ବରଗଡ଼ ଅଫିସ୍,୩୦।୩-କରୋନା ସଂକ୍ରମଣକୁ ପ୍ରତିହତ ଉଦ୍ଦେଶ୍ୟରେ ସାମାଜିକ ଦୂରତା ବଜାୟ ରଖିବାରେ ଜନ ଚେତନା ବଢ଼ିବାରେ ଲାଗିଛି । ଏହି କ୍ରମରେ ବାହ୍ୟ ଅଞ୍ଚଳରୁ ନିଜ ଗ୍ରାମକୁ ସଂଯୋଗ କରୁଥିବା ରାସ୍ତା ଗୁଡ଼ିକରେ ପ୍ରବେଶ ଅବରୋଧ କରୁଛନ୍ତି । ସୋମବାର ବରଗଡ଼ ଜିଲା ଝାରବନ୍ଧ ଅଞ୍ଚଳର ଲୋକେ ପଡ଼ୋଶୀ ଛତିଶଗଡ଼ରୁ ନିଜ ଅଞ୍ଚଳକୁ ସଂଯୋଗ କରୁଥିବା ଝାରବନ୍ଧ-ବସନା, ଝାରବନ୍ଧ-ଶଙ୍କରା ଆଦି ରାସ୍ତାକୁ ପୋଲିସ ଉପସ୍ଥିତିରେ ସିଲ୍ କରିଛନ୍ତି । ଅନୁରୂପ ଭାବେ ଏହା ପୂର୍ବରୁ ଜିଲାର ପାଲି ବୁଗବୁଗା, ପଲସାପାଲି, ଗୁର୍ଖାପାଲି, ଗମ୍ଭାରୀପାଲି, ଉଦେପୁର ଆଦି ଗ୍ରାମର ଗ୍ରାମବାସୀ ନିଜ ଗାଁ ମୁଣ୍ଡରେ ବହିରାଗତଙ୍କ ପାଇଁ ପ୍ରବେଶ ଅବରୋଧ କରିଛନ୍ତି ।
