ଅଦରକାରୀ ଜିନିଷର ସଦୁପଯୋଗ କରି ଶୌଚାଳୟ ସମସ୍ୟାର ସମାଧାନ କରୁଛନ୍ତି ହାଇଦ୍ରାବାଦର ଅଭିଷେକ ନାଥ। ପୁରୁୁଣା ଶିପ୍ କଣ୍ଟେନର ଉପଯୋଗ କରି ସେ ଉନ୍ନତ ଜ୍ଞାନକୌଶଳରେ ୨୦୦ରୁ ଊର୍ଦ୍ଧ୍ୱ ଶୌଚାଳୟ ନିର୍ମାଣ କରିଛନ୍ତି,ଯାହା ପୂତ୍ତିଗନ୍ଧମୟ ପରିବେଶ ଦୂର କରିପାରୁଛି। ଏଥିରେ ସେ ସେନ୍ସର ଲଗାଇଛନ୍ତି, ଯାହା ଦୁର୍ଗନ୍ଧ ଆରମ୍ଭ ହେବା କ୍ଷଣି ଜଣାଇ ଦେଉଛି। ପୁରୁଷ, ମହିଳା ଓ ଦିବ୍ୟାଙ୍ଗଙ୍କ ପାଇଁ ଅଲଗା ଅଲଗ ଶୌଚାଳୟ କରାଯାଇଛି। କଣ୍ଟ୍ରୋଲ ରୁମରୁ ଏହାର ସୁପରିଚାଳନା ପାଇଁ ଦିନରାତି ଏକ ଟିମ୍ ଲାଗିଛନ୍ତି। କଣ୍ଟେନରର ଓ୍ବାଲ୍ରେ ଭର୍ଟିକାଲ ଗାର୍ଡେନରେ ସୁବାସିତ ଫୁଲ ଓ ଆକର୍ଷଣୀୟ ଗଛ ଲଗାଇଛନ୍ତି। ଏହାକୁ ଲୋକମାନେ ମାଗଣାରେ ବ୍ୟବହାର କରୁଛନ୍ତି। ଏଣୁ ଶୌଚାଳୟ ପରିଚାଳନାରେ ଆବଶ୍ୟକ ହେଉଥିବା ପାଣ୍ଠି ଯୋଗାଡ କରିବା ଲାଗି ସେ ସେଥିରେ କାଫେ କରିଛନ୍ତି। ଏଠାରେ ଲୋକମାନଙ୍କ ପାଇଁ ପାନୀୟ ଓ ସ୍ନାକ୍ସ ବ୍ୟବସ୍ଥା ବି କରାଯାଇଛି। ଶିପ କଣ୍ଟେନର୍ରେ ନିର୍ମିତ ଶୌଚାଳୟକୁ ସହରର ବିଭିନ୍ନ ସ୍ଥାନରେ ରଖିତ୍ଛନ୍ତି। ଦିନକୁ ୨୦୦ରୁ ୧୫୦୦ ଲୋକ ବ୍ୟବହାର କରୁଛନ୍ତି। ଗ୍ରେଟର ହାଇଦ୍ରାବାଦ ମ୍ୟୁନିସିପାଲ କର୍ପୋରେଶନ ତାଙ୍କୁ ସ୍ଥାନ ଯୋଗାଇ ଦେବାପରେ ସେ କଣ୍ଟେନରକୁ ସେଠାରେ ସ୍ଥାପନ କରୁଛନ୍ତି। ବସ୍ଷ୍ଟାଣ୍ଡ ଓ ଏୟାରପୋର୍ଟ ନିକଟରେ ଏହାକୁ ବେଶି ରଖୁଛନ୍ତି। ଏଥିରୁ ଅନେକରେ ସୌରଶକ୍ତି ବ୍ୟବସ୍ଥା କରାଯାଇଛି। ଲୋକମାନେ ଅନ୍ୟ ପବ୍ଲିକ ଶୌଚାଳୟ ଛାଡ଼ି ଏହାକୁ ବେଶି ବ୍ୟବହାର କରୁଛନ୍ତି ବୋଲି କହନ୍ତି ୪୦ ବର୍ଷୀୟ ଅଭିଷେକ।
