ଭବାନୀପାଟଣା,୧୭।୫(ଡି.ଏନ.ଏ.): କଳାହାଣ୍ଡି ଜିଲା କଲମପୁର ବ୍ଲକ ଅଧୀନ ମଣ୍ଡଳ ଗଁାର ବନମାଳୀ ପାଲ। ସେ ଝନେ ନିହାତି ଗରିବ୍ ଲୋକ୍ ହେଇଥିଲାବେଲେ କୁଟୁମ ପୁଷବାର ଲାଗି ବାହାର ରାଏଜ୍କେ ଦାଦନ୍ ଖଟି ଯାଉଥିଲେ। ହେଲେ ସେଠାନେ ଦିହିପା ଖରାପ ହେଲାରୁ ଗଁାକେ ପଲେଇ ଆଏଲେ। ଏହେଦେ ତାକର ଦୁଖ୍ କହେଲେ ନାଇଁସାରେ।
ସୂଚନା ହିସାବେ ବନମାଳୀ ପାଲକଁର ପରିବାର କହେଲେ ମାଏକିନା ଟୁନୀ ପାଲ, ଝି’ ପୁଷ୍ପା ଆର ଭିନ୍ନକ୍ଷମ ପୁଓ ଟିକେ। ପରବାରଟା ନିହାତି ଗରିବ୍। ବନମାଳୀ ଦାଦନ୍ ଖଟି କୁଟୁମ ପୁଷୁଥିଲେ। ହେଲେ ବାହାର ରାଏଜେ କାମ୍ କଲାବେଲେ ତାକର ଦିହିପା ଖରାପ ହେଇଥିଲା। ଡାକ୍ତର ଦେଖାଲେ ହେଲେ କିଛି ଲାଭ ନାଇଁହେଲା। ଶେଷେ ନିଜର ଗଁା ମଣ୍ଡଳକେ ଫିରି ଆଏଲେ। ଭିନେ ଭିନେ ଜାଗାରେ ଚିକିସତ୍ା କରାଲେ, ରୋଗ୍ ଜନା ନାଇଁ ପଡ଼ଲା। ପଛେ କଲମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଯାଇ ଦେଖାଲେ। ସେଠାନେ ଚିକିସତ୍ା ଅଧ୍କାରୀ ଶିବାଶିଷ ସ୍ବାଇଁ ବନମାଳୀକେ ଯକ୍ଷ୍ମା ରୋଗ୍ ହେଇଥିବାର ଠଉରେଇ ଥିଲେ। ଗଲା ୧୨ ତାରିଖରୁ ତାକର ଚିକିସତ୍ା ଆରମ କରାଯାଇଛେ। ଇଆଡ଼େ ଚିକିସତ୍ା ଲାଗି ଆଗରୁ ବନମାଳୀ ଯେନ୍ ଟିକେରଁଚେ ସଁଚିଥିଲେ ସବୁ ସାରିଦେଇଛନ୍। ବନମାଳୀ ଘରର ଗୁଟେବଲି କମାନିଅଁା ଲୋକ୍। ସେ ରୋଗ୍ରେ ଖଟେ ପଡ଼ିରହେଲା ବେଲେ ଏହେଦେ ଘରର ଅବସ୍ତା ଦୁହୁଲି ଯାଇଛେ। ପରିବାଟା ବିପିଏଲ ଅନ୍ତ୍ୟୋଦୟ କାର୍ଡରେ ଚାଉଲ ପାଉଛନ୍, ହେଲେ ସେଟା ୪ ପରାନୀ କୁଟୁମକେ ନିହଁଟ ପଡ଼ୁଛେ। କୁଟୁମଟା ରହୁଥିବାର କୁଡ଼ିଆ ଘର ବି ବରଷାରେ ଭୁଷଲି ଯାଇଛେ। ଏହେଦେ ଇ ଦୁଖି ପରିବାର ନିଜର ଝନେ ଲଗେଲେସର ଘରେ ଆଶ୍ରେ ନେଇଛନ୍। ଇଆଡ଼େ ଝି’ ପୁଷ୍ପାର ବିହାଘର ଚଲତି ମାସର ୬ ତାରିଖ ଥିଲା। ହେଲେ ଘରର ପରିସ୍ଥିତି ଲାଗି ବିହାଘର ଘୁଚେଇ ଦିଆଯାଇଛେ। ଇଆଡ଼େ ପୁଓ ଭିନ୍ନକ୍ଷମ, ସେ ବି କେହେନ୍ସି ପରକାର ସରକାରୀ ସୁବିଧା ସୁଯୋଗ ନାଇଁ ପାଏବାର। ଜିଲା ପରଶାସନ ଇ ଦୁଖି ପରିବାର ଉପରେ ଦୁରୁଷ୍ଟି ଦେଇ ତାକର ଥଇଥାନ ଆର ସରକାରୀ ସୁବିଧା ସୁଯୋଗ ଯୁଗେଇ ବେବାର ଦିଗେ ପଦକ୍ଷେପ ନେବାକେ ଗଁାବାସୀ ଦାବି କରିଛନ୍।
