କରୋନା ୫୦ କୋଟି ଲୋକଙ୍କୁ ଗରିବ କରିପାରେ

ଲଣ୍ଡନ,୧୦।୪: କରୋନା ଭାଇରସ୍‌ ଏବେ ପୃଥିବୀର ୨୦୯ ରାଷ୍ଟ୍ରକୁ ବ୍ୟାପି ୮୩ ହଜାରରୁ ଅଧିକ ଲୋକଙ୍କ ଜୀବନ ନେଇ ସାରିଲାଣି। ଏହା ବିଶ୍ୱ ଅର୍ଥନୀତି ଉପରେ ନକାରାତ୍ମକ ପ୍ରଭାବ ପକାଇଥିବାରୁ ଆଗାମୀ ଦିନରେ ପ୍ରାୟ ୫୦ କୋଟି ଲୋକ ଗରିବ ହୋଇଯାଇପାରନ୍ତି ବୋଲି ଦାରିଦ୍ର୍ୟ ଦୂରୀକରଣ ଦିଗରେ କାର୍ଯ୍ୟ କରୁଥିବା ଅନ୍ତର୍ଜାତୀୟ ସଙ୍ଗଠନ ‘ଅକ୍ସଫାମ୍‌’ ପକ୍ଷରୁ କୁହାଯାଇଛି। ଏଥିସହିତ ଅର୍ଥନୀତିରେ ଦେଖାଦେଇଥିବା ସଙ୍କଟ ଅବସ୍ଥାକୁ ଟାଳିବା ପାଇଁ ବିଶ୍ୱ ନେତାଙ୍କ ସାମ୍ନାରେ ଏବେ ଆହ୍ବାନ ଆସିଛି। ତେଣୁ ବିକାଶଶୀଳ ଅର୍ଥ ବ୍ୟବସ୍ଥାଗୁଡ଼ିକ ଦେବାକୁ ଥିବା ୧ ଲକ୍ଷ କୋଟି ଡଲାର ଋଣ ଦେୟକୁ ବାତିଲ କରିବା ଲାଗି ଦାବି ହୋଇଛି ବୋଲି ରିପୋର୍ଟରେ ପ୍ରକାଶ ପାଇଛି। ଏଭଳି ସଙ୍କଟ ସମୟରେ ଲୋକଙ୍କ ଘରୋଇ ଖର୍ଚ୍ଚ କମିଯାଉଥିବା ପରିପ୍ରେକ୍ଷୀରେ ବିଶ୍ୱ ଦାରିଦ୍ର୍ୟ ଉପରେ କି ପ୍ରଭାବ ପକାଇବ ସେ ସଂକ୍ରାନ୍ତରେ ଆସନ୍ତା ସପ୍ତାହରେ ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମ୍‌ଏଫ୍‌) ଓ ବିଶ୍ୱବ୍ୟାଙ୍କର ବାର୍ଷିକ ବୈଠକ ବସିବାକୁ ଯାଉଛି। ତା’ ପୂର୍ବରୁ ଏଭଳି ରିପୋର୍ଟ ପଦାକୁ ଆସିବା ଦ୍ୱାରା ଗରିବଙ୍କ ଦୁଃଖ କିଭଳି ବଢ଼ିଯାଉଛି ତା’ ଉପରେ ଗୁରୁତ୍ୱାରୋପ କରାଯାଇଛି।
ଉକ୍ତ ରିପୋର୍ଟରେ କୁହାଯାଇଛି ଯେ, ୨୦୦୮ରେ ବିଶ୍ୱ ଆର୍ଥିକ ସଙ୍କଟକୁ ବର୍ତ୍ତମାନର କରୋନା ଭାଇରସ୍‌ଜନିତ ଅର୍ଥନୈତିକ ଦୁଃସ୍ଥିତି ବଳିଯିବାର ଆଶଙ୍କା ସୃଷ୍ଟି କଲାଣି। ଆକଳନରୁ ଜଣାପଡ଼ିଲାଣି ଯେ, ଏବେ ଯେଭଳି ପରିସ୍ଥିତି ଉପୁଜିଛି ତାହା ୧୯୯୦ ପରେ ପ୍ରଥମ ଥର ପାଇଁ ବିଶ୍ୱ ସ୍ତରରେ ଦାରିଦ୍ର୍ୟ ହାର ଅଧିକ ବୃଦ୍ଧି କରିବ। ଅକ୍ସଫାମ୍‌ ଆମେରିକାର ପଲିସି ଆଣ୍ଡ୍‌ ଆଡ୍‌ଭୋକେସିର ଭାଇସ୍‌-ପ୍ରେସିଡେଣ୍ଟ ପଲ୍‌ ଓ’ ବ୍ରେନ୍‌ଙ୍କ ମତରେ ବିଶ୍ୱରେ ୩୦୦ କୋଟି ଲୋକ ଗରିବ ଅଛନ୍ତି। ସେମାନେ ସ୍ବଚ୍ଛ ପାନୀୟ ଜଳ ଓ ସ୍ବାସ୍ଥ୍ୟ ସେବା ପାଇପାରୁ ନାହାନ୍ତି। ସେମାନଙ୍କ ମଧ୍ୟରୁ ଅନେକେ ଅପପୁଷ୍ଟି ଦେଇ ଗତି କରୁଛନ୍ତି।କାମଧନ୍ଦା ନ ମିଳିବାରୁ ସେମାନଙ୍କ ଅର୍ଥିକ ଅବସ୍ଥା ଶୋଚନୀୟ ହେବାରେ ଲାଗିଛି। କାରଣ ସେମାନେ ମୁଖ୍ୟତଃ ଅଣସଙ୍ଗଠିତ ଅର୍ଥନୀତି ସହ ଜଡ଼ିତ ହୋଇଥାଆନ୍ତି। ବିଶ୍ୱ ବ୍ୟାଙ୍କ ଗତ ସପ୍ତାହରେ ରିପୋର୍ଟ ପ୍ରକାଶ କରିଥିଲା ଯେ, ଯଦି କରୋନା ଜନିତ ପରିସ୍ଥିତି ଯୋଗୁ ଅର୍ଥନୀତି ଅଧିକ କ୍ଷତିଗ୍ରସ୍ତ ହୁଏ, ତେବେ ପୂର୍ବ ଏସିଆ ଓ ପ୍ରଶାନ୍ତ ମହାସାଗରୀୟ ଅଞ୍ଚଳରେ ତୁଳନାତ୍ମକ ଭାବେ କେବଳ କୋଟିଏ ୧୦ ଲକ୍ଷ ଲୋକ ଅଧିକ ଗରିବ ହୋଇଯିବେ।
ରିପୋର୍ଟରେ ଅଧିକାଂଶ ପାଶ୍ଚାତ୍ୟ ଦେଶରେ ଲକ୍‌ଡାଉନ୍‌ ଜନିତ ପ୍ରଭାବ ସମ୍ପର୍କରେ ଉଲ୍ଲେଖ କରାଯାଇଛି। ଅର୍ଡର ବାତିଲ ହୋଇଯିବାରୁ ବାଂଲାଦେଶର ୧୦ ଲକ୍ଷରୁ ଊର୍ଦ୍ଧ୍ୱ ପୋଷାକ କାରିଗରଙ୍କୁ ଚାକିରିରୁ ଛଟେଇ କରିଦିଆଯାଇଛି, ଯେଉଁମାନଙ୍କ ମଧ୍ୟରୁ ୮୦ ପ୍ରତିଶତ ହେଉଛନ୍ତି ମହିଳା। ସେମାନଙ୍କୁ ବିନା ପାରିଶ୍ରମିକରେ ଘରକୁ ପଠାଇଦିଆଯାଇଛି। ଏହିଭଳି ବିଭିନ୍ନ ଦେଶରେ ଶ୍ରମିକ କାମଧନ୍ଦା ହରାଇ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି ବୋଲି ରିପୋର୍ଟରେ କୁହାଯାଇଛି।
ଦାରିଦ୍ର୍ୟ ଭଳି ଉତ୍କଟ ସମସ୍ୟାକୁ ଦୂରକରିବା ଲାଗି ଅକ୍ସଫାମ୍‌ କାର୍ଯ୍ୟାନ୍ବୟନ ଯୋଜନା ମଦ୍ୟ ସ୍ଥିର କରିଛି। ଲୋକଙ୍କୁ ନଗଦ ଅର୍ଥ ଦେବା ଦରକାର। ସେହିପରି ବ୍ୟବସାୟୀଙ୍କୁ ସେମାନଙ୍କ କ୍ଷତି ଭରଣା କରିବା ଲାଗି ଆର୍ଥିକ ପ୍ୟାକେଜର ଅବାଶ୍ୟକତା ରହିଛି। ଏଥିସହିତ ଋଣ ବାତିଲ, ଆଇଏମ୍‌ଏଫ୍‌ ପକ୍ଷରୁ ପାଣ୍ଠି ଯୋଗାଣ ଓ ସହାୟତା ରାଶି ବୃଦ୍ଧି ଉପରେ ଅକ୍ସଫାମ୍‌ ଗୁରୁତ୍ୱ ଦେଇଛି।
ଆସନ୍ତା ସପ୍ତାହରେ ଜି-୨୦ ରାଷ୍ଟ୍ରଗୋଷ୍ଠୀର ଅର୍ଥମନ୍ତ୍ରୀମାନଙ୍କ ସମ୍ମିଳନୀ ବସିବାକୁ ଯାଉଛି। ୨୦୨୦ରେ ବିକାଶଶୀଳ ରାଷ୍ଟ୍ରଗୁଡ଼ିକ ପୈଠ କରିବାକୁ ଥିବା ୧ ଟ୍ରିଲିୟନ ଡଲାର ମୂଲ୍ୟର ଋଣକୁ ତୁରନ୍ତ ବାତିଲ କରିବା ଲାଗି ଅକ୍ସଫାମ୍‌ ସୁପାରିସ୍‌ କରିଛି। ଉଦାହରଣ ସ୍ବରୂପ, ଘାନାକୁ ଚଳିତ ବର୍ଷ ପାଇଁ ଋଣ ପରିଶୋଧ ବାତିଲ କରାଗଲେ, ଏହାର ସରକାର ଦେଶର ୧୬ ନିୟୁତ ଶିଶୁ, ଭିନ୍ନକ୍ଷମ ଏବଂ ବୃଦ୍ଧବୃଦ୍ଧାଙ୍କୁ ୬ ମାସ ପାଇଁ ମାସିକ ୨୦ ଡଲାର ଲେଖାଏ ସହାୟତା ଦେଇପାରିବେ। ଏଥିସହିତ ଦରିଆପାରି ସହାୟତା ରାଶି ୫୦୦ ନିୟୁତ ଡଲାର ବଢ଼ାଇବା ଏବଂ ଆଇଏମ୍‌ଏଫ୍‌ରେ ୧ ଟ୍ରଲିୟନ ଡଲାରର ସ୍ବତନ୍ତ୍ର ପାଣ୍ଠି ଗଠନ କରିବା ଲାଗି ଅକ୍ସଫାମ୍‌ ସୁପାରିସ୍‌ କରିଛି। ଫଳରେ ଆଗାମୀ ସଙ୍କଟ ସମୟରେ ବିକାଶଶୀଳ ରାଷ୍ଟ୍ରଗୁଡ଼ିକ ଏଠାରୁ ସହାୟତା ନେଇ ଦେଶରେ ନଗଦୀକରଣ ବଢ଼ାଇପାରିବେ ବୋଲି ଅକ୍ସଫାମ୍‌ କହିଛି।


Enter your email to get our daily news in your inbox.

All Right Reserved By Dharitri.Com

ଗୋଟିଏ ମଞ୍ଚରେ ଏକାଠି ହେଲେ ବର୍ତ୍ତମାନ-ପୂର୍ବତନ ରାଷ୍ଟ୍ରପତି, ବାଇଡେନଙ୍କୁ ସମର୍ଥନ କଲେ ଓବାମା-କ୍ଲିଣ୍ଟନ

ଓ୍ବାଶଇଂଟନ,୨୯।୩: ଆମେରିକାର ରାଷ୍ଟ୍ରପତି ଜୋ ବାଇଡେନ ପୂର୍ବତନ ରାଷ୍ଟ୍ରପତି ବାରାକ ଓବାମା ଏବଂ ବିଲ କ୍ଲିଣ୍ଟନଙ୍କୁ ଏକାଠି ଗୋଟିଏ ମଞ୍ଚରେ ଏକ ଧନ ସଂଗ୍ରହ କାର୍ଯ୍ୟକ୍ରମରେ...

ଆମ ପିଲା ବହୁତ ଆଡ୍‌ଭାନ୍ସ: ଜନ୍ମ ହେବା ମାତ୍ରେ କୁହନ୍ତି AI

ନୂଆଦିଲ୍ଲୀ,୨୯ା୩: ଲୋକ ସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସ ଅନେକ ପ୍ରସଙ୍ଗରେ ଆଲୋଚନା କରିଥିଲେ। ଏହା...

ମୋଦି-ବିଲ୍‌ ଗେଟ୍ସ ଆଲୋଚନା: ସବୁ ଗାଁରେ ପହଞ୍ଚିବ ଡିଜିଟାଲ୍‌ ସେବା

ନୂଆଦିଲ୍ଲୀ,୨୯ା୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସଙ୍କ ମଧ୍ୟରେ ଏକ ବଡ଼ ଆଲୋଚନା ହୋଇଛି। ପ୍ରଧାନମନ୍ତ୍ରୀ ବିଲ୍‌ ଗେଟ୍ସଙ୍କୁ କହିଛନ୍ତି,...

ବ୍ରିଜ୍‌ ଉପରୁ ତଳକୁ ଖସିଲା ବସ୍‌: ଚାଲିଗଲା ୪୫ ଜୀବନ

କେପଟାଉନ୍‌,୨୯।୩: ଦକ୍ଷିଣ ଆଫ୍ରିକାର ଏକ ବସ ବ୍ରିଜ୍‌ ଉପରୁ ତଳକୁ ଖସିପଡିଛି। ଅତି କମରେ ୪୫ ଜଣଙ୍କର ମୃତ୍ୟୁ ଘଟିଛି ଏବଂ ଜଣେ ଆଠ ବର୍ଷର...

ଏହି କଥା ନେଇ ଭାବପ୍ରବଣ ହୋଇଗଲେ ବ୍ରିଟେନ ପ୍ରଧାନମନ୍ତ୍ରୀ: କହିଲେ, ମୋ ୨ ଝିଅ…

ଲଣ୍ଡନ,୨୯।୩: ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଭାବପ୍ରବଣ ହୋଇପଡିଛନ୍ତି। ସୁନକ କହିଛନ୍ତି ଯେ, ମୋର ଦୁଇ ଝିଅ ଅଛନ୍ତି, କୃଷ୍ଣା (୧୨) ଏବଂ ଅନୁଷ୍କା (୧୧)...

ସମ୍ପୂର୍ଣ୍ଣ ସେନା ପ୍ରତ୍ୟାହାର ଲାଗି ଭାରତ-ଚାଇନା ମଧ୍ୟରେ ଜୋର୍‌ଦାର ଆଲୋଚନା

ନୂଆଦିଲ୍ଲୀ,୨୮।୩: ପୂର୍ବ ଲଦାଖରେ ଦୀର୍ଘଦିନର ସୀମା ବିବାଦ ପରେ ଭାରତ ଏବଂ ଚାଇନାର ଶୀର୍ଷ କୂଟନୀତିଜ୍ଞମାନଙ୍କ ମଧ୍ୟରେ ସାନି ଆଲୋଚନା ଆରମ୍ଭ ହୋଇଛି। ପ୍ରକୃତ ନିୟନ୍ତ୍ରଣ...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାରତର ଆପତ୍ତି ସତ୍ତ୍ୱେ ସୁଧୁରୁନି ଆମେରିକା, ପୁଣି କେଜ୍‌ରିଓ୍ବାଲଙ୍କ ଗିରଫକୁ ନେଇ ଏମିତି କହିଲା

ଓ୍ବାଶିଂଟନ୍‌,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିୱାଲଙ୍କ ଗିରଫଦାରୀ ଉପରେ ଆମେରିକା ପୁଣି ଥରେ ମନ୍ତବ୍ୟ ଦେଇଛି। ଭାରତ ବିରୋଧ ପ୍ରଦର୍ଶନ ସତ୍ତ୍ୱେ ଆମେରିକା ଏଥିରୁ ନିବୃତ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri