ନିଆରା ବାଲିଠାକୁରାଣୀ ପୂଜା: ଦେଉଛି ସଦ୍‌ଭାବନା ଓ ସହଯୋଗର ବାର୍ତ୍ତା

ହାଟଡିହୀ, ୨୮ା୧୧ (ଡି.ଏନ.ଏ.)-କେନ୍ଦୁଝର ଜିଲା ହାଟଡ଼ିହୀ ବ୍ଲକ ଅନ୍ତର୍ଗତ ସୁଲଣ ଓ ଜଳସରପୁର ଗ୍ରାମରେ ୫ବର୍ଷରେ ଥରେ ଅନୁଷ୍ଠିତ ହେଉଥିବା ମା’ ବାଲିଠାକୁରାଣୀଙ୍କ ପୂଜା ଅଞ୍ଚଳବାସୀଙ୍କ ମନରେ ନିଆରା ସାଂସ୍କୃତିକ ଚେତନା ସୃଷ୍ଟି କରିଆସିଛି। ଚଳିତବର୍ଷ ୯ ଦିନ ଧରି ଆୟାଜିତ ହୋଇଥିବା ଏହି ପୂଜା ଲାଗି ସାରା ଅଞ୍ଚଳ ଉତ୍ସବମୁଖର ହୋଇଉଠିଥିଲା। ମୀନାବଜାର ସାଙ୍ଗକୁ ଭଜନ, କୀର୍ତ୍ତନ, ମେଲୋଡି, ପ୍ରବଚନ ଭଳି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ଶାନ୍ତି, ସଦ୍‌ଭାବନା ଓ ସହଯୋଗର ବାର୍ତ୍ତା ଦେଇଆସୁଥିବା ଏହି ପୂଜାର ନିଆରା ପରମ୍ପରା ରହିଛି। ପ୍ରାୟ ୨୦୦ବର୍ଷ ତଳେ ପ୍ରଥମେ ଏହି ପୂଜା ଆରମ୍ଭ ହୋଇଥିବା ଜନଶ୍ରୂତି ରହିଛି।
୫ବର୍ଷ ପରେ ଏଥର ବାଲିଠାକୁରାଣୀ ପୂଜା ପଡ଼ିଥିବାରୁ ଏଥିପାଇଁ ପୂର୍ବରୁ ବ୍ୟାପକ ପ୍ରସ୍ତୁତି କରାଯାଇଥିଲା। ମାର୍ଗଶିର ମାସ ପ୍ରଥମ ଗୁରୁବାରରେ ମା’ଙ୍କ ପୂଜା ଆରମ୍ଭ ହୋଇଥିଲା। ପୂଜାର ପ୍ରଥମ ଦିନରେ ଗଁାଠାରୁ ପ୍ରାୟ ୭ କି.ମି. ଦୂର ପୂଣ୍ୟତୋୟା ବୈତରଣୀ ନଦୀରୁ ରୀତିନୀତି ଅନୁଯାୟୀ ପୂଜାର୍ଚ୍ଚନା କରି ବାଲି ଅଣାଯାଇଥିଲା। ଏହାପରେ ମା’ଙ୍କ ଆସ୍ଥାନର ଦୁଇ ପାର୍ଶ୍ୱରେ ଦୁଇଟି ଘୋଡା ଯୋଚା ଯାଇ ବାଲି, ଫୁଲ, ଖଡୁ ଓ ବେତକୁ ରଖି ପୂଜା କରାଯାଇଥିଲା। ପ୍ରଥମଦିନରୁ ଶେଷଦିନ ଯାଏ ମା’ଙ୍କ ନିକଟରେ ପ୍ରତ୍ୟେକ ସକାଳେ ବିଦ୍ଧି ଅନୁଯାୟୀ ପୂଜାକାର୍ଯ୍ୟ କରାଯାଇଥିଲା। ନାଲିମନ୍ଦାର ଫୁଲ ସାଙ୍ଗକୁ ନାଲି ଓ କଳାଝିମିରୀ ଶାଢୀ ମା’ଙ୍କର ଅତିପ୍ରିୟ। ପୂର୍ବରୁ ମା’ଙ୍କ ନିକଟରେ ବୋଦା ଓ କୁକୁଡା ବଳି ଦିଆଯାଉଥିଲା। ଏବେ ନଡିଆ, କଦଳୀ, ଖଇ, ଉଖୁଡା, କ୍ଷୀର, ଗୁଡ ଆଦି ଭୋଗ ଲାଗି ହେଉଛି। ପୂଜାର ଷଷ୍ଠୀଦିନ କୁରୁମ ଓ ଗନ୍ଧିପଳାସ ଗଛର ଡ଼ାଳ କାଟି ମା’ଙ୍କ ନିକଟରେ ରଖି ପୂଜାର୍ଚ୍ଚନା କରାଯାଇଥିଲା। ୯ମ ଦିନ ମା’ଙ୍କ ନିକଟରେ ଶ୍ରଦ୍ଧାଳୁମାନେ ମନସ୍କାମନା ପୂରଣ ଲାଗି ନିଅଁାରେ ଚାଲିବା ସହ କଣ୍ଟାପିଢ଼ାରେ ବସି ଭକ୍ତିଭାବନା ପ୍ରଦର୍ଶନ କରିଥିଲେ।
ଉଲ୍ଲେଖନୀୟ ଯେ, ଜଳସରପୁର ଠାରେ ହେଉଥିବା ପୂଜାରେ ପ୍ରହ୍ଲାଦ ନାଏକ, ହରିହର ଦେହୁରୀ, ମୋହନ ଦେହୁରୀ ପୂଜାକାର୍ଯ୍ୟ କରୁଥିବା ବେଳେ ମୂଖ୍ୟପୂଜକ ଭାବେ ପରିକ୍ଷିତ ନାଏକ ଏହାର ସମସ୍ତ ଦାୟିତ୍ୱ ତୁଲାଇଥାନ୍ତି। ସେହିପରି ସୁଲଣ ଗ୍ରାମରେ ପୂଜା ପରିଚାଳନା କମିଟି ସମସ୍ତ ଦାୟିତ୍ୱ ତୁଲାଉଥିବା ବେଳେ ମୂଖ୍ୟ ପୂଜକ ଭାବେ ବୈଷ୍ଣବ ବେହେରା ଓ ତାଙ୍କ ଝିଅ କନକ ଦେହୁରୀ ମା’ଙ୍କ ପୂଜାକାର୍ଯ୍ୟ କରିଥାନ୍ତି। ପୂଜା ଶେଷଦିନ ଶ୍ରଦ୍ଧାଳୁଙ୍କ ପାଇଁ ଅନ୍ନପ୍ରସାଦର ବ୍ୟବସ୍ଥା ହେଉଥିବା ବେଳେ ଦୁଃଖୀରଙ୍କିଙ୍କୁ ବସ୍ତ୍ରଦାନ କରାଯାଇଥାଏ। ପ୍ରତ୍ୟେକ୍ଷ ଦେବୀ ରୂପେ ମା’ ବାଲିଠାକୁରାଣୀ ବେଶ୍‌ ବିଖ୍ୟାତ ଅଟନ୍ତି। ଏଠାରେ ଯିଏ ଯାହା ମାନସିକ କରିଥାଏ ମା’ ସକଳ କାମନା ପୂରଣ କରିଥାନ୍ତି ବୋଲି ଲୋକଙ୍କ ବିଶ୍ୱାସ ରହିଛି। ଗଁା ପୋଖରୀରୁ ମାଛଚାଷ ଦ୍ୱାରା ସଞ୍ଚିତ ଅର୍ଥ ଓ ଦୁଇ ଗଁାର ପ୍ରତ୍ୟେକ ପରିବାର ଠାରୁ ଅର୍ଥ ସାହାଯ୍ୟକୁ ନେଇ ପାରମ୍ପାରିକ ରୀତିନୀତିରେ ବାଲିଯାତ୍ରା ପର୍ବଟିକୁ ଦୁଇ ଗଁା ମଧ୍ୟରେ ପୃଥକ ଭାବେ ଅନୁଷ୍ଠିତ କରାଯାଇଥାଏ ବୋଲି ୧୦୨ବର୍ଷର ବୃଦ୍ଧ ଦୁଃଖା ପଲେଇ ପ୍ରକାଶ କରିଛନ୍ତି। ଏହି ୯ଦିନର ପର୍ବ ମଧ୍ୟରେ ମୀନାବଜାର, ଦୋଳି ସହିତ ଭଳିକି ଭଳି ଦୋକାନମାନଙ୍କର ଭିଡ଼ ଦେଖିବାକୁ ମିଳେ ା ଏହି ଗଣପର୍ବରେ ଉକ୍ତ ଦୁଇ ଗଁା ସହ ଅନ୍ୟ ପାଖଆଖ ଗଁାର ପ୍ରତ୍ୟେକ ଘରମାନଙ୍କୁ ବନ୍ଧୁବାନ୍ଧବ ଆସିଥାନ୍ତି। ମା’ ବାଲିଠାକୁରାଣୀଙ୍କୁ ଦର୍ଶନ କରିବା ସହ ୯ଦିନ ଧରି ବାଲିଯାତ୍ରାକୁ ମନଭରି ଉପଭୋଗ କରିଥାନ୍ତି। ୫ବର୍ଷରେ ଥରେ ଅନୁଷ୍ଠିତ ହେଉଥିବା ଏହି ପ୍ରସିଦ୍ଧ ପାରମ୍ପରିକ ପର୍ବଟିକୁ ଜିଲା ପ୍ରଶାସନ ଦୃଷ୍ଟି ପକାଇଲେ ଏହା ଦୀର୍ଘଦିନ ଧରି ଅନୁଷ୍ଠିତ ହୋଇପାରନ୍ତା ବାଲି ଗ୍ରାମବାସୀ ମତ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶାର ଆଉ ଏକ ଜିଲାକୁ ଡେଇଁଲା କରୋନା: ୬୧ ନଂ ଆକ୍ରାନ୍ତ ବାଲେଶ୍ୱରର

ଭୁବନେଶ୍ୱର,୧୮ା୪(ବ୍ୟୁରୋ) : ଶନିବାର ରାଜ୍ୟରେ ପୁଣି ଜଣେ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେ ବାଲେଶ୍ୱର ଜିଲାର। ତାଙ୍କର ବୟସ ୫୮ ବର୍ଷ ବୋଲି ରାଜ୍ୟ...

ବାଲିଗୁଡ଼ା କୋର୍ଟରେ ନୂତନ ବିଚାରପତିଙ୍କ ଯୋଗଦାନ: ସ୍ବାଗତ କଲା ଓକିଲ ସଂଘ

ବାଲିଗୁଡା,୪।୨(ଡି.ଏନ୍‌.ଏ.): କନ୍ଧମାଳ ଜିଲା ବାଲିଗୁଡା କୋର୍ଟରେ ନୂତନ ଉପଖଣ୍ଡ ବିଚାରପତି (ଏସ୍‌ଡିଜେଏମ୍‌) ଭାବେ ଚିନ୍ମୟୀ ଜେନା ଯୋଗ ଦେଇଛନ୍ତି। ଏହି ଅବସରରେ ମଙ୍ଗଳବାର ତାଙ୍କୁ ବାଲିଗୁଡା...

ଦାଣ୍ଡରେ ରୋଷେଇ କଲେ ତପସ୍ବିନୀ

ବ୍ରହ୍ମପୁର ଅଫିସ,୧୯ା୧୨: ନ୍ୟାୟ ଓ ନିଜ ହକ୍‌ ପାଇଁ ବ୍ରହ୍ମପୁର ବ୍ରହ୍ମାନଗରସ୍ଥିତ ଶାଶୁ ଘର ଆଗରେ ବୋହୂ ତପସ୍ବିନୀ ଦାଶଙ୍କ ଧାରଣା ଜାରି ରହିଛି। ତପସ୍ବିନୀ...

ମଦ ଦୋକାନ ବନ୍ଦ ଦାବିରେ ମହିଳାଙ୍କ ରାସ୍ତାରୋକୋ

ରାଜନଗର, ୨୬।୬(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ତ୍ରିନାଥ ବଜାରସ୍ଥିତ ଏକ ସରକାରୀ ଲାଇସେନ୍ସପ୍ରାପ୍ତ ମଦ ଦୋକାନ ବନ୍ଦ ଦାବିରେ ବୁଧବାର ଶତାଧିକ ମହିଳା ରାସ୍ତାରୋକୋ...

ଆମ୍ବୁଲାନ୍ସ ପହଞ୍ଚିବାରେ ବିଳମ୍ବ: ରୋଗୀଙ୍କୁ ଭାରରେ ବୋହିଲେ ପରିବାର ଲୋକେ

ରାୟଗଡା ଅଫିସ, ୨୬।୨: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ପାର୍ଶାଲି ପଞ୍ଚାୟତ ଟାମକଶିଳା ଗାଁରେ ଏକ ଅଭାବନୀୟ ଘଟଣା ଘଟିଛି। ଆମ୍ବୁଲାନ୍ସ ପହଞ୍ଚିବାରେ ବିଳମ୍ବ ହେବାରୁ...

ଚର୍ତୁମାସ୍ୟା ବ୍ରତ ଶେଷ କଲେ ଶଙ୍କରାଚାର୍ଯ୍ୟ

ପୁରୀ ଅଫିସ, ୧୪ା୯: ପୁରୀ ଗୋବର୍ଦ୍ଧନ ପୀଠର ଶଙ୍କରାଚାର୍ଯ୍ୟ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ପବିତ୍ର ଭାଦ୍ରବ ପୂର୍ଣ୍ଣିମାରେ ଶୁକ୍ରବାର ଚର୍ତୁମାସ୍ୟା ବ୍ରତ ସମାପନ କରିଛନ୍ତି। ଏହି...

ଗାଡି ଡିକି ଭାଙ୍ଗି ଲୁଟି ନେଲେ ସୁନା ଅଳଙ୍କାର

ବିଞ୍ଝାରପୁର,୪ା୧୨(ଡି,ଏନ୍‌.ଏ.)- ବିଞ୍ଝାରପୁର ବ୍ଲକ ଅନ୍ତର୍ଗତ ମଇନ୍ଦା ଛକରେ ସୁନା ଅଳଙ୍କାର ଦୋକାନ କରିଥିବା ଶ୍ୟାମସୁନ୍ଦର ସାହୁଙ୍କ ଗାଡି ଡିକ ଭାଙ୍ଗି ୨ ଲକ୍ଷରୁ ଊର୍ଦ୍ଧ୍ୱ ଟଙ୍କାର...

ସଟର ତାଡ଼ି ଦୋକାନରୁ ଦୁର୍ବୃତ୍ତ ଲୁଟିନେଲେ ଲକ୍ଷାଧିକ ଟଙ୍କାର ଲୁଗାପଟା

କର୍ଲାମୁଣ୍ଡା,୨ା୩(ଡି.ଏନ୍‌.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ସଦରଠାରୁ ପ୍ରାୟ ଦୁଇ କିଲୋମିଟର ଦୂର ପୁଟିଗାଁ ଚିନାବାଡ଼ିଠାରେ ଥିବା ମା’ ତ୍ରିପୁରା କ୍ଲଥ ଷ୍ଟୋର୍‌ରୁ ମଙ୍ଗଳବାର ରାତିରେ...

Advertisement
Archives

Model This Week