ବାପୁଜୀ ସେକେଣ୍ଡାରୀ ସ୍କୁଲରେ ପିଲାଙ୍କ ଭବିଷ୍ୟତ ସହ ଖେଳ: ଆଡମିଶନ ହୋଇଥି୍ଲା, ଫର୍ମ ଫିଲ୍‌ଅପ୍‌ ନୋହିଲା

ପରଜଙ୍ଗ, ୧୮।୧୨(ଡି.ଏନ.ଏ.)-ଢେଙ୍କାନାଳ ଜିଲା ପରଜଙ୍ଗ ବ୍ଲକ ଗଡ଼ପଳାଶୁଣୀସ୍ଥିତ ବାପୁଜୀ ସେକେଣ୍ଡାରୀ ସ୍କୁଲରେ ଛାତ୍ରୀଛାତ୍ରଙ୍କ ଭବିଷ୍ୟତ ସହ ଖେଳାଯାଉଥିବା ଅଭିଯୋଗ ହୋଇଛି। ଏପରି ଅଭିଯୋଗ ଆଣିଛନ୍ତି ଘାଘରାମୁଣ୍ଡା ଗ୍ରାମର ଛାତ୍ର ରାକେଶ ନାୟକ। ସେ କହିଛନ୍ତି, ଆଡମିଶନବେଳେ ଧାର୍ଯ୍ୟଠାରୁ ଅଧିକ ଟଙ୍କା ନେଇଥିଲେ କଲେଜ କର୍ତ୍ତୃପକ୍ଷ। ହେଲେ ଫର୍ମ ଫିଲ୍‌ଅପ୍‌ ବେଳେ ତାଙ୍କ ନାଁ ତାଲିକାରେ ନାହିଁ। ସେ ପରୀକ୍ଷା ଦେଇପାରିବେନାହିଁ। ତାଙ୍କର ୨ବର୍ଷ ବରବାଦ ହୋଇଯାଇଛି। ଏହାର ପ୍ରତିବାଦ କରିବାରୁ କଲେଜ ଅଧ୍ୟକ୍ଷ ତାଙ୍କୁ ଟଙ୍କା ଦେଇ ମୁହଁ ବନ୍ଦ କରିବାକୁ କହୁଛନ୍ତି। ଏ ନେଇ ସେ କୋର୍ଟର ଆଶ୍ରୟ ନେବେ ବୋଲି ଚେତାବନୀ ଦେଇଛନ୍ତି।
୨୦୧୮ରେ ରାକେଶ ମାଟ୍ରିକ୍‌ ପାସ୍‌ ପରେ ଅନ୍‌ଲାଇନରେ କଲେଜରେ ନାମ ଲେଖାଇବାକୁ ଆବେଦନ କରିଥିଲେ। ପ୍ରଥମ ସିଲେକ୍ସନରେ ଗଣପଳାଶୁଣୀ ବାପୁଜୀ ସେକେଣ୍ଡାରୀ ସ୍କୁଲରେ ସେ ନାମ ଲେଖାଇବାକୁ ଯୋଗ୍ୟ ବିବେଚିତ ହୋଇଥିଲେ। ଏଥିଲାଗି ୨୦୧୮ ଜୁଲାଇ ୪ରେ ଆଡ୍‌ମିଶନ ବାବଦକୁ ୨ ହଜାର ଟଙ୍କା ଦେଇଥିଲେ। ଏଥିସହ ଡୋନେଟ ବାବଦକୁ ୩୫୦୦ ଟଙ୍କା ଦେଇଥିଲେ। ତାଙ୍କୁ କଲେଜ ପରିଚୟପତ୍ର ପ୍ରଦାନ କରାଯାଇଥିଲା। ତାଙ୍କ ରୋଲ ନଂ. ୧୬୧। ଏହାପରେ ପ୍ରଥମବର୍ଷ ଫର୍ମ ଫିଲ୍‌ଅପ୍‌୍‌ ପାଇଁ ସେ ୧୨ଶହ ଟଙ୍କା ଦାଖଲ କରିଥିଲେ। ଏଥିସହ ନିୟମିତ କ୍ଲାସ କରି ନ ଥିବାରୁ ଫାଇନ୍‌ ବାବଦକୁ ୧୩ଶହ ଟଙ୍କା ଦେଇଥିଲେ। ୨୦୧୯ ଅଗଷ୍ଟ ୨୧ରେ ତାଙ୍କୁ ରିଆଡମିଶନ କରିବାକୁ ପଡ଼ିଲା। ଏଥିପାଇଁ କଲେଜ ପକ୍ଷରୁ ୩୦୦୦ ଟଙ୍କା ନିଆଯାଇଥିଲା। ତେବେ ଦ୍ୱିତୀୟ ବର୍ଷ ଫର୍ମ ଫିଲ୍‌ଅପ୍‌ କରିବାକୁ କଲେଜକୁ ଯିବା ସମୟରେ ତାଙ୍କ ଆଡମିଶନ ହୋଇ ନ ଥିବା ସେ ଜାଣିବାକୁ ପାଇଥିଲେ। ଏହା ତାଙ୍କୁ ହତ୍‌ବାକ୍‌ କରିଦେଇଥିଲା। ଏ ନେଇ ସେ କଲେଜ ଅଧ୍ୟକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ। ହେଲେ ସମସ୍ୟା ସମାଧାନ ପରିବର୍ତ୍ତେ ଅଧ୍ୟକ୍ଷ ତାଙ୍କୁ ୧୧ ହଜାର ଟଙ୍କା ନେଇଯାଇ କଲେଜରୁ ବାହାରି ଯିବାକୁ କହିଥିଲେ। ଏପରି କି ତାଙ୍କର ୨ବର୍ଷ ବରବାଦ ହୋଇଯାଇଥିବାରୁ ଏଥିପାଇଁ କିଏ ଦାୟୀ ବୋଲି ଛାତ୍ର ପ୍ରଶ୍ନ କରିଥିଲେ। ତଥାପି କଲେଜ ଅଧ୍ୟକ୍ଷ ଏହାକୁ ଭ୍ରୁକ୍ଷେପ କରି ନ ଥିଲେ। ସମସ୍ତ ବାର୍ତ୍ତାଳାପକୁ ଛାତ୍ର ଜଣକ ମୋବାଇଲରେ ରେକର୍ଡିଂ କରିଛନ୍ତି।
ଏ ନେଇ କଲେଜ ଅଧ୍ୟକ୍ଷ ଭଗବାନ ସାସ୍‌ମଲ କୁହନ୍ତି, ଛାତ୍ର ଜଣକ ପ୍ରଥମେ ଏଠାରେ ନାମ ଲେଖାଇଥିଲେ। ପରେ ତାଙ୍କର ଅନ୍ୟ ଏକ କଲେଜରେ ସିଲେକ୍ସନ ହୋଇଥିଲା। ହେଲେ କଲେଜର କ୍ଲର୍କ ଏ ନେଇ ତାଙ୍କୁ ଅବଗତ କରାଇ ନ ଥିଲେ। କିମ୍ବା ରେଜିଷ୍ଟ୍ରାରରୁ ନାମ କଟାଯାଇ ନ ଥିଲା। ଭୁଲବଶତଃ ଏପରି ହୋଇଯାଇଛି। ଛାତ୍ରଙ୍କୁ ୧୮ ହଜାର ଟଙ୍କା ଦେବାକୁ ରାଜି ଥିବାବେଳେ ସେ ଅଧିକ କ୍ଷତିପୂରଣ ଦାବି କରୁଛନ୍ତି। ଅନ୍ୟପଟେ ନିୟମ ଅନୁଯାୟୀ, ଜଣେ ଛାତ୍ର ୭୫% କ୍ଲାସ କରି ନ ଥିଲେ ପରୀକ୍ଷା ଦେଇପାରିବେ ନାହିଁ। ହେଲେ କେଉଁ ପରିସ୍ଥିତିରେ ରାକେଶଙ୍କ ରିଆଡମିଶନ କରାଗଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ସେହିପରି ନାମଲେଖା ସମ୍ପର୍କିତ ସମସ୍ତ ପ୍ରକ୍ରିୟା ଅନ୍‌ଲାଇନ୍‌ରେ ହେଉଥିବାବେଳେ ଏଥିରେ ଟଙ୍କା ନେଣଦେଣ କାରବାର ମଧ୍ୟ ଅନେକ ପ୍ରଶ୍ନ ଛିଡ଼ା କରାଇଛି। ଏହାର ଉଚ୍ଚସ୍ତରୀୟ ତଦନ୍ତ କରାଗଲେ ବହୁ ଗୁମର ପଦାକୁ ଆସିବ ବୋଲି ରାକେଶ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଇଓଡବ୍ଲ୍ୟୁକୁ ଆରୁହା କଳାପଥର ଲୁଟ୍‌ ତଦନ୍ତ ଭାର

ଯାଜପୁର ଅଫିସ,୧୮ା୪: ଯାଜପୁର ଜିଲା ଧର୍ମଶାଳା ତହସିଲ ଅନ୍ତର୍ଗତ ଆରୁହା ପାହାଡ଼ରୁ କଳାପଥର ଲୁଟ୍‌ ଓ ଜାଲିଆତି ମାମଲାର ତଦନ୍ତ ଭାର ଅର୍ଥନୈତିକ ଅପରାଧ ଶାଖା...

ମାଲକାନଗିରି ସହରରେ ପ୍ଲାଷ୍ଟିକ ଅଣ୍ଡା ଆତଙ୍କ: ନ ଫାଟି ଝୁଲିରହିଛି କେଶର

ମାଲକାନଗିରି,୧୩।୯(ଡି.ଏନ୍‌.ଏ): ମାଲକାନଗିରି ଜିଲା ସଦରମହକୁମାରେ ପ୍ଲାଷ୍ଟିକ ଅଣ୍ଡାକୁ ନେଇ ଆତଙ୍କ ଦେଖାଦେଇଛି । ହାଇଟେକ୍‌ କଲୋନୀର ଦିଗାମ୍ବର ବେହେରା ଶୁକ୍ରବାର ବଜାରରୁ ଅଣ୍ଡା କିଣିଥିଲେ। ତେବେ...

୩୧ ବିଦେଶ ଫେରନ୍ତାଙ୍କ କ୍ୱାରାଣ୍ଟାଇନ୍‌ ଅବଧି ସରିଲା

କେନ୍ଦୁଝର,୯ା୪(ଡି.ଏନ୍‌.ଏ.): କେନ୍ଦୁଝର ଜିଲାକୁ ୩୭ଜଣ ବ୍ୟକ୍ତି ବିଦେଶରୁ ଫେରିଛନ୍ତିି। ସେମାନଙ୍କ ମଧ୍ୟରୁ ୩୧ଜଣଙ୍କ ହୋମ କ୍ୱାରାଣ୍ଟାଇନ୍‌ ଅବଧି ଶେଷ ହୋଇଛି। ଜିଲାରେ ବର୍ତ୍ତମାନ ପର୍ଯ୍ୟନ୍ତ କରୋନା...

ଭଦ୍ରକ ଜିଲା ପର୍ଯ୍ୟଟନ ସ୍ଥଳୀର ବିକାଶ ଲାଗି ସ୍ବତନ୍ତ୍ର ଯୋଜନା ହେବ: ମନ୍ତ୍ରୀ

ଭଦ୍ରକ ଅଫିସ,୪ା୬-ଭଦ୍ରକ ଜିଲାରେ ପର୍ଯ୍ୟଟନର ବିକାଶ ଲାଗି ସ୍ବତନ୍ତ୍ର ଯୋଜନା କରିବା ସକାଶେ ରାଜ୍ୟ ପର୍ଯ୍ୟଟନ, ଓଡିଆ ଭାଷା ସାହିତ୍ୟ ଓ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ...

ଉତ୍ସାହରେ ଭୋଟ ଦେଲେ ଡଙ୍ଗରିଆ

ବିଷମକଟକ,୨୬ା୨(ଡି.ଏନ୍‌.ଏ.): ରାୟଗଡ଼ା ଜିଲା ବିଷମକଟକ ନିର୍ବାଚନମଣ୍ଡଳୀ ଅନ୍ତର୍ଗତ କଲ୍ୟାଣସିଂହପୁର ବ୍ଲକର ରାଇଲିମା ଗ୍ରାମ ୧୪ ନମ୍ବର ବୁଥ୍‌ରେ ଶୁକ୍ରବାର ସାନି ମତଦାନ ହୋଇଛି। ଏହି ବୁଥ୍‌ରେ...

ଲକ୍‌ଡାଉନ କଟକଣାକୁ ଫୁ, ହାଟରେ ଜମୁଛି ଭିଡ଼

ଚୌଦ୍ୱାର,୩୧ା୩(ଡି.ଏନ୍‌.ଏ)- କରୋନା ସଂକ୍ରମଣକୁ ରୋକିବା ଲାଗି ସରକାର କରିଥିବା ଲକ୍‌ଡାଉନ ଘୋଷଣାକୁ ମଙ୍ଗଳବାର ୭ଦିନ ହୋଇଯାଇଛି। ଇତି ମଧ୍ୟରେ ଗଣମାଧ୍ୟମଠାରୁ ଆରମ୍ଭ କରି ସରକାରୀସ୍ତରରେ ସଚେତନତା...

ବିଜେପୁର ଉପନିର୍ବାଚନ: ୩ଟା ସୁଦ୍ଧା ୫୬.୫% ମତଦାନ

ବରଗଡ଼ ଅଫିସ/ବିଜେପୁର, ୨୧।୧୦(ଡି.ଏନ୍‌.ଏ.): ବରଗଡ଼ ଜିଲା ବିଜେପୁର ଉପନିର୍ବାଚନ ପାଇଁ ସୋମବାର ମତଦାନ ଚାଲିଛି । ନିର୍ବାଚନମଣ୍ଡଳୀର ୨୮୫ ବୁଥ୍‌ରେ ମତଦାନ ପ୍ରକ୍ରିୟା ଚାଲିଥିବା ବେଳେ...

ସାଗରଙ୍କ ଲେଖନୀ ଦେଉଛି ବୃକ୍ଷକୁ ସୁରକ୍ଷା

କେନ୍ଦ୍ରାପଡ଼ା ଅଫିସ, ୩ା୩: ବହି ଛପା ହେବା ପାଇଁ କାଗଜ ଆବଶ୍ୟକ। କାଗଜ ପାଇଁ ଗଛ ବଳି ପଡୁଛି। ଗଛ ନଷ୍ଟ ଅର୍ଥ ପ୍ରାକୃତିକ ବିପର୍ଯ୍ୟୟକୁ...

Advertisement
Archives

Model This Week