ନୂଆଦିଲ୍ଲୀ,୨।୪(ପି.ଟି.): କୋଭିଡ-୧୯ ସଂକ୍ରମଣ ମୁକାବିଲାରେ ଏବେ କ୍ରିକେଟରରୁ ରାଜନେତା ହୋଇଥିବା ଗୌତମ ଗମ୍ଭୀର ସାମିଲ ହୋଇଛନ୍ତି। ସେ ଏବେ ପାର୍ଲାମେଣ୍ଟର ସଦସ୍ୟ ରହିଛନ୍ତି। ଏମ୍ପି ହିସାବରେ ସେ ତାଙ୍କର ଦୁଇବର୍ଷର ଦରମାର ପ୍ରଧାନମନ୍ତ୍ରୀଙ୍କ କେୟାର୍ସ ଫଣ୍ଡକୁ ପ୍ରଦାନ କରିବେ ବୋଲି କହିଛନ୍ତି। ଗୁରୁବାର ସେ ଏ ନେଇ ଘୋଷଣା କରିଛନ୍ତି। ଗତ ସାଧାରଣ ନିର୍ବାଚନରେ ସେ ଇଷ୍ଟ ଦିଲ୍ଲୀରୁ ଭାଜପା ଟିକେଟରେ ବିପୁଳ ବିଜୟ ହାସଲ କରିଥିଲେ। ଲୋକଙ୍କୁ କରୋନା ଭାଇରସ ମୁକାବିଲା ପାଇଁ ସହାୟତା ପ୍ରଦାନ କରିବାକୁ ଅଗୋଇ ଆସିବାକୁ ସେ ଟୁଇଟ୍ କରି ଆହ୍ବାନ ଦେଇଛନ୍ତି।
‘ଲୋକେ କୁହନ୍ତି ଦେଶ ମୋତେ କ’ଣ ଦେଇଛି। କିନ୍ତୁ ପ୍ରକୃତ କଥା ହେଉଛି ଦେଶକୁ ତୁମେ କ’ଣ ଦେଉଛ’ ବୋଲି ଗମ୍ଭୀର ପ୍ରଶ୍ନ କରିଛନ୍ତି। ଏବେ ଦୁଇ ବର୍ଷର ଦରମା ଦାନ କରିବାକୁ ଯାଉଛି ବୋଲି ଗମ୍ଭୀର ଟୁଇଟ୍ କରିଛନ୍ତି। ଏହା ପୂର୍ବରୁ ଗମ୍ଭୀର ତାଙ୍କ ଏମ୍ପିଲାଡ ଫଣ୍ଡରୁ ୧ କୋାଟି ଟଙ୍କା ଓ ଗୋଟିଏ ମାସର ଦରମା ଦାନ କରିଥିଲେ। ଉଲ୍ଲେଖଥାଉ କି, କୋଭିଡ-୧୯ କାରଣରୁ ଭାରତରେ ଏବେ ୫୦ ଜଣ ଲୋକ ପ୍ରାଣ ହରାଇଛନ୍ତି ଓ ୨,୦୦୦ ଲୋକ ସଂକ୍ରମିତ ହୋଇଛନ୍ତି।
