ହେଲା ନାଲ୍କୋ ଭୀମ ଭୋଇ ବାଟିକା
ସୌନ୍ଦର୍ଯ୍ୟ ବଢ଼ାଇଲା ଟ୍ରାଇବାଲ୍ ମ୍ୟୁଜିୟମ୍
ବଅଁରପାଳ, ୧୩।୮-
ନାଲ୍କୋ ସେଣ୍ଟ୍ରାଲ ମାର୍କେଟ ଟାଉନଶିପ କଲୋନୀର ୩ ନମ୍ବର ଫାଟକ ନିକଟରେ ସୋମବାର ସନ୍ଧ୍ୟାର ସନ୍ଥକବି ଭୀମ ଭୋଇ ବାଟିକା ଉଦ୍ଘାଟିତ ହୋଇଯାଇଛି। ନାଲ୍କୋ ନିର୍ବାହୀ ନିର୍ଦ୍ଦେଶକ ମନସା ପ୍ରସାଦ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ଏହି ବାଟିକାକୁ ଉଦ୍ଘାଟନ କରିଥିଲେ। ଯୋରନ୍ଦାର ଅଭିନାଶ ବାବା ଓ ରଘୁ ବାବା ଯୋଗଦେଇ ଭୀମ ଭୋଇଙ୍କ ପ୍ରତିମୂର୍ତ୍ତି ନିକଟରେ ପୂଜାର୍ଚ୍ଚନା କରିଥିଲେ। ଏହି ବାଟିକାରେ ଟ୍ରାଇବାଲ୍ ମ୍ୟୁଜିୟମ ରହିଛି। ଏହି ମ୍ୟୁଜିୟମ୍ କଲୋନୀର ଶୋଭାକୁ ବହୁ ଗୁଣିତ କରିବ ବୋଲି ନାଲ୍କୋ ପକ୍ଷରୁ କୁହାଯାଇଛି। ପ୍ରାୟ ୧୫ ଲକ୍ଷ ଟଙ୍କା ବ୍ୟୟରେ ଏହି ବାଟିକା ନିର୍ମିତ ହୋଇଥିବା ଜଣାପଡ଼ିଛି। ଏହି କାର୍ଯ୍ୟକ୍ରମରେ ନାଲ୍କୋ ମାନବ ସମ୍ବଳ ମହାପ୍ରବନ୍ଧକ ସତ୍ୟାନନ୍ଦ ସାହୁ, ସ୍ମେଲଟର ମହାପ୍ରବନ୍ଧ ମୃତ୍ୟୁଞ୍ଜୟ ଦାଶ, ସିପିପି ମହାପ୍ରବନ୍ଧକ ଅମ୍ବିକା ପ୍ରସାଦ ପଣ୍ଡା, ମହାପ୍ରବନ୍ଧକ ଅମୀୟ ସ୍ବାଇଁ, ଡିଜିଏମ୍ ସୁଧାଂଶୁ ଶେଖର ପଣ୍ଡା, ନାଲ୍କୋ ଶ୍ରମିକ କଂଗ୍ରେସ ୟୁନିୟନ ସାଧାରଣ ସମ୍ପାଦକ ପରେଶ ଚନ୍ଦ୍ର ଜେନା, ଆଲୁମିନିୟମ ମଜୁଦୁର ସଂଘ ସାଧାରଣ ସମ୍ପାଦକ ରମେଶ ଚନ୍ଦ୍ର ବେହେରା, ନେପୁ ସଭାପତି ବିନୋଦ ବିହାରୀ ସେଠ, ମହାନିତ୍ୟ ମହିମା ସମାଜ ସମ୍ପାଦକ ପ୍ରଶାନ୍ତ ମହାପାତ୍ର, ପରିବେଶବିତ୍ ପ୍ରଦ୍ୟୁମ୍ନ ରଥ, ନାଲ୍କୋର ବରିଷ୍ଠ ପ୍ରବନ୍ଧକ ରାଜାରାମ ମିଶ୍ର, ଇଷ୍ଟେଟ ଅଧିକାରୀ ମଣିରଞ୍ଜନ ପଟ୍ଟନାୟକ, ନାଲ୍କୋ ଉଦ୍ୟାନ ବିଭାଗ ଅଧିକାରୀ ଶୁଭେନ୍ଦୁ ନାୟକ, ପ୍ରବନ୍ଧକ ଉମାକାନ୍ତ ମହାରଣା, ଅତିରିକ୍ତ ପ୍ରବନ୍ଧକ ପ୍ରଦୀପ୍ତ କିଶୋର ମଲ୍ଲିକ, ନାଲକୋ ଟ୍ରକ୍ ମାଲିକ ସଂଘ ସମ୍ପାଦକ ପ୍ରମୁଖ ଉପସ୍ଥିତ ଥିଲେ। ସେହିପରି କୁଲାଡ଼ ମହିମା ସମାଜର ଭୂତେଶ ଚନ୍ଦ୍ର ଜେନା, କରୁଣାକର ସେଠ, ପ୍ରଣବ ଜେନା, ବୈରାଗୀ ସେଠୀ, ରାଜେଶ ଜେନା, ପ୍ରେମାନନ୍ଦ ସେଠ ପ୍ରମୁଖ ସହଯୋଗ କରିଥିଲେ।
