ତାଳଚେର,୧୫ା୧୨(ନି.ପ୍ର.)- ମହାନଦୀ କୋଲ ଫିଲ୍ଡସ୍ ଲିମିଟେଡ (ଏମ୍ସିଏଲ)ଚଳିତ ଆର୍ଥିକ ବର୍ଷର ଡିସେମ୍ବର ୧୪ ତାରିଖରେ ୬.୪୬ ଲକ୍ଷ ଟନ କୋଇଲା ଉତ୍ତୋଳନ କରି ନୂତନ ରେକର୍ଡ କରିଛି। ତାଳଚେର କୋଲଫିଲ୍ଡସରୁ ୩.୯୭,୧୩୯ ମିଲିୟନ ଟନ ଏବଂ ଇବଭାଲିରୁ ୨.୪୯.୨୬୨ ମିଲିୟନ ଟନ କୋଇଲା ଉତ୍ତୋଳନ ହୋଇଛି। ଏ ସଂକ୍ରାନ୍ତରେ ଏମସିଏଲ ଜନସମ୍ପର୍କ ଅଧିକାରୀ ଡି. ମେହେରା ଏକ ପ୍ରେସ ବିବୃତି ମାଧ୍ୟମରେ ସୂଚନା ଦେଇଛନ୍ତି। ୨୦୧୮ ଡିସେମ୍ବର ୧୪ରେ ୪ ଲକ୍ଷ ୫୮ ହଜାର ୭ ଶହ ଟନ କୋଇଲା ଉତ୍ତୋଳନ ହୋଇଥିଲା। ସେହିପରି ଚଳିତ ଡିସେମ୍ବର ୧୪ରେ ଓଭର ବର୍ଡନ ରିମୁଭାଲ ୫,୧୭,୬୨୯ କ୍ୟୁବିକ୍ ମିଟର ଥିବାବେଳେ ଗତ ଡିସେମ୍ବର ୧୪ରେ ଏହା ଥିଲା ୪,୭୦,୪୦୦ କ୍ୟୁବିକ ମିଟର। ଲିଙ୍ଗରାଜ ଓ ହିଙ୍ଗୁଳା କ୍ଷେତ୍ର ନିର୍ଦ୍ଧାରିତ ଲକ୍ଷ୍ୟଠାରୁ ବହୁ ଅଧିକ କୋଇଲା ଉତ୍ତୋଳନ କରିଥିବା ବିବୃତିରେ କୁହାଯାଇଛି। ଏହି ସଫଳତା ପାଇଁ ଏମସିଏଲର ସିଏମଡି ଭୋଳାନାଥ ଶୁକ୍ଳା ସମସ୍ତ ଅଧିକାରୀ, କର୍ମଚାରୀ ଓ ଟିମ୍କୁ ଅଭିନନ୍ଦନ ଜଣାଇଛନ୍ତି ା କଠିନ ପରିଶ୍ରମ ଯୋଗୁ ଏହା ସମ୍ଭବ ହୋଇ ପାରିଛି ଓ ଆଗାମୀ ଦିନରେ ଏମସିଏଲ ଅଧିକ ସଫଳତା ହାସଲ କରି ପାରିବ ବୋଲି ସେ କହିଛନ୍ତି।
