Posted inଜାତୀୟ

ବିଶ୍ୱରେ ୮କୋଟି ବିସ୍ଥାପିତ

ନୂଆଦିଲ୍ଲୀ, ୨୧ା୬: ଯୁଦ୍ଧ, ସଂଘର୍ଷ, ନିର୍ଯାତନା ଏବଂ ମାନବାଧିକାର ଉଲ୍ଲଂଘନ ଭଳି ସମସ୍ୟା ଲୋକଙ୍କୁ ବିସ୍ଥାପିତ କରିଚାଲିଛି। ଏସବୁର ପ୍ରଭାବରେ ୨୦୧୯ରେ ସାରା ବିଶ୍ୱର ୭ କୋଟି ୯୫ ଲକ୍ଷ ଲୋକ ବାଧ୍ୟ ହୋଇ ବିସ୍ଥାପିତ ହୋଇଛନ୍ତି, ଯାହାକି ୨୦୧୮ ତୁଳନାରେ ୮୭ ଲକ୍ଷ ଅଧିକ। ଏଥିମଧ୍ୟରୁ ୨ କୋଟି ୬୦ ଲକ୍ଷ ଲୋକ ହେଉଛନ୍ତି କେବଳ ଶରଣାର୍ଥୀ। ଶରଣାର୍ଥୀଙ୍କ ପାଇଁ ଉଦ୍ଦିଷ୍ଟ ଜାତିସଂଘର ଉଚ୍ଚାୟୁକ୍ତ(ୟୁଏନ୍‌ଏଚ୍‌ସିଆର୍‌)ଙ୍କ ରିପୋର୍ଟରୁ ଏହା ଜଣାପଡ଼ିଛି। ଉପରୋକ୍ତ ଶରଣାର୍ଥୀଙ୍କ ମଧ୍ୟରୁ ୨ କୋଟି ୪ ଲକ୍ଷ ଲୋକଙ୍କ ଭାର ୟୁଏନ୍‌ଏଚ୍‌ସିଆର୍‌ ଉପରେ ଥିବାବେଳେ ୫୬ ଲକ୍ଷ ପାଲେଷ୍ଟାଇନ ଶରଣାର୍ଥୀଙ୍କ ଭାର ୟୁଏନ୍‌ଆରଡବ୍ଲ୍ୟୁଏ(ପାଲେଷ୍ଟାଇନ ଶରଣାର୍ଥୀଙ୍କ ପାଇଁ ଉଦ୍ଦିଷ୍ଟ ଜାତିସଂଘର ସଂସ୍ଥା) ଉପରେ ରହିଛି। ହେଲେ ସମସ୍ତ ଶରଣାର୍ଥୀଙ୍କ ମଧ୍ୟରୁ ଦୁଇ-ତୃତୀୟାଂଶରୁ ଅଧିକ ଅର୍ଥାତ୍‌ ୬୮% କେବଳ ୫ ଦେଶ ତଥା ସିରିଆ(୬୬ଲକ୍ଷ), ଭେନେଜୁଏଲା(୩୭ଲକ୍ଷ), ଆଫଗାନିସ୍ତାନ(୨୭ ଲକ୍ଷ), ଦକ୍ଷିଣ ସୁଦାନ(୨୨ ଲକ୍ଷ) ଏବଂ ମ୍ୟାନ୍‌ମାର(୧୧ ଲକ୍ଷ)ରୁ ଆସିଛନ୍ତି। ଏଭଳିସ୍ଥଳେ ତୁର୍କୀ ଅନ୍ୟ ଦେଶ ତୁଳନାରେ ସବୁଠୁ ଅଧିକ ଅର୍ଥାତ୍‌ ୩୬ ଲକ୍ଷ ଶରଣାର୍ଥୀଙ୍କୁ ଆଶ୍ରୟ ଦେଇଛି। ଏହା ପଛକୁ କଲମ୍ବିଆ ୧୮ ଲକ୍ଷ, ପାକିସ୍ତାନ ୧୪ ଲକ୍ଷ, ଉଗାଣ୍ଡା ୧୪ ଲକ୍ଷ ଏବଂ ଜର୍ମାନୀ ୧୧ ଲକ୍ଷ ଶରଣାର୍ଥୀଙ୍କୁ ଆଶ୍ରୟ ଦେଇଛିି। ଦୁର୍ଭାଗ୍ୟର ବିଷୟ ଯେ, ଗତ ଏକ ଦଶନ୍ଧି ମଧ୍ୟରେ କେବଳ ୩୯ ଲକ୍ଷ ଶରଣାର୍ଥୀ ନିଜ ଦେଶକୁ ଫେରିଛନ୍ତି।
ଅନ୍ୟପକ୍ଷରେ ମହାମାରୀ କରୋନାର ପ୍ରଭାବ ବିସ୍ଥାପନ କ୍ଷେତ୍ରରେ ମଧ୍ୟ ଦେଖିବାକୁ ମିଳିଛି। କରୋନା ଯୋଗୁ ବହୁ ଦେଶରେ ମାସ ମାସ ଧରି ଲକ୍‌ଡାଉନ୍‌ କରାଯିବା ସହ ସୀମା ବନ୍ଦ ରହିଛି। ଏହାଦ୍ୱାରା ସଶସ୍ତ୍ର ସଂଘର୍ଷ ଏବଂ ପରବର୍ତ୍ତୀ ବିସ୍ଥାପନକୁ ରୋକିବାରେ ସକ୍ଷମ ହୋଇନାହିଁ। ନରୱେ ଶରଣାର୍ଥୀ ପରିଷଦ ଅନୁଯାୟୀ, ଗତ ମାର୍ଚ୍ଚ ୨୩ରୁ ମେ ୧୫ ମଧ୍ୟରେ ୧୯ ଦେଶରେ ସଶସ୍ତ୍ର ସଂଘର୍ଷ ଘଟି ଅନୂ୍ୟନ ୬ ଲକ୍ଷ ୬୧ ହଜାର ଲୋକଙ୍କୁ ସ୍ଥାନାନ୍ତର ହେବାକୁ ପଡ଼ିଛି। ବିଶେଷକରି କଙ୍ଗୋରେ ସର୍ବାଧିକ ବିସ୍ଥାପନ ଦେଖିବାକୁ ମିଳିଛି। ସଶସ୍ତ୍ର ଗୋଷ୍ଠୀ ଏବଂ ଦେଶର ସେନା ମଧ୍ୟରେ ସଂଘର୍ଷ ଘଟିବା ଯୋଗୁ ୪ ଲକ୍ଷ ୮୦ ହଜାରରୁ ଊର୍ଦ୍ଧ୍ୱ ଲୋକଙ୍କୁ ଘରୁ ପଳାଇବାକୁ ବାଧ୍ୟ କରିଛି। ବର୍ତ୍ତମାନ ମହାମାରୀ ସମୟରେ ବିସ୍ଥାପିତମାନେ ଅତ୍ୟଧିକ ଅସୁରକ୍ଷିତ ହୋଇପଡ଼ିଛନ୍ତି ଏବଂ ଦ୍ୱିଗୁଣ ସଙ୍କଟ ଦେଇ ଗତି କରୁଛନ୍ତି। ୟୁଏନ୍‌ଏଚ୍‌ସିଆର୍‌ ଅନୁଯାୟୀ, ସ୍ବାସ୍ଥ୍ୟ, ଜଳ ଏବଂ ପରିମଳ ବ୍ୟବସ୍ଥା ଦୁର୍ବଳ ଥିବା ଦେଶଗୁଡ଼ିକରେ ସେମାନେ ପ୍ରାୟତଃ ଆଶ୍ରୟ ପାଇଛନ୍ତି। ସ୍ବଳ୍ପ ଆୟ ଯୋଗୁ ସେମାନେ ଆର୍ଥିକ ଭାବେ ଅସ୍ବଚ୍ଛଳ। ମହାମାରୀ କରୋନା ଆୟର ପନ୍ଥା ବନ୍ଦ କରିଦେବା ପରେ ସେମାନଙ୍କ ଦୁର୍ଦ୍ଦଶା ବହଗୁଣିତ ହୋଇଛି। ଶରଣାର୍ଥୀଙ୍କୁ ଆଶ୍ରୟ ଦେଇଥିବା ୧୩୪ ଦେଶ ସ୍ଥାନୀୟ କରୋନା ସଂକ୍ରମଣ ନେଇ ରିପୋର୍ଟ କରୁଛନ୍ତି। ଏଣୁ ବର୍ତ୍ତମାନ ଶରଣାର୍ଥୀଙ୍କୁ ସୁରକ୍ଷା ଦେବା ଜରୁରୀ ହୋଇପଡ଼ିଥିବା ୟୁଏନ୍‌ଏଚ୍‌ସିଆର୍‌ ରିପୋର୍ଟରୁ ସ୍ପଷ୍ଟ ହେଉଛି।


Enter your email to get our daily news in your inbox.

All Right Reserved By Dharitri.Com

୩୨ ଶହ ଏକର ଜଙ୍ଗଲ ବଞ୍ଚାଇବା ପାଇଁ ୩ ଲକ୍ଷ ଲୋକ ଏକଜୁଟ: ସରକାରଙ୍କ ଚିନ୍ତା ବଢ଼ିଲା

ମୁମ୍ବାଇ,୧୬।୯: ମହାରାଷ୍ଟ୍ରରେ ୩୨ ଶହ ଏକର ଜଙ୍ଗଲ ବଞ୍ଚାଇବା ପାଇଁ ୩ ଲକ୍ଷ ଲୋକ ଏକଜୁଟ ହୋଇଛନ୍ତି। ମେଟ୍ରୋ ପ୍ରୋଜେକ୍ଟ ଅନ୍ତର୍ଗତ ଏଠାକାର ୨୭ ଶହ...

ମଦୁରାଇରେ ମଲ୍ଲୀ ଫୁଲର ଦାମ୍‌ ୩ହଜାର ଟଙ୍କା

ମଦୁରାଇ,୩।୧୨: ତାମିଲନାଡୁର ମଦୁରାଇରେ ଏବେ ମଲ୍ଲୀ ଫୁଲର କିଲୋ ପିଛା ଦାମ୍‌ ୩ ହଜାର ଟଙ୍କା ଛୁଇଁଛି। ଅଦିନିଆ ବର୍ଷା ଯୋଗୁ ମଲ୍ଲୀ ଫୁଲର ଦରବୃଦ୍ଧି...

ମୌସୁମୀ ଅଧିବେଶନ ପୂର୍ବରୁ ୫ ଏମ୍‌ପିଙ୍କୁ କରୋନା

ନୂଆଦିଲ୍ଲୀ,୧୩।୯: ସଂସଦର ମୌସୁମୀ ଅଧିବେଶନ ସୋମବାରଠାରୁ ଆରମ୍ଭ ହେବାର କାର୍ଯ୍ୟକ୍ରମ ରହିଛି। କିନ୍ତୁ ଏହା ପୂର୍ବରୁ ଲୋକ ସଭାର ୫ ଜଣ ସଦସ୍ୟ କରୋନା ପଜିଟିଭ...

ଭାରତ ସୀମାରେ ପାକିସ୍ତାନୀ ମୋବାଇଲ୍‌ ନେଟଓ୍ବାର୍କ ସକ୍ରିୟ…

ଜୟପୁର,୨୦।୭: ସୀମାରେ ପାକିସ୍ତାନୀ ନାଗରିକଙ୍କ ଅନୁପ୍ରବେଶ ସାଧାରଣ କଥା। ତେବେ ଏବେ ପାକିସ୍ତାନୀ ମୋବାଇଲ୍‌ ନେଟ୍‌ଓ୍ବାର୍କ ଭାରତ ସୀମାର ୪ କିଲୋମିଟର ଭିତରେ ମଧ୍ୟ ସକ୍ରିୟ...

ଝାଡଖଣ୍ଡ ବିଧାନସଭା ନିର୍ବାଚନ ପୂର୍ବରୁ ଭାଜପାରେ ଯୋଗଦେଲେ ୬ ବିପକ୍ଷ ବିଧାୟକ

ରାଞ୍ଚି,୨୩।୧୦:ଝାଡଖଣ୍ଡ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସକୁ ବଡ ଝଟକା ଲାଗିଛି। ପୂର୍ବତନ ପ୍ରଦେଶ କଂଗ୍ରେସ କମିଟି ଅଧ୍ୟକ୍ଷ ସୁଖଦେବ ଭଗତ ଭାଜପାରେ ଯୋଗ ଦେଇଛନ୍ତି। ଏହାସହ...

‘କଂଗ୍ରେସ ମୁକ୍ତ ଭାରତ’ ପରିବର୍ତ୍ତେ ‘ଭାଜପା ମୁକ୍ତ’ ହେବାକୁ ଯାଉଛି ଦେଶ: ଶିବସେନା

ମୁମ୍ବାଇ, ୨୪।୧୨: ଝାଡ଼ଖଣ୍ଡ ବିଧାନସଭା ନିର୍ବାଚନରେ ଭାଜପାର ପରାଜୟ ହୋଇଛି। ଏନେଇ ଶିବସେନା ଭାଜପାକୁ କଡ଼ା ସମାଲୋଚନା କରିଛି। ଶିବସେନା ମୁଖପତ୍ର ସାମନାରେ ଏନେଇ ଏକ...

କଂଗ୍ରେସରେ ସାମିଲ ହେଲେ ବଲିଉଡ୍‌ ଅଭିନେତ୍ରୀ ରିମି ସେନ

ଡେରାଡୁନ୍‌,୮।୨: ବଲିଉଡ୍‌ ଅଭିନେତ୍ରୀ ତଥା ବିଜେପିର ଷ୍ଟାର ପ୍ରଚାରକ ରିମି ସେନ ଉତ୍ତରାଖଣ୍ଡରେ କଂଗ୍ରେସରେ ସାମିଲ ହୋଇଛନ୍ତି । ଏ ନେଇ ହରିଶ ରାୱତ ସୂଚନା...

ଭାକ୍ସିନ୍‌ର ୨ ଡୋଜ୍‌ ସହିତ ବୁଷ୍ଟର ନେବା ମଧ୍ୟ ଆବଶ୍ୟକ…

ନୂଆଦିଲ୍ଲୀ,୨୫।୭: ଦେଶରେ କରୋନା ମହାମାରୀ ବିରୋଧରେ ଲଢ଼େଇ ଜାରି ରହିଛି। ସଂକ୍ରମଣରୁ ଦୂରେଇ ରହିବା ଲାଗି ଟିକାକରଣ ଅଭିଯାନ ଜାରି ରହିଛି। ଲୋକଙ୍କୁ ଭାକ୍ସିନ୍‌ର ୨ଟି...

Advertisement
Archives

Model This Week