କରୋନା ୫୦ କୋଟି ଲୋକଙ୍କୁ ଗରିବ କରିପାରେ

ଲଣ୍ଡନ,୧୦।୪: କରୋନା ଭାଇରସ୍‌ ଏବେ ପୃଥିବୀର ୨୦୯ ରାଷ୍ଟ୍ରକୁ ବ୍ୟାପି ୮୩ ହଜାରରୁ ଅଧିକ ଲୋକଙ୍କ ଜୀବନ ନେଇ ସାରିଲାଣି। ଏହା ବିଶ୍ୱ ଅର୍ଥନୀତି ଉପରେ ନକାରାତ୍ମକ ପ୍ରଭାବ ପକାଇଥିବାରୁ ଆଗାମୀ ଦିନରେ ପ୍ରାୟ ୫୦ କୋଟି ଲୋକ ଗରିବ ହୋଇଯାଇପାରନ୍ତି ବୋଲି ଦାରିଦ୍ର୍ୟ ଦୂରୀକରଣ ଦିଗରେ କାର୍ଯ୍ୟ କରୁଥିବା ଅନ୍ତର୍ଜାତୀୟ ସଙ୍ଗଠନ ‘ଅକ୍ସଫାମ୍‌’ ପକ୍ଷରୁ କୁହାଯାଇଛି। ଏଥିସହିତ ଅର୍ଥନୀତିରେ ଦେଖାଦେଇଥିବା ସଙ୍କଟ ଅବସ୍ଥାକୁ ଟାଳିବା ପାଇଁ ବିଶ୍ୱ ନେତାଙ୍କ ସାମ୍ନାରେ ଏବେ ଆହ୍ବାନ ଆସିଛି। ତେଣୁ ବିକାଶଶୀଳ ଅର୍ଥ ବ୍ୟବସ୍ଥାଗୁଡ଼ିକ ଦେବାକୁ ଥିବା ୧ ଲକ୍ଷ କୋଟି ଡଲାର ଋଣ ଦେୟକୁ ବାତିଲ କରିବା ଲାଗି ଦାବି ହୋଇଛି ବୋଲି ରିପୋର୍ଟରେ ପ୍ରକାଶ ପାଇଛି। ଏଭଳି ସଙ୍କଟ ସମୟରେ ଲୋକଙ୍କ ଘରୋଇ ଖର୍ଚ୍ଚ କମିଯାଉଥିବା ପରିପ୍ରେକ୍ଷୀରେ ବିଶ୍ୱ ଦାରିଦ୍ର୍ୟ ଉପରେ କି ପ୍ରଭାବ ପକାଇବ ସେ ସଂକ୍ରାନ୍ତରେ ଆସନ୍ତା ସପ୍ତାହରେ ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମ୍‌ଏଫ୍‌) ଓ ବିଶ୍ୱବ୍ୟାଙ୍କର ବାର୍ଷିକ ବୈଠକ ବସିବାକୁ ଯାଉଛି। ତା’ ପୂର୍ବରୁ ଏଭଳି ରିପୋର୍ଟ ପଦାକୁ ଆସିବା ଦ୍ୱାରା ଗରିବଙ୍କ ଦୁଃଖ କିଭଳି ବଢ଼ିଯାଉଛି ତା’ ଉପରେ ଗୁରୁତ୍ୱାରୋପ କରାଯାଇଛି।
ଉକ୍ତ ରିପୋର୍ଟରେ କୁହାଯାଇଛି ଯେ, ୨୦୦୮ରେ ବିଶ୍ୱ ଆର୍ଥିକ ସଙ୍କଟକୁ ବର୍ତ୍ତମାନର କରୋନା ଭାଇରସ୍‌ଜନିତ ଅର୍ଥନୈତିକ ଦୁଃସ୍ଥିତି ବଳିଯିବାର ଆଶଙ୍କା ସୃଷ୍ଟି କଲାଣି। ଆକଳନରୁ ଜଣାପଡ଼ିଲାଣି ଯେ, ଏବେ ଯେଭଳି ପରିସ୍ଥିତି ଉପୁଜିଛି ତାହା ୧୯୯୦ ପରେ ପ୍ରଥମ ଥର ପାଇଁ ବିଶ୍ୱ ସ୍ତରରେ ଦାରିଦ୍ର୍ୟ ହାର ଅଧିକ ବୃଦ୍ଧି କରିବ। ଅକ୍ସଫାମ୍‌ ଆମେରିକାର ପଲିସି ଆଣ୍ଡ୍‌ ଆଡ୍‌ଭୋକେସିର ଭାଇସ୍‌-ପ୍ରେସିଡେଣ୍ଟ ପଲ୍‌ ଓ’ ବ୍ରେନ୍‌ଙ୍କ ମତରେ ବିଶ୍ୱରେ ୩୦୦ କୋଟି ଲୋକ ଗରିବ ଅଛନ୍ତି। ସେମାନେ ସ୍ବଚ୍ଛ ପାନୀୟ ଜଳ ଓ ସ୍ବାସ୍ଥ୍ୟ ସେବା ପାଇପାରୁ ନାହାନ୍ତି। ସେମାନଙ୍କ ମଧ୍ୟରୁ ଅନେକେ ଅପପୁଷ୍ଟି ଦେଇ ଗତି କରୁଛନ୍ତି।କାମଧନ୍ଦା ନ ମିଳିବାରୁ ସେମାନଙ୍କ ଅର୍ଥିକ ଅବସ୍ଥା ଶୋଚନୀୟ ହେବାରେ ଲାଗିଛି। କାରଣ ସେମାନେ ମୁଖ୍ୟତଃ ଅଣସଙ୍ଗଠିତ ଅର୍ଥନୀତି ସହ ଜଡ଼ିତ ହୋଇଥାଆନ୍ତି। ବିଶ୍ୱ ବ୍ୟାଙ୍କ ଗତ ସପ୍ତାହରେ ରିପୋର୍ଟ ପ୍ରକାଶ କରିଥିଲା ଯେ, ଯଦି କରୋନା ଜନିତ ପରିସ୍ଥିତି ଯୋଗୁ ଅର୍ଥନୀତି ଅଧିକ କ୍ଷତିଗ୍ରସ୍ତ ହୁଏ, ତେବେ ପୂର୍ବ ଏସିଆ ଓ ପ୍ରଶାନ୍ତ ମହାସାଗରୀୟ ଅଞ୍ଚଳରେ ତୁଳନାତ୍ମକ ଭାବେ କେବଳ କୋଟିଏ ୧୦ ଲକ୍ଷ ଲୋକ ଅଧିକ ଗରିବ ହୋଇଯିବେ।
ରିପୋର୍ଟରେ ଅଧିକାଂଶ ପାଶ୍ଚାତ୍ୟ ଦେଶରେ ଲକ୍‌ଡାଉନ୍‌ ଜନିତ ପ୍ରଭାବ ସମ୍ପର୍କରେ ଉଲ୍ଲେଖ କରାଯାଇଛି। ଅର୍ଡର ବାତିଲ ହୋଇଯିବାରୁ ବାଂଲାଦେଶର ୧୦ ଲକ୍ଷରୁ ଊର୍ଦ୍ଧ୍ୱ ପୋଷାକ କାରିଗରଙ୍କୁ ଚାକିରିରୁ ଛଟେଇ କରିଦିଆଯାଇଛି, ଯେଉଁମାନଙ୍କ ମଧ୍ୟରୁ ୮୦ ପ୍ରତିଶତ ହେଉଛନ୍ତି ମହିଳା। ସେମାନଙ୍କୁ ବିନା ପାରିଶ୍ରମିକରେ ଘରକୁ ପଠାଇଦିଆଯାଇଛି। ଏହିଭଳି ବିଭିନ୍ନ ଦେଶରେ ଶ୍ରମିକ କାମଧନ୍ଦା ହରାଇ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି ବୋଲି ରିପୋର୍ଟରେ କୁହାଯାଇଛି।
ଦାରିଦ୍ର୍ୟ ଭଳି ଉତ୍କଟ ସମସ୍ୟାକୁ ଦୂରକରିବା ଲାଗି ଅକ୍ସଫାମ୍‌ କାର୍ଯ୍ୟାନ୍ବୟନ ଯୋଜନା ମଦ୍ୟ ସ୍ଥିର କରିଛି। ଲୋକଙ୍କୁ ନଗଦ ଅର୍ଥ ଦେବା ଦରକାର। ସେହିପରି ବ୍ୟବସାୟୀଙ୍କୁ ସେମାନଙ୍କ କ୍ଷତି ଭରଣା କରିବା ଲାଗି ଆର୍ଥିକ ପ୍ୟାକେଜର ଅବାଶ୍ୟକତା ରହିଛି। ଏଥିସହିତ ଋଣ ବାତିଲ, ଆଇଏମ୍‌ଏଫ୍‌ ପକ୍ଷରୁ ପାଣ୍ଠି ଯୋଗାଣ ଓ ସହାୟତା ରାଶି ବୃଦ୍ଧି ଉପରେ ଅକ୍ସଫାମ୍‌ ଗୁରୁତ୍ୱ ଦେଇଛି।
ଆସନ୍ତା ସପ୍ତାହରେ ଜି-୨୦ ରାଷ୍ଟ୍ରଗୋଷ୍ଠୀର ଅର୍ଥମନ୍ତ୍ରୀମାନଙ୍କ ସମ୍ମିଳନୀ ବସିବାକୁ ଯାଉଛି। ୨୦୨୦ରେ ବିକାଶଶୀଳ ରାଷ୍ଟ୍ରଗୁଡ଼ିକ ପୈଠ କରିବାକୁ ଥିବା ୧ ଟ୍ରିଲିୟନ ଡଲାର ମୂଲ୍ୟର ଋଣକୁ ତୁରନ୍ତ ବାତିଲ କରିବା ଲାଗି ଅକ୍ସଫାମ୍‌ ସୁପାରିସ୍‌ କରିଛି। ଉଦାହରଣ ସ୍ବରୂପ, ଘାନାକୁ ଚଳିତ ବର୍ଷ ପାଇଁ ଋଣ ପରିଶୋଧ ବାତିଲ କରାଗଲେ, ଏହାର ସରକାର ଦେଶର ୧୬ ନିୟୁତ ଶିଶୁ, ଭିନ୍ନକ୍ଷମ ଏବଂ ବୃଦ୍ଧବୃଦ୍ଧାଙ୍କୁ ୬ ମାସ ପାଇଁ ମାସିକ ୨୦ ଡଲାର ଲେଖାଏ ସହାୟତା ଦେଇପାରିବେ। ଏଥିସହିତ ଦରିଆପାରି ସହାୟତା ରାଶି ୫୦୦ ନିୟୁତ ଡଲାର ବଢ଼ାଇବା ଏବଂ ଆଇଏମ୍‌ଏଫ୍‌ରେ ୧ ଟ୍ରଲିୟନ ଡଲାରର ସ୍ବତନ୍ତ୍ର ପାଣ୍ଠି ଗଠନ କରିବା ଲାଗି ଅକ୍ସଫାମ୍‌ ସୁପାରିସ୍‌ କରିଛି। ଫଳରେ ଆଗାମୀ ସଙ୍କଟ ସମୟରେ ବିକାଶଶୀଳ ରାଷ୍ଟ୍ରଗୁଡ଼ିକ ଏଠାରୁ ସହାୟତା ନେଇ ଦେଶରେ ନଗଦୀକରଣ ବଢ଼ାଇପାରିବେ ବୋଲି ଅକ୍ସଫାମ୍‌ କହିଛି।


Enter your email to get our daily news in your inbox.

All Right Reserved By Dharitri.Com

ଇତିହାସ ରଚିଲେ ମରିୟମ, ହେଲେ ପ୍ରଥମ ମହିଳା ମୁଖ୍ୟମନ୍ତ୍ରୀ

ଇସଲାମାବାଦ,୨୬।୨: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ଝିଅ ମରିୟମ ନୱାଜ ପାକିସ୍ତାନର ପଞ୍ଜାବ ପ୍ରଦେଶର ମୁଖ୍ୟମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି। ଏହା ସହିତ ମରିୟମ...

ଆମେ ୩୧ ହଜାର ସୈନିକଙ୍କୁ ହରାଇଛୁ: ୨ ବର୍ଷର ଯୁଦ୍ଧକୁ ନେଇ ମୁହଁ ଖୋଲିଲେ ଜେଲେନସ୍କି

କିଭ୍‌,୨୬।୨: ରୁଷିଆ-ୟୁକ୍ରେନ ଯୁଦ୍ଧର ଦୁଇ ବର୍ଷ ବିତିଗଲାଣି । ଏହି ଦୁଇ ଦେଶ ମଧ୍ୟରେ ଯୁଦ୍ଧ ୨୪ ଫେବୃଆରୀ ୨୦୨୨ରେ ଆରମ୍ଭ ହୋଇଥିଲା, ଯାହା ଏବେବି...

ଚର୍ଚ୍ଚ ଉପରେ ଆତଙ୍କବାଦୀ ଆକ୍ରମଣ: ୧୫ ମୃତ

ବୁର୍କିନା ଫାସୋ,୨୬।୨: ଉତ୍ତର ବୁର୍କିନା ଫାସୋରେ ଏକ କ୍ୟାଥୋଲିକ ଚର୍ଚ୍ଚ ଉପରେ ଆତଙ୍କବାଦୀ ଆକ୍ରମଣ ହୋଇଛି। ଏଥିରେ ଅତି କମରେ ୧୫ ସାଧାରଣ ନାଗରିକଙ୍କ ମୃତ୍ୟୁ...

ବିଲି୍ଡଂରେ ଲାଗିଲା ନିଆଁ: ଜଳିଗଲେ ଭାରତୀୟ ସାମ୍ବାଦିକ

ନ୍ୟୁୟର୍କ, ୨୫।୨: ଆମେରିକାରେ ପୁଣି ଜଣେ ଭାରତୀୟଙ୍କର ମୃତ୍ୟୁ ଘଟିଛି। ନ୍ୟୁୟର୍କର ହାର୍ଲେମ ଅଞ୍ଚଳର ଏକ କୋଠାରେ ରବିବାର ଭୀଷଣ ଅଗ୍ନିକାଣ୍ଡ ଘଟି ଜଣେ ୨୭...

ମୋଦିଙ୍କ କଥାକୁ ମାତ୍ର ୫ ମିନିଟ୍‌ରେ ମାନି ନେଇଥିଲେ ଏହି ଦେଶର ରାଷ୍ଟ୍ରପତି

ଦୁବାଇ,୨୫।୨: ସଂଯୁକ୍ତ ଆରବ ଏମିରେଟ୍ସର ଜଣେ କୂଟନୀତିଜ୍ଞ ୟୁଏଇ ମନ୍ଦିର ବିଷୟରେ ଏକ ବଡ଼ ଖୁଲାସା କରିଛନ୍ତି। ସେ କହିଛନ୍ତି, ୨୦୧୫ରେ ଏକ ଗସ୍ତ ସମୟରେ...

ବାଇଡେନଙ୍କ ସ୍ମରଣ ଶକ୍ତିକୁ ନେଇ ପୁଣି ଉଠିଲା ପ୍ରଶ୍ନ, ସି ଜିନପିଙ୍ଗଙ୍କୁ କହିଲେ ‘ରୁଷିଆର ରାଷ୍ଟ୍ରପତି’

ଓ୍ବାଶିଂଟନ,୨୫।୨: ଦୁର୍ବଳ ସ୍ମୃତିଶକ୍ତି ଏବଂ ବୃଦ୍ଧାବସ୍ଥା ଯୋଗୁଁ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କୁ ଅନେକ ଥର ସମାଲୋଚନା କରାଯାଇଛି। ଏବେ ପୁଣି ଥରେ ଜୋ ବାଇଡେନ...

ରାଷ୍ଟ୍ରପତି ନିର୍ବାଚନର ତାରିଖ ଘୋଷଣା, ରେସ୍‌ରେ ସବୁଠୁ ଆଗରେ ଆସିଫ ଅଲି ଜରଦାରି

ଇସଲାମାବାଦ,୨୫।୨: ପାକିସ୍ତାନରେ ଅନୁଷ୍ଠିତ ସାଧାରଣ ନିର୍ବାଚନରେ ଠକେଇ ଅଭିଯୋଗ ରହିଛି। ଏହି ଅଭିଯୋଗଗୁଡିକ ଜାଣି ନ ଥିବାରୁ ପାକିସ୍ତାନର ନିର୍ବାଚନ ଆୟୋଗ ରାଷ୍ଟ୍ରପତି ନିର୍ବାଚନ କରିବାକୁ...

ପଞ୍ଜାବ ଅଞ୍ଚଳର ମୁଖ୍ୟମନ୍ତ୍ରୀ ନିର୍ବାଚନକୁ ନେଇ ଆରମ୍ଭ ହେଲା କାଉଣ୍ଟ ଡାଉନ, ମରିୟମଙ୍କ ଉପରେ ସମସ୍ତଙ୍କ ନଜର

ଇସଲାମାବାଦ,୨୫।୨: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ଝିଅ ମରିୟମ ନୱାଜ ପଞ୍ଜାବ ପ୍ରଦେଶର ପ୍ରଥମ ମହିଳା ମୁଖ୍ୟମନ୍ତ୍ରୀ ହେବେ। ସେ ସୋମବାର ମୁଖ୍ୟମନ୍ତ୍ରୀ ଭାବେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri