ଅନୁରୋଧ ରଖିଲେ ତେଲେଙ୍ଗାନା ସରକାର
1:22 pmApril 3, 2020May 29, 2020 / 54

ପର୍ଲା, ୩।୪ (ଡି.ଏନ.ଏ)- କଳାହାଣ୍ଡି ଜିଲାର ୧୯୫ ଜଣ ଦାଦନ ଶ୍ରମିକଙ୍କୁ ତେଲେଙ୍ଗାନା ସରକାର ସହାୟତାର ହାତ ବଢାଇଛନ୍ତି। ଏମାନେ ତେଲେଙ୍ଗାନା ରାଜ୍ୟର ରାଙ୍ଗାରେଡ୍ଡି ଜିଲାର ଗାଚିବାଓଲି ଥାନା ନାନାକରମଗୁଡା ଗ୍ରାମରେ ଲକ ଡାଉନ ଯୋଗୁ ଫସି ରହିଛନ୍ତି। ଏହି ଖବର ଧରିତ୍ରୀରେ ଗତ ୨୮ ତାରିଖ ଦିନ ପ୍ରକାଶ ପାଇଥିଲା। ବରଗଡ ଜିଲା ବିଜେପୁର ଅଞ୍ଚଳର ସମାଜିକ କର୍ମୀ ଦିବସ କୁମାର ସାହୁ ଏ ନେଇ ତେଲେଙ୍ଗାନାର ମୁଖ୍ୟମନ୍ତ୍ରୀଙ୍କୁ ଟୁଇଟ୍‌ କରି ଏହା ଅବଗତ କର ଏମାନଙ୍କୁ ସହାୟତା ଯୋଗାଇ ଦେବାକୁ ଅନୁରୋଧ କରିଥିଲେ । ତତ୍‌ ଅନୁଯାୟୀ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ସ୍ଥାନୀୟ ପ୍ରଶାସନ ଏହି ଦାଦନ ଶ୍ରମିକମାନଙ୍କୁ ସହାୟତାର ହାତ ବଢାଇଥିଲା। ତେବେ ସାହୁଙ୍କ କହିବା ମତେ ପ୍ରଥମେ ସେ ଓଡିଶା ସରକାରଙ୍କୁ ଟ୍ବିଟର୍‌ ମାଧ୍ୟମରେ ସହାୟତା ଯୋଗାଇ ଦେବାକୁ ଅନୁରୋଧ କରିଥିଲେ ମଧ୍ୟ ଓଡିଶା ସରକାର କର୍ଣ୍ଣପାତ କରି ନ ଥିଲେ । ଏହାପରେ ତେଲେଙ୍ଗାନା ସରକାରଙ୍କ ସହଯୋଗ ଲୋଡିଥିଲେ।