ସାଧାରଣତଃ ପିଲାମାନେ ସ୍ପାଇଡର ଏବଂ ସୁପରମ୍ୟାନ୍ ପରି ସୁପରହିଟ୍ ଫିଲ୍ମ ଦେଖିବାକୁ ପସନ୍ଦ କରିଥାନ୍ତି। ଖାଲି ସେତିକି ନୁହେଁ, ମନଭିତରେ ନିଜକୁ ସ୍ପାଇଡର ମ୍ୟାନ୍ ବନେଇବାର ଇଚ୍ଛା ମଧ୍ୟ ରଖିଥାନ୍ତି। ଏପରି ଜଣେ ଶିଶୁର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। କିନ୍ତୁ ଶିଶୁଟିର କାହାଣୀ ଟିକେ ଅଲଗା। ତା’ର ନାମ ଇଲୟ। ସ୍ପାଇଡରମ୍ୟାନ୍ ଫିଲ୍ମ ଦେଖିବାକୁ ଇଲୟକୁ ଖୁବ୍ ଭଲ ଲାଗେ। ସେ ନିଜକୁ ମଧ୍ୟ ସୁପରହିରୋ ଭାବିବାକୁ ଲାଗିଲା। ସେ ତା’ ବାପା ଜେରେମିଙ୍କୁ ସ୍ପାଇଡରମ୍ୟାନ୍ ପୋଷାକ କିଣିଦେବାକୁ କହିଲେ। ପ୍ରଥମେ ଜେରେମି ମନା କରୁଥିଲେ ମଧ୍ୟ ପୁଅର ଜିଦ୍ ଆଗରେ ହାର ମାନି ଏକ ସ୍ପାଇଡରମ୍ୟାନ୍ ପୋଷାକ କିଣି ଆଣିଲେ। ଏହା ପରେ ଇଲୟ ଡ୍ରେସ୍ଟିକୁ ପିନ୍ଧ ସ୍ପାଇଡରମ୍ୟାନ୍ ହେବାକୁ ଇଚ୍ଛା ପ୍ରକାଶ କଲା। କେବଳ ଏତିକି ନୁହେଁ, ଡ୍ରେସ୍ ପିନ୍ଧି ସାରିବା ପରେ ଘର କାନ୍ଥରେ ସ୍ପାଇଡରମ୍ୟାନ୍ ପରି ଚାଲିବାକୁ ଚାହିଁଲା। ଏହି ଚାଲିବା ଅବସ୍ଥାରେ ଫଟୋ ଉଠାଇବାକୁ ବାପାଙ୍କ ନିକଟରେ ଜିଦ୍ ଧରିଲା। ଏଥର ମଧ୍ୟ ପୁଅ ନିକଟରେ ହାର୍ ମାନିଲେ ବାପା। ପିଲାଟି ସ୍ପାଇଡରମ୍ୟାନ୍ ପରି କାନ୍ଥରେ ଚାଲିଲେ, ଆଉ ବହୁତ ଫଟୋ ମଧ୍ୟ ଉଠାଇଲେ। ଜେରେମି ପୁଅର ସ୍ବପ୍ନ ପୂରା କରିବାକୁ ଏକ ତରିକା ଆପଣାଇଲେ। ସେ ଫଟୋଶପ୍ ମାଧ୍ୟରେ ଇଲୟଙ୍କ କିଛି ଫଟୋ ସହରର କାନ୍ଥବାଡ଼ରେ ଲଗାଇଦେଲେ। ଏହାକୁ ଦେଖି ଇଲୟ ବହୁତ ଖୁସି ହୋଇଗଲେ। ଏହି ଫଟୋଗୁଡ଼ିକ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି। ବର୍ତ୍ତମାନସୁଦ୍ଧା ଏହି ଫଟୋକୁ ୭ ଲକ୍ଷରୁ ଅଧିକ ଲୋକ ଲାଇକ୍ କରିଥିବା ବେଳେ ୧ ଲକ୍ଷରୁ ଊର୍ଦ୍ଧ୍ୱ ଟୁଇଟ୍ କରିଛନ୍ତି।
My son got the spider man costume he's been wanting forever today. I held him up in various positions and then photoshopped myself out. Turned out pretty good! pic.twitter.com/aEqYEdSVhf
— Positive Jerry™ (@SuperSartre) June 5, 2020