ଖଇରା, ୧୦ା୩(ଡି.ଏନ.ଏ.)-ବାଲେଶ୍ୱର ଜିଲା ଖଇରା ଥାନା ଅଧୀନ ମାର୍କୋଣା-ଗଣ୍ଡିବେଡ଼ ରାସ୍ତାର କଲିହା ଛକ ନିକଟରେ ବାଇକ ଧକ୍କାରେ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି। ମଙ୍ଗଳବାର ସକାଳେ ନନ୍ଦୋର ଗ୍ରାମର ୬୫ ବର୍ଷୀୟ ବୃଦ୍ଧ ଗାନ୍ଦସା ସିଂ କୁରୁଣ୍ଟା ଦୋଳ ମେଳଣ ଦେଖି ଚାଲି ଚାଲି ନିଜ ଘରକୁ ଫେରୁଥିଲେ ବେଳେ କଲିହା ଛକ ନିକଟରେ ଗଣ୍ଡିବେଡ଼ରୁ ମାର୍କୋଣା ଅଭିମୁଖେ ଆସୁଥିବା ବାଇକ (ନଂ.ଓଡି୦୧ଏଫ୬୫୨୦) ବୃଦ୍ଧଙ୍କୁ ଧକ୍କା ଦେଇଥିଲା। ସ୍ଥାନୀୟ ଲୋକେ ୧୦୮ଆମ୍ବୁଲାନ୍ସ ଯୋଗେ ସିମୁଳିଆ ମେଡିକାଲକୁ ନେଇଥିଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି। ଧକ୍କା ଦେଇଥିବା ବ୍ୟକ୍ତି ଅଚ୍ୟୁତପୁର ପଞ୍ଚାୟତ ଗଞ୍ଜ ଗ୍ରାମର ଅଭିମନ୍ୟୁ ଲକ୍ଷ୍ମୀଧର ପୃଷ୍ଟି ଏବଂ ଗୌତମ ପୃଷ୍ଟି ବୋଲି ଜଣାପଡିଛି। ଖଇରା ପୋଲିସ ପହଞ୍ଚି ତଦନ୍ତ ଚଳାଇଛି।
