Posted inଜାତୀୟ

ନାଗରିକତ୍ୱ ବିଲ୍‌ ଲୋକ ସଭାରେ ଗୃହୀତ: ସମ୍ବିଧାନ ହେଉଛି ଏକମାତ୍ର ଧର୍ମ

ନୂଆଦିଲ୍ଲୀ,୧୦।୧୨(ପି.ଟି.):ନାଗରିକତ୍ୱ (ସଂଶୋଧନ) ବିଲ୍‌ ଲୋକ ସଭାରେ ସୋମବାର ବିଳମ୍ବିତ ରାତିରେ ଗୃହୀତ ହୋଇଯାଇଛି। ବିଲ୍‌କୁ ନେଇ ୧୨ ଘଣ୍ଟା ଧରି ଜୋର୍‌ଦାର ବିତର୍କ ପରେ ଏହା ନିମ୍ନ ସଦନର ଅନୁମୋଦନ ଲାଭ କରିଛି। ବିଲ୍‌ ସପକ୍ଷରେ ୩୧୧ ଭୋଟ ପଡିଥିବାବେଳେ ବିପକ୍ଷରେ ୮୦ଟି ଭୋଟ ଯାଇଥିଲା। ଏବେ ଏହା ରାଜ୍ୟ ସଭାର ଅନୁମୋଦନ ପାଇଁ ପଠାଯିବ। ବିଲ୍‌ରେ ମୁସଲମାନଙ୍କୁ ବାଦ୍‌ ଦିଆଯାଇଥିବାରୁ ଏହା ପକ୍ଷପାତମୂକଳ ଓ ସମ୍ବିଧାନ ବିରୋଧୀ ବୋଲି ବିରୋଧୀ ଦଳଗୁଡ଼ିକ ଅଭିଯୋଗ କରିଥିଲେ। ଆଲୋଚନାରେ ଭାଗନେଇ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା କହିଥିଲେ, ଧର୍ମ ଆଧାରରେ ଦେଶକୁ ବିଭାଜନ କରାଯାଇଥିଲା। ଏହି ବାସ୍ତବତାକୁ ଆମକୁ ଗ୍ରହଣ କରିବାକୁ ହେବ। ଧର୍ମ ଭିତ୍ତିରେ ଦେଶ ବିଭାଜନ ହୋଇ ନ ଥିଲେ ବିଲ୍‌ ଆଣିବାର ଆବଶ୍ୟକ ପଡ଼ି ନ ଥାନ୍ତା। ସମ୍ବିଧାନ ହେଉଛି ନରେନ୍ଦ୍ର ମୋଦି ସରକାରଙ୍କ ଏକମାତ୍ର ଧର୍ମ ବୋଲି ଶାହା କହିଥିଲେ। ବିଲ୍‌ ସମ୍ବିଧାନ ବିରୋଧୀ ବୋଲି ବିପକ୍ଷ ଦଳର ଅଭିଯୋଗକୁ ଶାହା ଖଣ୍ଡନ କରିଥିଲେ। ପାକିସ୍ତାନ, ବାଂଲାଦେଶ ଓ ଆଫଗାନିସ୍ତାନ ସେମାନଙ୍କ ସମ୍ବିଧାନରେ ଇସ୍‌ଲାମକୁ ସେମାନଙ୍କ ରାଷ୍ଟ୍ରଧର୍ମ କରିଛନ୍ତି। ୧୯୫୦ରେ ସ୍ବାକ୍ଷର ହୋଇଥିବା ନେହେରୁ-ଲିଆକତ୍‌ ଚୁକ୍ତିରେ ଉଭୟ ଦେଶ ସଂଖ୍ୟାଲଘୁମାନଙ୍କ ଯତ୍ନ ନେବାର ନିଷ୍ପତ୍ତି ହୋଇଥିଲାବେଳେ ପଡୋଶୀ ଦେଶରେ ସଂଖ୍ୟାଲଘୁ ନିର୍ଯାତିତ ହେଉଛନ୍ତି। ସେଠାରେ ସଂଖ୍ୟାଲଘୁମାନଙ୍କର ଦୋଷ କ’ଣ। ପଡୋଶୀ ଦେଶରେ ସଂଖ୍ୟାଲଘୁ ଅପମାନିତ ହେଲେ ଭାରତ ନୀରବ ଦର୍ଶକ ସାଜିପାରିବ ନାହିଁ ବୋଲି ଶାହା କହିଥିଲେ।
ବିଲ୍‌ ସମ୍ବିଧାନ ବିରୋଧୀ ବୋଲି ଯାହା କୁହାଯାଉଛି ତାହା ଠିକ୍‌ ନୁହେଁ। ଏହା ସମ୍ବିଧାନର ଅନୁଚ୍ଛେଦ ୧୪ର ଉଲ୍ଲଂଘନ କରୁ ନଥିତ୍ବା ସ୍ବରାଷ୍ଟ୍ର ମନ୍ତ୍ରୀ କହିଥିଲେ। କଂଗ୍ରେସ ନେତା ଶଶୀ ଥରୁର କହିଥିଲେ ଭାରତୀୟ ସମ୍ବିଧାନ ଦ୍ୱୈତ ରାଷ୍ଟ୍ର ସୂତ୍ରକୁ ପ୍ରତ୍ୟାଖ୍ୟାନ କରିଛି। ଭାରତ ଭୂଖଣ୍ଡ ବିଭାଜିତ ହୋଇଥିଲା। ଏହି ବିଲ୍‌ ଭାରତର ଆତ୍ମାକୁ ଭାଗ ଭାଗ କରିଦେବ ବୋଲି ଆଲୋଚନାରେ ଅଂଶଗ୍ରହଣ କରି କଂଗ୍ରେସ ନେତା ଶଶୀ ଥରୁର କହିଥିଲେ।
ଏଆଇଏମ୍‌ଆଇଏମ୍‌ ଅଧ୍ୟକ୍ଷ ଅସାଦୁଦ୍ଦିନ ଓଓ୍ବାଇସି ବିଲ୍‌କୁ ବିରୋଧ କରିବା ସହ ଏହାର କପିକୁ ଚିରିଦେଇଥିଲେ। ଦେଶକୁ ବିଭାଜନ କରିବା ଲାଗି ଏଭଳି ବିଲ୍‌ ଅଣାଯାଇଛି। ଭାରତୀୟ ମୁସଲମାନଙ୍କୁ ରାଷ୍ଟ୍ରବିହୀନ କରିବା ଲାଗି ଏହା ଚକ୍ରାନ୍ତ। ଏହା ଜାତୀୟ ସୁରକ୍ଷା ପାଇଁ ବିପଦ ସୃଷ୍ଟି କରିବ ବୋଲି ଏଆଇଏମ୍‌ଆଇଏମ୍‌ ଏମ୍‌ପି କହିଥିଲେ। ବିଲ୍‌ ଚିରିବା ଘଟଣାକୁ ଯଥାର୍ଥ କହିବାକୁ ଯାଇ ମହାତ୍ମା ଗାନ୍ଧୀ ଦକ୍ଷିଣ ଆଫ୍ରିକାରେ ଜାତୀୟ ପଞ୍ଜୀକରଣ କାର୍ଡ ଚିରିଦେଇଥିବା କଥା କହିଥିଲେ। ସେହିପରି ଦେଶକୁ ବିଭାଜନ କରିବାକୁ ଉଦ୍ୟମ ହେଉଥିବାରୁ ବିଲ୍‌କୁ ସେ ଚିରିଥିବା କହିଥିଲେ।
ପ୍ରବଳ ବିରୋଧ ମଧ୍ୟରେ ସୋମବାର ନାଗରିକତ୍ୱ (ସଂଶୋଧନ) ବିଲ୍‌, ୨୦୧୯ ଉପସ୍ଥାପନ କରାଯାଇଥିଲା। ଏହା ସଂଖ୍ୟାଲଘୁଙ୍କ ବିରୋଧରେ ନୁହେଁ ବରଂ ଅନୁପ୍ରବେଶକାରୀଙ୍କ ବିରୋଧରେ ବୋଲି ବିଲ୍‌ ଉପସ୍ଥାପନ ଅବସରରେ ସ୍ବରାଷ୍ଟ୍ରମନ୍ତ୍ରୀ ଶାହା କହିଥିଲେ। ବିଲ୍‌ ପ୍ରତି ଦେଶର ୧୩୦ କୋଟି ଲୋକଙ୍କ ସମର୍ଥନ ରହିଥିବା ସେ ଦାବି କରିଥିଲେ। ସମ୍ବିଧାନ ପ୍ରଦତ୍ତ ଯଥାର୍ଥ ବର୍ଗୀକରଣ ଆଧାରରେ ପ୍ରସ୍ତାବିତ ବିଧେୟକ ଅଣାଯାଇଥିବାରୁ ଏହା କୌଣସି ସାମ୍ବିଧାନିକ ବ୍ୟବସ୍ଥାର ଉଲ୍ଲଂଘନ କରିବ ନାହିଁ। ପାକିସ୍ତାନ,ବାଂଲାଦେଶ ଓ ଆଫଗାନିସ୍ତାନରେ ଧର୍ମୀୟ ବିଦ୍ୱେଷର ସମ୍ମୁଖୀନ ହୋଇ ଭାରତରେ ରହିଥିବା ଅଣମୁସଲମାନ ଶରଣାର୍ଥୀଙ୍କୁ ଭାରତୀୟ ନାଗରିକତ୍ୱ ପ୍ରଦାନ ଲାଗି ବିଲ୍‌ ଅଣାଯାଇଛି। ଅତୀତରେ ଅନେକ ଘଟଣାରେ ଲୋକଙ୍କୁ ନାଗରିକତ୍ୱ ପ୍ରଦାନ ଲାଗି ଆଇନ ପ୍ରସ୍ତୁତ ହୋଇଥିଲା। ୧୯୭୧ରେ ବାଂଲାଦେଶ ସୃଷ୍ଟି ହେବା ପରେ ଏବଂ ଉଗାଣ୍ଡାରେ ଭାରତୀୟଙ୍କ ଉପରେ ଆକ୍ରମଣ ପରେ ଏଭଳି ପଦକ୍ଷେପ ନେବାକୁ ପଡିଥିଲା ବୋଲି ସ୍ବରାଷ୍ଟ୍ରମନ୍ତ୍ରୀ କହିଥିଲେ।
ପୂର୍ବରୁ କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀ, ସୌଗତ ରାୟ, ଏନ୍‌.କେ. ପ୍ରେମ୍‌ଚନ୍ଦ୍ରନ, ଗୌରବ ଗୋଗୋଇ, ଶଶୀ ଥରୁର୍‌, ଅସାଦୁଦ୍ଦିନ ଓଓ୍ବାଇସି ପ୍ରମୁଖ ବିଲ୍‌ ଉପସ୍ଥାପନକୁ ବିରୋଧ କରିଥିଲେ। ସୋମବାର ସକାଳେ ବରିଷ୍ଠ କଂଗ୍ରେସ ସଦସ୍ୟ ଶଶୀ ଥରୁର ଲୋକ ସଭାକୁ ନୋଟିସ ଦେଇ ନାଗରିକତ୍ୱ ବିଲ୍‌ ଉପସ୍ଥାପନକୁ ବିରୋଧ କରାଯିବ ବୋଲି କହିଥିଲେ। ଲୋକ ସଭା କାର୍ଯ୍ୟ ପରିଚାଳନା ନିୟମାବଳୀର ଧାରା ୭୨ ଅନୁଯାୟୀ ସେ ଏହି ନୋଟିସ ଦେଇଥିଲେ। ନାଗରିକତ୍ୱ ସଂଶୋଧନ ବିଲ୍‌ ସମାନତା ମୌଳିକ ଅଧିକାରର ଉଲ୍ଲଂଘନ ବୋଲି ସେ କହିଥିଲେ। ଧର୍ମ ଆଧାରରେ ନାଗରିକତ୍ୱ ପ୍ରଦାନ ପାଇଁ ସରକାର ଉଦ୍ୟମ କରୁଥିବାରୁ ଏହା ସାମ୍ବିଧାନିକ ବ୍ୟବସ୍ଥାର ଉଲ୍ଲଂଘନ ବୋଲି ବିରୋଧୀ ନେତାମାନେ ଅଭିଯୋଗ କରିଥିଲେ। ପରେ ମତ ବିଭାଜନ ଜରିଆରେ ବିଲ୍‌କୁ ଆଗତ କରାଯାଇଥିଲା।


Enter your email to get our daily news in your inbox.

All Right Reserved By Dharitri.Com

ଓଡିଶା ରାଜନୀତିକୁ ନେଇ ଶାହାଙ୍କ ବଡ଼ ବୟାନ, କହିଲେ ନବୀନଙ୍କ ସହ ବଡ଼ ଫାଇଟ୍‌

ନୂଆଦିଲ୍ଲୀ,୧୯।୪: ଆରମ୍ଭ ହୋଇଯାଇଛି ଲୋକ ସଭା ନିର୍ବାଚନ ୨୦୨୪ l ତେବେ ଓଡିଶାରେ ନିର୍ବାଚନ ପାଇଁ ଅଳ୍ପ ଦିନ ବାକି ଥିବାବେଳେ ଗୃହମନ୍ତ୍ରୀ ଅମିତ ଶାହା...

ବିଦିଶା ଲୋକସଭା ଆସନରୁ ପ୍ରାର୍ଥୀପତ୍ର ଦାଖଲ କଲେ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ

ଭୋପାଳ,୧୯।୪: ଭାଜପାର ବରିଷ୍ଠ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ବିଦିଶା ଲୋକସଭା ଆସନରୁ ପ୍ରାର୍ଥୀ ଭାବେ ଶୁକ୍ରବାର ନାମାଙ୍କନପତ୍ର ଦାଖଲ...

କଂଗ୍ରେସକୁ ଭୋଟ ନ ଦେବାକୁ କହିଲେ ମମତା ବାନାର୍ଜୀ

କୋଲକତା,୧୯।୪: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୁରୁବାର ବିରୋଧୀ ଇଣ୍ଡିଆ ମେଣ୍ଟରେ ଥିବା ସିପିଆଇ(ଏମ) ଓ କଂଗ୍ରେସକୁ ତୀବ୍ର ସମାଲୋଚନା କରିଛନ୍ତି। ଉଭୟ ଦଳ ବେଙ୍ଗଲରେ...

‘ଜେଲ୍‌ରେ କେଜ୍‌ରିଓ୍ବାଲଙ୍କ ସହ କିଛି ବି ହୋଇପାରେ’

ନୂଆଦିଲ୍ଲୀ,୧୯।୪: ଅରବିନ୍ଦ କେଜ୍‌ରିଓ୍ବାଲଙ୍କୁ ମଧୁମେହ ହୋଇଥିଲେ ହେଁ ସେ ଜେଲ୍‌ରେ ଆମ୍ବ ଏବଂ ମିଠା ଖାଉଛନ୍ତି ବୋଲି ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଦାବି କରିଛି। ଏହାପରେ ରାଜନୈତିକ...

ନାଗାଲାଣ୍ଡର ୬ ଜିଲାରେ ବୁଥ୍‌ ଖାଁ ଖାଁ, ଭୋଟ ଦେବାକୁ ଆସିଲେ ନାହିଁ ଜଣେ ହେଲେ ବି ଭୋଟର୍‌  

କୋହିମା,୧୯ା୪: ନାଗାଲାଣ୍ଡରେ ପୃଥକ ସରକାର(ରାଜ୍ୟ) ଏବଂ ଅଧିକ ଆର୍ଥିକ ସ୍ବାଧୀନତା ଦାବିରେ ‘ଲୋକଙ୍କ ଜରୁରୀକାଳିନ ପରିସ୍ଥିତି’ ନେଇ ଘୋଷଣା କରି ପୂର୍ବ ନାଗାଲାଣ୍ଡ ଲୋକ ସଂଗଠନ(ଇଏନ୍‌ପିଓ)...

ନାନୋ ୟୁରିଆ ବ୍ୟବହାର ପାଇଁ ଆସିଲା ବିଜ୍ଞପ୍ତି

ନୂଆଦିଲ୍ଲୀ,୧୯ା୪: ୩ ବର୍ଷ ପାଇଁ ନାନୋ ୟୁରିଆ ପ୍ଲସ୍‌ ସାର ବ୍ୟବହାର ନିମନ୍ତେ କେନ୍ଦ୍ର ସରକାର ବିଜ୍ଞପ୍ତି ଜାରି କରିଛନ୍ତି। ତେବେ ଏହି ସାରର ଉର୍ବରତା...

ଜେଲ୍‌ ଭିତରେ କେଜରିଓ୍ବାଲଙ୍କୁ ମାରି ଦେବାକୁ ଷଡଯନ୍ତ୍ର!

ନୂଆଦିଲ୍ଲୀ,୧୯।୪: ଅବକାରୀ ଦୁର୍ନୀତି ମାମଲାରେ ଗିରଫ ହୋଇ ଜେଲରେ ଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ବିରୋଧରେ ଚାଲିଛି ସାଂଘାତିକ ଷଡଯନ୍ତ୍ର। ଜେଲ ଭିତରେ କେଜରିୱାଲଙ୍କୁ...

ନିଜକୁ ଭୋଟ୍‌ ଦେଇପାରିବେନି ଏହି ପ୍ରାର୍ଥୀ

ନୂଆଦିଲ୍ଲୀ,୧୯।୪: ଶୁକ୍ରବାର ପ୍ରଥମ ପର୍ଯ୍ୟାୟ ମତଦାନ ଚାଲିଛି। ଏହି ପରିପ୍ରେକ୍ଷୀରେ ୧୦୨ଟି ଲୋକସଭା ଆସନ ପାଇଁ ଭୋଟ ଗ୍ରହଣ ହେଉଥିବା ବେଳେ ବିହାରର ୪ଟି ଲୋକସଭା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri