୨୦୦ ଏକର ଜମିରେ ହେବ ସ୍ଥାୟୀ କ୍ୟାମ୍ପସ୍‌

ଛତ୍ରପୁର,୧୮ା୬(ଡି.ଏନ.ଏ.)-ବ୍ରହ୍ମପୁର ସରକାରୀ ଆଇଟିଆଇ କୋଠାରେ ଅସ୍ଥାୟୀ ଭାବେ ଆଇଜର (ଇଣ୍ଡିଆନ୍‌ ଇନଷ୍ଟିଚ୍ୟୁଟ୍‌ ଅଫ୍‌ ସାଇନ୍ସ ଏଜୁକେଶନ ଆଣ୍ଡ୍‌ ରିସର୍ଚ୍ଚ)ର ଟ୍ରାନଜିଟ୍‌ କ୍ୟାମ୍ପସ ଚାଲିଛି ା ଏଠାରେ ୩୫୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ପଢୁଛନ୍ତି। ୨୦୧୬ରେ ଏଠାରେ ଆଇଜର ଖୋଲିଥିଲା। ସ୍ଥାୟୀ କ୍ୟାମ୍ପସ ପାଇଁ କନିଷି ତହସିଲ ଅଧୀନ ଗୋପାଳପୁର ନିକଟ ଲାଉଡିଗାଁଠାରେ ଚିହ୍ନଟ ୨୦୦ ଏକର ଜମି ଓଡିଶା ସରକାରଙ୍କ ପକ୍ଷରୁ ଆଇଜରକୁ ପ୍ରଦାନ କରାଯାଇଛି ା ବ୍ରହ୍ମପୁର ସରକାରୀ ଆଇଟିଆଇରେ ଚାଲିଥିବା ଆଇଜର ପାଇଁ କେତେକ ସମସ୍ୟା ଥିବା ନେଇ ଗଞ୍ଜାମ ଜିଲାପ୍ରଶାସନର ଦୃଷ୍ଟି ଆକର୍ଷଣ କରାଯାଇଥିଲା ା ଏହି ପରିପ୍ରେକ୍ଷୀରେ ସୋମବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ଏକ ବୈଠକ ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ହୋଇଥିଲା। ଆଇଜର କର୍ତ୍ତୃପକ୍ଷଙ୍କ ପକ୍ଷରୁ କେତେକ ସମସ୍ୟା ଓ ପ୍ରସ୍ତାବ ସମ୍ପର୍କରେ ବୈଠକରେ ବିସ୍ତୃତ ଭାବେ ଆଲୋଚନା ହୋଇଥିଲା ା ବର୍ତ୍ତମାନ ଆଇଜରର ଅସ୍ଥାୟୀ କ୍ୟାମ୍ପସ୍‌ ବ୍ରହ୍ମପୁର ଆଇଟିଆଇର ଏକ କୋଠାର ଦ୍ୱିତୀୟ, ତୃତୀୟ ଓ ଚତୁର୍ଥ ଫ୍ଲୋରରେ ଚାଲିଛି ଏବଂ ସେଠାରେ ପାଠ ପଢାଯାଉଛି ା ପାଠପଢା ପାଇଁ ଏହା ପର୍ଯ୍ୟାପ୍ତ ନ ଥିବାରୁ ଗ୍ରାଉଣ୍ଡ ଓ ପ୍ରଥମ ଫ୍ଲୋର ମଧ୍ୟ ଆବଶ୍ୟକ ପଡୁଛି ା ଗ୍ରାଉଣ୍ଡ ଓ ପ୍ରଥମ ଫ୍ଲୋରରେ ସରକାରୀ ଆଇଟିଆଇ ଚାଲିଛି ା ଏହି ଦୁଇ ଫ୍ଲୋର ଦେବା ପାଇଁ ଆଇଜର ପକ୍ଷରୁ ଆଇଟିଆଇକୁ କୁହାଯାଇଥିଲା। ଆଇଟିଆଇ କ୍ୟାମ୍ପସ୍‌ରେ ଆଉ ଏକ ନୂତନ କୋଠା ନିର୍ମାଣ ହୋଇସାରିଛି। ଉକ୍ତ ନୂତନ କୋଠାକୁ ଏହି ଦୁଇଟି ଫ୍ଲୋରରୁ ଆଇଟିଆଇକୁ ସ୍ଥାନାନ୍ତର କରାଯିବ ା ତେବେ ସେଠାରେ ଥିବା ଆଇଟିଆଇର ବିଭିନ୍ନ ମେଶିନ୍‌, ଭିତ୍ତିଭୂମି ଆଦି ନୂତନ କୋଠାକୁ ସ୍ଥାନାନ୍ତର କରିବା ପାଇଁ ୯୫ ଲକ୍ଷ ଟଙ୍କା ଦେବାକୁ ଆଇଜରକୁ କୁହାଯାଇଥିଲା ା ତେବେ ୬୫ ଲକ୍ଷ ଟଙ୍କା ଆଇଟିଆଇକୁ ଦେବା ପାଇଁ ଆଇଜର ରାଜି ହୋଇଥିବା ଜଣାପଡିଛି ା ଏହା ଉପରେ ଖୁବ୍‌ ଶୀଘ୍ର ଚୂଡାନ୍ତ ନିଷ୍ପତ୍ତି ନିଆଯିବ ା ଅନ୍ୟପକ୍ଷରେ ଅସ୍ଥାୟୀ ଆଇଜର କ୍ୟାମ୍ପସ୍‌ ପାଇଁ ଦୈନିକ ୨୫ ହଜାର ଲିଟର ପାଣି ଆବଶ୍ୟକ ପଡୁଛି। ବିଭିନ୍ନ ଲ୍ୟାବ୍‌ରେ ରିସର୍ଚ୍ଚ ହେଉଥିବାରୁ ମିଳୁଥିବା ପାଣି ପର୍ଯ୍ୟାପ୍ତ ହେଉ ନ ଥିବା ବୈଠକରେ ଜିଲାପାଳଙ୍କ ଦୃଷ୍ଟିଆକର୍ଷଣ କରାଯାଇଥିଲା ା ଏହା ଉପରେ ପଦକ୍ଷେପ ନେବା ପାଇଁ ଜନସ୍ବାସ୍ଥ୍ୟ ନିର୍ବାହୀଯନ୍ତ୍ରୀଙ୍କୁ ଜିଲାପାଳ ନିର୍ଦ୍ଦେଶ ଦେଇଛନ୍ତି। ୨୦୦ ଏକର ଜମିରେ ନିର୍ମାଣ ହେବାକୁ ଥିବା ନୂତନ କ୍ୟାମ୍ପସରେ ଅଧିକ ପାଣି ଦରକାର ପଡିବ ଏବଂ ଋଷିକୁଲ୍ୟା ପ୍ରକଳ୍ପରୁ ଏହି ପାଣି ଆଇଜରକୁ ଯୋଗାଇ ଦିଆଯିବ ବୋଲି ସୂଚନା ମିଳିଛି। ପିଲାଙ୍କ ପାଇଁ ସ୍ବତନ୍ତ୍ର ରାସ୍ତା ନିର୍ମାଣ କରିବାକୁ ଆଇଜର କର୍ତ୍ତୃପକ୍ଷ ପ୍ରସ୍ତାବ ଦେଇଥିଲେ। ନୂତନ କ୍ୟାମ୍ପସଠାରୁ ଏଡି କଲେଜ ଓ ଗୋପାଳପୁର ପର୍ଯ୍ୟନ୍ତ ଆପ୍ରୋଚ୍‌ ରୋଡ୍‌ ଉପରେ ଆଲୋଚନା ହୋଇଥିଲା ା ଜାତୀୟ ରାଜପଥରୁ ୩ଟି ଆପ୍ରୋଚ୍‌ ରୋଡ୍‌ର ପ୍ରସ୍ତାବ ରହିଛି ା ମଞ୍ଜୁରୀ ଆସିଲେ ଏହା ତ୍ୱରାନ୍ବିତ ହେବ। ଆଇଜରକୁ କନିଷି ଗ୍ରୀଡ୍‌ରୁ ବିଦ୍ୟୁତ ସଂଯୋଗ ପାଇଁ ୮ କୋଟି ଟଙ୍କାର ଏକ ଏଷ୍ଟିମେଟ୍‌ ଦିଆଯାଇଛି ା ମାତ୍ର ନରେନ୍ଦ୍ରପୁର ଗ୍ରୀଡ୍‌ରୁ ବିଦ୍ୟୁତ ସଂଯୋଗ ପାଇଁ ଆଇଜର କର୍ତ୍ତୃପକ୍ଷ ଚାହୁଁଛନ୍ତି। ଏଥିପାଇଁ ୧୧ କୋଟି ଟଙ୍କା ଆବଶ୍ୟକ ଥିବା ସୂଚନା ମିଳିଛି ା ବିଦ୍ୟୁତ ଓ ଆପ୍ରୋଚ୍‌ ରାସ୍ତା ପାଇଁ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରାଯିବ ବୋଲି ଜିଲାପାଳ କହିଥିଲେ ା ଅତିରିକ୍ତ ଜିଲାପାଳ (ରାଜସ୍ବ)ଙ୍କୁ ଏହି ସବୁ କାର୍ଯ୍ୟର ମନିଟରିଂ ଦାୟିତ୍ୱ ଦିଆଯାଇଛି। ଜୁଲାଇରେ ପୁଣି ଥରେ ବୈଠକ କରି ଆଲୋଚନା କରାଯିବ ବୋଲି ଜିଲାପାଳ ସୂଚନା ଦେଇଛନ୍ତି। ବୈଠକରେ ଆଇଜରର ନିର୍ଦ୍ଦେଶକ ପ୍ରଫେସର କେ. ଭି ଆର୍‌ ଚାରୀ, ଅତିରିକ୍ତ ଜିଲାପାଳ (ରାଜସ୍ବ) ଲକ୍ଷ୍ମୀକାନ୍ତ ସେଠୀ, ଡେପୁଟି କଲେକ୍ଟର (ରାଜସ୍ବ) ଦିବ୍ୟଲୋଚନ ମହନ୍ତ, ରଙ୍ଗେଇଲୁଣ୍ଡା ଏବିଡିଓ ତ୍ରିପତି ବାଲାଜି, କନିଷି ତହସିଲଦାର ଅନିତା କୁମାରୀ ସାହୁ, ଡ. ରଜତ କୁମାର ପାଣିଗ୍ରାହୀ, ବ୍ରହ୍ମପୁର ଜନସ୍ବାସ୍ଥ୍ୟ ବିଭାଗର ନିର୍ବାହୀ ଯନ୍ତ୍ରୀ ସୀତାରାମ ପଣ୍ଡା, ଆଇଜରର ନିର୍ବାହୀଯନ୍ତ୍ରୀ ସଞ୍ଜୟ ମାଝି,ରାସ୍ତା ଓ କୋଠାବାଡି ବିଭାଗର ନିର୍ବାହୀଯନ୍ତ୍ରୀ ଲକ୍ଷ୍ମଣ ମୁର୍ମୁଙ୍କ ସମେତ ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ଥିଲେ ା


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କୁ ଭେଟିଲେ ଠକେଇର ଶିକାର ଛାତ୍ରୀଛାତ୍ର

ଫୁଲବାଣୀ ଅଫିସ, ୨୧ା୬- ଭୁବନେଶ୍ୱରରେ ଏକ ଶିକ୍ଷା ଅନୁଷ୍ଠାନରେ ମାଗଣା ପଢ଼ିବା, ରହିବା, ଖାଇବା ଇତ୍ୟାଦି ପ୍ରଲୋଭନ ଦେଖାଇ କନ୍ଧମାଳର ଜଣେ ଯୁବକ ପାଖାପାଖି ୨୦...

ଆଙ୍କୋରଡ଼ା ସରପଞ୍ଚଙ୍କ ଘରେ ଭିଜିଲାନ୍ସ ଚଢ଼ାଉ: ୧.୫ କୋଟିରୁ ଊର୍ଦ୍ଧ୍ୱ ଟଙ୍କାର ସମ୍ପତ୍ତି ଜବତ, ସରପଞ୍ଚ ଅଟକ

ଦିଗପହଣ୍ଡି,୧୧ା୭(ଡି.ଏନ.ଏ.)-ଗଞ୍ଜାମ ଜିଲା ଦିଗପହଣ୍ଡି ଏନ୍‌ଏସି ୧ ନଂ. ୱାର୍ଡ ନୀଳାଦ୍ରି ବିହାରରେ ରହୁଥିବା ବିଜେଡି ନେତା ତଥା ଆଙ୍କୋରଡା ସରପଞ୍ଚ ଉସନ୍ତ କୁମାର ସାହୁଙ୍କ ୨...

ବୁଗୁଡ଼ା ବ୍ଲକ: ୬୦ ସଂଗରୋଧ କେନ୍ଦ୍ରରେ ୨୫୧୪ ପ୍ରବାସୀ

ବୁଗୁଡ଼ା,୧୧ା୫(ଡି.ଏନ.ଏ.)-ବୁଗୁଡ଼ା ବ୍ଲକ ଏବଂ ଏନ୍‌ଏସି ଅଧୀନରେ ଥିବା ୬୦ ସଂଗରୋଧ କେନ୍ଦ୍ରରେ ସୋମବାର ସୁଦ୍ଧା ୨୫୧୪ ପ୍ରବାସୀ ରହିଥିବା ଜଣାପଡ଼ିଛି। ସେଥିରୁ ୨୪୯୫ ଜଣ ସୁରଟ...

‘ଖଲ୍ଲିକୋଟ ବିଶ୍ୱବିଦ୍ୟାଳୟ ଅଧୀନରୁ ଅଲଗା କର’

ବ୍ରହ୍ମପୁର ଅଫିସ୍‌,୧୪ା୯-ଖଲ୍ଲିକୋଟ କ୍ଲଷ୍ଟର ବିଶ୍ୱବିଦ୍ୟାଳୟ ନାନା ସମସ୍ୟା ଦେଇ ଗତି କରୁଛି। ଏହି ବିଶ୍ୱବିଦ୍ୟାଳୟ ଅଧିନସ୍ଥ ଗୋଟିଏ ପରେ ଗୋଟିଏ କଲେଜର ଛାତ୍ରୀଛାତ୍ରମାନେ ବିଭିନ୍ନ ସମସ୍ୟାକୁ...

ଦୁଇ ଦିନରେ ମାସ୍କ ନ ପିନ୍ଧି ଗଣିଲେ ୧ ଲକ୍ଷରୁ ଅଧିକ ତଣ୍ଡ

ବ୍ରହ୍ମପୁର ଅଫିସ,୨୬।୭: ଗଞ୍ଜାମ ଜିଲାରେ କରୋନା ସଂକ୍ରମିତ ସଂଖ୍ୟା ସହିତ ମୃତ୍ୟୁ ହାର ମଧ୍ୟ ଦିନକୁ ଦିନ ବଢ଼ିବାରେ ଲାଗିଛି। ଏହାକୁ ରୋକିବା ପାଇଁ ସରକାର...

ଏମ୍‌କେସିଜିରେ ଅକ୍ସିଜେନ୍‌ ଅଭାବ: ଗୁଜବ କହିଲେ ଜିଲାପାଳ

ଛତ୍ରପୁର,୩।୮(ଡି.ଏନ୍‌.ଏ): ଗଞ୍ଜାମ ଜିଲା ବ୍ରହ୍ମପୁର ଏମ୍‌କେସିଜି ମେଡିକାଲ କଲେଜ ହସ୍ପିଟାଲରେ ଅକ୍ସିଜେନ୍‌ ଅଭାବ ନେଇ ଭିଡିଓ ଭାଇରାଲ ହୋଇଥିଲା। ତେବେ ଅକ୍ସିଜେନ୍‌ର କୌଣସି ଅଭାବ ନ...

ଗଞ୍ଜାମରେ ପୋଲିସ କର୍ମଚାରୀଙ୍କ ମୃତ୍ୟୁ

ଛତ୍ରପୁର,୧୨।୭(ଡି.ଏନ୍‌.ଏ.): ଗଞ୍ଜାମ ଜିଲାରେ କାର୍ଯ୍ୟରତ ଜଣେ ପୋଲିସ କର୍ମଚାରୀଙ୍କ ଶନିବାର କରୋନାରେ ମୃତ୍ୟୁ ଘଟିଛି। ରବିବାର ଏ ସମ୍ପର୍କରେ ଗଞ୍ଜାମ ଏସ୍‌ପି ବ୍ରିଜେଶ କୁମାର ରଏ...

ଅଟୋ-ମିନିଟ୍ରକ୍‌ ଧକ୍କା: ଜଣେ ମୃତ, ୫ ଆହତ

ଛତ୍ରପୁର, ୮।୭(ଡି.ଏନ.ଏ): ଛତ୍ରପୁର ସହର ଉପକଣ୍ଠ ଏକ ଢାବା ସମ୍ମୁଖ ଜାତୀୟ ରାଜପଥରେ ରବିବାର ସକାଳେ ଅଟୋ ରିକ୍ସାକୁ ମିନିଟ୍ରକ୍‌ ଧକ୍କା ଦେବାରୁ ଜଣେ ଯାତ୍ରୀଙ୍କ...

Coronavirus Update


Archives

Model This Week

Why Dharitri