ଛତ୍ରପୁର,୧୬ା୪(ଡି.ଏନ୍.ଏ.): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଘରୋଇ ହିଂସା ରୋକିବା ପାଇଁ ଗଞ୍ଜାମ ପୋଲିସ ଜିଲା ପକ୍ଷରୁ ପଦକ୍ଷେପ ନିଆଯାଇଛି। ବିଭିନ୍ନ ସମୟରେ ଅଭିଯୋଗକାରୀ ଥାନାକୁ ଆସିପାରନ୍ତିନି। ଗଞ୍ଜାମରେ କରୋନା ନେଇ ଲକ୍ଡାଉନ ଓ ପ୍ରତ୍ୟହ ୧୯ ଘଣ୍ଟା ସଟ୍ଡାଉନ ରହିଛି। ଏହାଫଳରେ ଆହୁରି ଅସୁବିଧାର ସମ୍ମୁଖୀନ ହେବାକୁ ପଡୁଛି। ଏଣୁ ଗଞ୍ଜାମ ପୋଲିସ ଜିଲା ପକ୍ଷରୁ ୩ଟି ହେଲ୍ପଲାଇନ ନମ୍ବର ଜାରି କରାଯାଇଛି । ସେଗୁଡ଼ିକ ହେଲା ୦୬୮୧୧ – ୨୬୩୩୬୦, ୨୬୦୯୯୯, ୨୬୩୭୯୫। ନଚେତ୍ ପୋଲିସ କଣ୍ଟ୍ରୋଲ ନମ୍ବର ୧୦୦ରେ ଜଣାଇବାକୁ ପରାମର୍ଶ ଦିଆଯାଇଛି। ଜଣେ ଡିଏସ୍ପି ଏହାର ମନିଟରିଂ କରିବେ। ଅଭିଯୋଗ ପାଇ ପୋଲିସ ପହଞ୍ଚି ସହାୟତା ପ୍ରଦାନ କରିବ। ଏଥିସହିତ ଅଶାଳୀନ ବ୍ୟବହାର ନ କରିବା, ମହିଳାମାନଙ୍କ ଉପରେ ନିର୍ଯାତନା ନ କରିବାକୁ କୁହାଯାଇଛି।
