କୋଲକାତା,୨୬ା୬ (ଆଇଏଏନ୍ଏସ୍): ପଶ୍ଚିମବଙ୍ଗର ଜଣେ ମଦ୍ରାସା ଶିକ୍ଷକ ‘ଜୟ ଶ୍ରୀରାମ’ ନ କହିବାରୁ ତାଙ୍କୁ ମାଡ଼ ମରାଯିବା ସହ ଚଳନ୍ତା ଟ୍ରେନ୍ରୁ ଫିଙ୍ଗି ଦିଆଯାଇଛି।
୨୨ ବର୍ଷୀୟ ତବ୍ରେଜ୍ ଅନ୍ସାରୀଙ୍କୁ ‘ଜୟ ଶ୍ରୀରାମ’ ଓ ‘ଜୟ ହନୁମାନ’ କହିବାକୁ ବାଧ୍ୟକରି ୧୮ ଘଣ୍ଟା ଧରି ପିଟିପିଟି ମାରିଦେବା ପରେ ପଶ୍ଚିମବଙ୍ଗରେ ପୁଣିଥରେ ଜଣେ ସଂଖ୍ୟାଲଘୁଙ୍କ ଉପରେ ଅନୁରୂପ ଭାବେ ଆକ୍ରମଣ ହୋଇଛି। ୨୪ ପ୍ରଗଣା ଜିଲାର ୨୬ ବର୍ଷୀୟ ଶିକ୍ଷକ ହାଫିଜ୍ ମହମ୍ମଦ ଶାହରୁଖ୍ ହାଲ୍ଦାରଙ୍କ ଅଭିଯୋଗ ହେଲା, ସେ ଗତ ଗୁରୁବାର ଟ୍ରେନ୍ରେ କ୍ୟାନିଂରୁ ହୁଗୁଳି ଯାଉଥିବାବେଳେ ତାଙ୍କ ନିକଟକୁ କେତେଜଣ ଯୁବକ ଆସିଥିଲେ। ସେମାନେ ତାଙ୍କୁ ଜୟ ଶ୍ରୀରାମ କହିବାକୁ ବାଧ୍ୟ କରିଥିଲେ। ହାଲ୍ଦାର ମନା କରିବାରୁ ସେମାନେ ତାଙ୍କୁ ମାଡ଼ ମାରିବା ସହ ପାର୍କ ସର୍କସ୍ ଷ୍ଟେଶନରେ ଚଳନ୍ତା ଟ୍ରେନ୍ରୁ ଫିଙ୍ଗି ଦେଇଥିଲେ। ଏଥିରେ ହାଲଦାର ଆହତ ହୋଇଛନ୍ତି। ସେ ବାଲିଗଞ୍ଜ ଜିଆର୍ପିଏସ୍ରେ ସୋମବାର କେତେଜଣ ଅଜ୍ଞାତ ବ୍ୟକ୍ତିଙ୍କ ନାମରେ ଏତଲା ଦେଇଛନ୍ତି।
