବତନ ବିଧାୟକ ରାଧାଗୋବିନ୍ଦ ସାହୁଙ୍କ (୯୩)ର ବୁଧବାର ସକାଳେ ପରଲୋକ ଘଟିଛି। ସେ ଭୁବନେଶ୍ୱର ନୟାପଲ୍ଲୀସ୍ଥିତ ନିଜ ପୁଅଙ୍କ ବାସଭବନରେ ରହୁଥିଲେ। ଗତ ସପ୍ତାହରେ ତାଙ୍କର ହୃଦ୍ଘାତ ହେବାରୁ ଏକ ଘରୋଇ ହସ୍ପିପିଟାଲରେ ଭର୍ତ୍ତି ହୋଇଥିଲେ। ଚିକିତ୍ସାଧୀନ ଅବସ୍ଥାରେ ବୁଧବାର ତାଙ୍କର ମୃତ୍ୟୁ ଘଟିଛି। ମୃତ୍ୟୁ ବେଳକୁ ପାଖରେ ସ୍ତ୍ରୀ, ୩ ପୁଅ ନାରାୟଣ, ଜଗନ୍ନାଥ, ରାମକୃଷ୍ଣ, ଝିଅ ଗୀତାଞ୍ଜଳି ପାଢୀ, ଜ୍ୱାଇଁ ସବ୍ୟସାଚୀ ପାଢୀ ପ୍ରମୁଖ ଉପସ୍ଥିତ ଥିଲେ ା ଅପରାହ୍ନରେ ମରଶରୀରକୁ ପୁରୀ ନିଆଯାଇ ସ୍ବର୍ଗଦ୍ୱାରଠାରେ ସତ୍କାର କରାଯାଇଛି ା
ରାଧାଗୋବିନ୍ଦ କଂଗ୍ରେସର ଜଣେ ସକ୍ରିୟ ସଦସ୍ୟ ଥିଲେ। ୧୯୮୦ରୁ ୧୯୮୫ ଏବଂ ୧୯୮୫ରୁ ୧୯୯୦ ଦୁଇଥର ଗଞ୍ଜାମ ଜିଲା କବିସୂର୍ଯ୍ୟନଗର ନିର୍ବାଚନ ମଣ୍ଡଳୀରୁ ବିଧାୟକ ନିର୍ବାଚିତ ହୋଇଥିଲେ ା ଦୀର୍ଘଦିନ ଧରି ସେ ଜିଲା କଂଗ୍ରେସର ସଭାପତି ମଧ୍ୟ ରହିଥିଲେ। ଜଣେ ସମବାୟବିତ୍ ଭାବେ ତାଙ୍କର ଖ୍ୟାତି ରହିଥିଲା ା ପୂର୍ବରୁ ବିଭିନ୍ନ ସମୟରେ ସେ ରାଜ୍ୟ ସମବାୟ ୟୁନିଅନର ଉପସଭାପତି, ଗଞ୍ଜାମ ଜିଲା ସମବାୟ ୟୁନିଅନର ସଭାପତି ଓ ରାଜ୍ୟ ସମବାୟ ଭୂ-ଉନ୍ନୟନ ବ୍ୟାଙ୍କ, ଓଡିଶା ରାଜ୍ୟ ସମବାୟ ମାର୍କେଟିଂ ଫେଡେରେଶନର ଉପସଭାପତି ଓ ଭୂ-ଦାନ ଯଜ୍ଞ ସମିତିର ସଦସ୍ୟ ରହିଥିଲେ। ସେହିପରି ଆସିକାର ଭୂ-ଉନ୍ନୟନ ବ୍ୟାଙ୍କ, ଉତ୍କଳ ଆୟୁର୍ବେଦିକ ସମବାୟ ଫାର୍ମାସୀ ଓ ଆସିକା ଅର୍ବାନ ବ୍ୟାଙ୍କର ସଭାପତି, ଆସିକା ସମବାୟ କେନ୍ଦ୍ର ବ୍ୟାଙ୍କ ପରିଚାଳନା ପରିଷଦର ସଦସ୍ୟ ମଧ୍ୟ ରହିଥିଲେ ା ୧୯୯୫ରୁ ସେ ରାଜନୀତିରୁ ନିଜକୁ ଦୂରେଇ ରଖିଥିଲେ ା
ପୂର୍ବତନ ବିଧାୟକ ରାଧାଗୋବିନ୍ଦଙ୍କ ମୃତ୍ୟୁରେ ପୂର୍ବତନ ବାଚସ୍ପତି ଚିନ୍ତାମଣି ଦ୍ୟାନସାମନ୍ତରା ଗଭୀର ଶୋକ ପ୍ରକାଶ କରିଛନ୍ତି। ସେହିପରି ଜିଲା କଂଗ୍ରେସ ସଭାପତି ଡ଼ା. ତ୍ରିନାଥ ବେହେରା, କାର୍ଯ୍ୟକାରୀ ସଭାପତି ପୀତବାସ ପଣ୍ଡା, ବ୍ରହ୍ମପୁର ନଗର କଂଗ୍ରେସ ସଭାପତି ପ୍ରମୋଦ କୁମାର ଜେନା ଶୋକ ପ୍ରକାଶ କରିଛନ୍ତି।
