ପିଲା ଚୋରି ଅଭିଯୋଗରେ ଯୁବକଙ୍କୁ ମାଡ଼
11:01 pmJuly 15, 2019

ଗଞ୍ଜାମ,୧୫। ୭(ଡି.ଏନ.ଏ.)-ଗଞ୍ଜାମ ଥାନା ବଡ଼ନୋଳିଆ ନୂଆଗାଁରେ ରବିବାର ରାତି ପ୍ରାୟ ସାଢ଼େ ୮ଟାରେ ଜଣେ ବ୍ୟକ୍ତି ପିଲା ଚୋରି କରି ନେଇ ଯାଉଥିବା ବେଳେ ଗ୍ରାମବାସୀ ଧରି ନିସ୍ତୁକ ମାଡ଼ ମାରିଛନ୍ତି। ଖବର ପାଇ ଗଞ୍ଜାମ ଥାନା ଏଏସ୍‌ଆଇ ଶକୁନ୍ତଳା ଦେବୀ ସଦଳବଳ ପହଞ୍ଚତ୍ ଉତ୍ତ୍ୟକ୍ତ ଲୋକଙ୍କଠାରୁ ଉକ୍ତ ଯୁବକଙ୍କୁ ଉଠାଇ ଥାନାକୁ ଆଣିଥିଲେ। ପ୍ରଥମେ ଗଞ୍ଜାମ ସ୍ବାସ୍ଥ୍ୟକେନ୍ଦ୍ର ପରେ ପୋଲିସ ଛତ୍ରପୁର ମେଡିକାଲକୁ ଚିକିତ୍ସା ପାଇଁ ନେଇଥିଲା। ଅଧିକ ଚିକିତ୍ସା ପାଇଁ ପୁଣି ଆମ୍ବୁଲାନ୍ସ ଯୋଗେ ପୋଲିସର ଟିମ୍‌ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରିଥିଲେ। ଗଞ୍ଜାମ କିମ୍ବା ଛତ୍ରପୁରରେ ଯୁବକ ଜଣଙ୍କ ମୁହଁ ଖୋଲି ନଥିଲେ। ସାମାନ୍ୟ ସୁସ୍ଥ ହେବା ପରେ ସମ୍ପୃକ୍ତ ଯୁବକଙ୍କ ଭାଷା କେହି ବୁଝି ପାରିନଥିବା ଏଏସ୍‌ଆଇ କହିଛନ୍ତି। ରାତିରେ ବ୍ୟକ୍ତି ଜଣଙ୍କ ଉକ୍ତ ଗଁ।ର ଗୋଟିଏ ପିଲାକୁ ନେଇ ପଳେଇ ଯାଉଥିବା ବେଳେ ଗ୍ରାମବାସୀ ତାଙ୍କୁ ଧରି ଛେଚିଥିଲେ ।