ସ୍ଥାଣୁ ପାଲଟିଛି ଜିଲା କ୍ରିକେଟ ସଂଘ: ପ୍ରତିଭାଙ୍କୁ ମିଳୁନି ଉପଯୁକ୍ତ ସୁଯୋଗ

ଅନୁଗୋଳ ଅଫିସ, ୮।୯ – ଅନୁଗୋଳ ଜିଲା କ୍ରିକେଟ୍‌ ସଂଘର କାର୍ଯ୍ୟକୁ ନେଇ ବଢ଼ୁଛି ଅସନ୍ତୋଷ। ବିଶେଷକରି ପୂର୍ବତନ ଖେଳାଳିମାନେ ଖୋଲାଖୋଲି ସେମାନଙ୍କ ଅସନ୍ତୋଷ ଜାହିର କରୁଛନ୍ତି। ଜିଲାରେ ଉଦୀୟମାନ ଖେଳାଳି ସୃଷ୍ଟି କରିବା ଓ ସେମାନଙ୍କ ପ୍ରତିଭାର ଠିକଣା ବିକାଶ ଦିଗରେ ସଂଘ କିଛି ବି ପଦକ୍ଷେପ ନେଉ ନ ଥିବା ସେମାନେ ଅଭିଯୋଗ କରିଛନ୍ତି। ସେହିପରି ଖେଳାଳି ଚୟନ ଠାରୁ ପ୍ରଶିକ୍ଷଣ ପର୍ଯ୍ୟନ୍ତ ସବୁଥିରେ କେଁ ରହିଥିବା ବେଳେ ସଂଘର କାର୍ଯ୍ୟକାଳ ସରିଯାଇଥିଲେ ବି ଏଯାଏ ନିର୍ବାଚନ କି କର୍ମକର୍ତ୍ତା ଚୟନ ହେଉ ନ ଥିବାରୁ ସଂଘ ସ୍ଥାଣୁ ପାଲଟିଥିବା ପୂର୍ବତନ ଖେଳାଳିମାନେ ଅଭିଯୋଗ କରିଛନ୍ତି।
କେତେଜଣ ପୂର୍ବତନ ଖେଳାଳିଙ୍କ କହିବା ଅନୁଯାୟୀ, ଜିଲା କ୍ରିକେଟ ଏକଜିକ୍ୟୁଟିଭ ବଡ଼ିରେ ମୋଟ ୨୯ ସଦସ୍ୟ ରହିଛନ୍ତି। ସେମାନଙ୍କ ମଧ୍ୟରୁ କେତେଜଣଙ୍କ ମଧ୍ୟ ସଂଘର କାର୍ଯ୍ୟକୁ ନେଇ ସନ୍ତୁଷ୍ଟ ନୁହନ୍ତି। ସେମାନଙ୍କ କହିବା କଥା ହେଲା, ଜିଲା କ୍ରିକେଟ ଆସୋସିଏଶନ୍‌ ଥାଇ ବି ନ ଥିବା ଭଳି। ଗତ ୫ ବର୍ଷ ମଧ୍ୟରେ ସଂଘର କୌଣସି ସାଧାରଣ ବୈଠକ ଅନୁଷ୍ଠିତ ହୋଇନାହିଁ। ଜିଲାରେ କ୍ରିକେଟର ଉନ୍ନତି ପାଇଁ କିଛି ପଦକ୍ଷେପ ଗ୍ରହଣ କରାଯାଇନାହିଁ। ଏପରି କି ଜିଲାରେ କେବେ କ୍ରିକେଟରଙ୍କୁ ଉତ୍ସାହିତ କରିବା ପାଇଁ ଏକ ବଡ଼ ଧରଣର ଟୁର୍ନାମେଣ୍ଟ ଖେଳାଯାଇନି। ଜିଲା ଆସୋସିଏଶନ୍‌ କାର୍ଯ୍ୟାଳୟରେ ଥିବା କ୍ରିକେଟ ସରଞ୍ଜାମ, ଟିଭି, ଟେବୁଲ, ଚୌକି ସବୁ ଚୋରି ହୋଇଗଲାଣି। ଏସବୁ କାରଣରୁ ଜିଲା କ୍ରିକେଟରମାନେ ରାଜ୍ୟସ୍ତରରେ ଭଲ ପ୍ରଦର୍ଶନ କରିପାରୁନାହାନ୍ତି। ସଂଘ କର୍ମକର୍ତ୍ତାଙ୍କ କାର୍ଯ୍ୟକାଳ ପୂରଣ ହୋଇସାରିଥିଲେ ବି ସେମାନେ ଚୌକି ମାଡ଼ି ବସିଛନ୍ତି। ଓସିଏ ନିର୍ବାଚନ ପାଇଁ ଚିଠି ଆସିଥିବାରୁ ଆସୋସିଏଶନ୍‌ ଯେତିକି ଉତ୍ସାହ ଦେଖାଉଛି, ତାହା ନୂତନ ପ୍ରତିଭା ଅନ୍ବେଷଣ ପାଇଁ କହିଁକି ନାହିଁ ବୋଲି ସେମାନେ ପ୍ରଶ୍ନ କରିଛନ୍ତି। ସେପ୍ଟେମ୍ବର ୧୨ ସୁଦ୍ଧା ଜିଲାର କେଉଁ ବ୍ୟକ୍ତି ନିର୍ବାଚନରେ ଅଂଶଗ୍ରହଣ କରିବେ ତାଙ୍କ ନାମ ପଠାଅ ବୋଲି ଓସିଏ ଚିଠି ଲେଖିଛି। କିନ୍ତୁ ଜିଲାରେ ସଂଘ କର୍ମକର୍ତ୍ତାଙ୍କ କାର୍ଯ୍ୟକାଳ ସରିଥିବାବେଳେ କିଏ ଏଥିରେ ଅଂଶଗ୍ରହଣ କରିବେ ସେ ନେଇ ଆସୋସିଏଶନ୍‌ ପକ୍ଷରୁ ଅଙ୍କକଷା ଆରମ୍ଭ ହୋଇଯାଇଛି। ଜିଲା ସଂଘ ସଭାପତି ଭୋଟ ପାଇଁ ଯିବେ ନା ସମ୍ପାଦକ, ତାହାକୁ ନେଇ କଳ୍ପନା ଜଳ୍ପନା ଚାଲିଛି। ତୁରନ୍ତ ସଂଘର ପୂର୍ଣ୍ଣ ନିର୍ବାଚନ କରାଯାଉ ବୋଲି ସେମାନେ ଦାବି କରିଛନ୍ତି।
ଏ ନେଇ ଜିଲା କ୍ରିକେଟ ଆସୋସିଏଶନ୍‌ ସମ୍ପାଦକ ପ୍ରଶାନ୍ତ କୁମାର ସିହ୍ନା କହିଛନ୍ତି, ଆସୋସିଏଶନ୍‌ କାର୍ଯ୍ୟକାଳ ଶେଷ ହୋଇଛି। କିନ୍ତୁ ଲୋଧା କମିଟି ପରେ କୌଣସି ଗାଇଡ ଲାଇନ୍‌ ପାଇ ନ ଥିଲୁ। ତେଣୁ ସମସ୍ୟା ହୋଇଥିଲା। ଏବେ ଓସିଏ ସ୍ପଷ୍ଟ କରିଛି ଯେ, ଜିଲା ସଂଘରେ ଲୋଧା କମିଟି କାର୍ଯ୍ୟକାରୀ ହେବ ନାହିଁ। ଏ ନେଇ ବିଧିବଦ୍ଧ ଭାବେ କୌଣସି ପତ୍ର ଓସିଏରୁ ଆସିନାହିଁ। ଆସନ୍ତା ୧୨ ତାରିଖ ମଧ୍ୟରେ ଜଣଙ୍କ ନାମ ଦେବାକୁ କୁହାଯାଇଛି। ପୂର୍ବରୁ ୨ ଜଣଙ୍କ ନାମ ପଠାଯାଉଥିଲା। ନୂଆ ନିୟମ ହେବା ପରେ ଜଣଙ୍କ ନାମ ମାଗିଛନ୍ତି। ତେବେ ଜିଲାରେ ସେଭଳି କିଛି ଟୁର୍ନାମେଣ୍ଟ ହୋଇ ନ ଥିବା ସମ୍ପାଦକ ସ୍ବୀକାର କରିଛନ୍ତି। କେବଳ ୧୬ ବର୍ଷରୁ କମ୍‌, ୧୯ ବର୍ଷରୁ କମ୍‌ ଓ କଳାହାଣ୍ଡି କପ୍‌ ପାଇଁ ପିଲା ଚୟନ କରି ଆସୋସିଏଶନ୍‌ ପଠାଉଛି ବୋଲି ସମ୍ପାଦକ ସିହ୍ନା ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ପ୍ରାର୍ଥୀଙ୍କ ପାଇଁ ବିଧାୟକଙ୍କ ପ୍ରଚାର

କଣିହାଁ/ ଅନୁଗୋଳ ଅଫିସ,୫ ।୨ କଣିହାଁ ବ୍ଲକ ୧୦ ନମ୍ବର ଜିଲା ପରିଷଦ ଜୋନ୍‌ ବିଜେଡି ପ୍ରାର୍ଥୀଙ୍କ ପାଇଁ ଶୁକ୍ରବାର ପ୍ରଚାର ଆରମ୍ଭ କରିଛନ୍ତି ପାଲଲହଡ଼ା...

ହେଲିକପ୍ଟର ଦୁର୍ଘଟଣାରେ ବିପିନ ରାଓ୍ବତଙ୍କ ସହ ଥିଲେ ଜଣେ ଓଡ଼ିଆ ପୁଅ

ଅନୁଗୋଳ ଅଫିସ,୯ା୧୨: ତାମିଲନାଡୁରେ ସେନା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ପ୍ରାଣ ହରାଇଥିବା ଯବାନଙ୍କ ମଧ୍ୟରେ ରହିଛନ୍ତି ଜଣେ ଓଡ଼ିଆ ଯବାନ। ସହିଦ ଯବାନ ତାଳଚେର...

ସାପ୍ତାହିକ ହାଟ ସ୍ଥାନାନ୍ତର

ବଇଣ୍ଡା, ୧୨।୪(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡାର ରବିବାର ହେଉଥିବା ସାପ୍ତାହିକ ହାଟକୁ ପୋଲିସ ପ୍ରଶାସନ ପକ୍ଷରୁ ବଇଣ୍ଡା ହାଇସ୍କୁଲ ନିକଟସ୍ଥ ଏକ ଖୋଲା ପଡିଆକୁ ସ୍ଥାନାନ୍ତର...

କୋଇଲା ପରିବହନକୁ ନେଇ ମାରପିଟ: ଥାନାରେ ଅଭିଯୋଗ, ଧାରଣା

ତାଳଚେର,୧୧ା୧୦(ନି.ପ୍ର.)- ଏମ୍‌ସିଏଲ୍‌ର ଭୁବନେଶ୍ୱରୀ କୋଇଲା ଖଣିରେ କୋଇଲା ପରିବହନକୁ ନେଇ ଦୁଇ ଗୋଷ୍ଠୀ ମଧ୍ୟରେ ଗୁରୁବାର ସନ୍ଧ୍ୟାରେ ମାରପିଟ ହୋଇଛି। ଏହାକୁ ନେଇ ଉଭୟ ପକ୍ଷ...

କୁଟୁରା ମାଂସ ସହ ବନ୍ଧୁକ ଜବତ, ୨ ଗିରଫ

ଆଠମଲ୍ଲିକ, ୧୫ା୪(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ବନବିଭାଗ ପକ୍ଷରୁ ବୁଧବାର ଚଢ଼ାଉ କରାଯାଇ ଶିକାର କୁଟୁରା ମାଂସ ଜବତ ସହ ୨ ଜଣଙ୍କୁ ଗିରଫ କରାଯାଇଛି।...

ଦୋକାନ ସମ୍ମୁଖରେ ମଦ କଳାବଜାର

ଅନୁଗୋଳ ଅଫିସ, ୨୬।୫ ଅନ୍‌ଲାଇନ୍‌ରେ ମଦ ବିକ୍ରି ପାଇଁ ରାଜ୍ୟ ସରକାର ଅନୁମତି ଦେଇଥିଲେ ହେଁ ଅନୁଗୋଳରେ ତାହାର ଉଲ୍ଲଂଘନ କରାଯାଇଥିବା ଅଭିଯୋଗ ହୋଇଛି। ସହରର...

ସାତକୋଶିଆ ବ୍ୟାଘ୍ର ପ୍ରକଳ୍ପ ନେଇ ଭୁବନେଶ୍ୱରରେ ବୈଠକ: ବର୍ଷେ ପରେ ବଦଳିବ ସୁନ୍ଦରୀ ଠିକଣା 

ବନ୍ତଳା,୧୬ା୭(ଡି.ଏନ.ଏ.)- ଅନୁଗୋଳ ଜିଲା ସାତକୋଶିଆ ବ୍ୟାଘ୍ର ପ୍ରକଳ୍ପକୁ ନେଇ ସୋମବାର ଭୁବନେଶ୍ୱରର ଅରଣ୍ୟ ଭବନରେ ଅନୁଷ୍ଠିତ ହୋଇଥିଲା ଏକ ଉଚ୍ଚସ୍ତରୀୟ ବୈଠକ। ଏଥିରେ ପ୍ରଥମ ଆନ୍ତଃ...

କଏଦୀଙ୍କ ଚିକିତ୍ସା ବ୍ୟବସ୍ଥାକୁ କୋଣଠେସା

ଅନୁଗୋଳ ଅଫିସ,୧୩।୭  – ଅନୁଗୋଳ ଜିଲା କାରାଗାର ହେଉ କି ଉପଖଣ୍ଡରେ ଥିବା କାରାଗାର, କୌଣସି ସ୍ଥାନରେ ସ୍ଥାୟୀ ଡାକ୍ତର ନାହାନ୍ତି। ଏ ନେଇ ରାଜ୍ୟ...

Advertisement
Archives

Model This Week