କରୋନା ଆଳରେ କାର୍ଯ୍ୟାନୁଷ୍ଠାନ

ନୂଆଦିଲ୍ଲୀ,୧।୫: ନାଗରିକତ୍ୱ ସଂଶୋଧନ ଆଇନ (ସିଏଏ) ଏବଂ ଜାତୀୟ ନାଗରିକ ପଞ୍ଜିକା (ଏନ୍‌ଆର୍‌ସି) ବିରୋଧୀ ବିକ୍ଷୋଭକାରୀଙ୍କୁ ରାଜନୈତିକ ଉଦ୍ଦେଶ୍ୟମୂଳକ ଭାବେ କୋଭିଡ୍‌-୧୯ ଆଳରେ ଗିରଫ କରାଯାଉଛି। ଦିଲ୍ଲୀ ପୋଲିସ ସେମାନଙ୍କ ବିରୋଧରେ ମାମଲା ରୁଜୁ କରିଛି। ପୋଲିସ କ୍ଷମତାର ଅପବ୍ୟବହାର କରି ଗଣତନ୍ତ୍ରକୁ ନୂ୍ୟନ କରିଦେଉଥିବା ଅନେକ ବୁଦ୍ଧିଜୀବୀ ଅଭିଯୋଗ ଆଣିଛନ୍ତି। ବିରୋଧୀଙ୍କ ବିରୋଧରେ ପଦକ୍ଷେପର ଅପରାଧୀକରଣ ଭାରତୀୟ ଗଣତନ୍ତ୍ରକୁ ଏକ ଶକ୍ତ ଧକ୍କା ବୋଲି କୁହାଯାଉଛି।
ମହାମାରୀ କରୋନା ବିରୋଧରେ ଲଢ଼େଇ ବେଳେ ବିଭିନ୍ନ ରାଷ୍ଟ୍ରର ସରକାରମାନେ ଜରୁରୀ କ୍ଷମତା ପ୍ରୟୋଗ କରିଛନ୍ତି। କୋଭିଡ୍‌-୧୯ ଭୂତାଣୁ ସଂକ୍ରମଣକୁ ରୋକିବା ପାଇଁ ଲକ୍‌ଡାଉନ୍‌ ଜାରି କରାଯାଇଥିବାବେଳେ ଏହା ମୌଳିକ ଗଣତାନ୍ତ୍ରିକ ଅଧିକାରଗୁଡ଼ିକୁ ହନନ କରିପାରେ ବୋଲି ଆଶଙ୍କା ପ୍ରକାଶ ପାଇଥିଲା। ଏହି ଚିନ୍ତା ବା ବ୍ୟଗ୍ରତା ଭାରତରେ ସତ ପ୍ରମାଣିତ ହୋଇଥିବା ମନେହେଉଛି। କେନ୍ଦ୍ର ସରକାରଙ୍କ ଦ୍ୱାରା ନିୟନ୍ତ୍ରିତ ଦିଲ୍ଲୀ ପୋଲିସ ସିଏଏ-ଏନ୍‌ଆର୍‌ସିକୁ ବିରୋଧ କରୁଥିବା ଅନେକ ଲୋକଙ୍କୁ ବିଗତ କିଛିଦିନ ମଧ୍ୟରେ ଗିରଫ କରିଛି। ଭାରତୀୟ ନାଗରିକତ୍ୱ ଆଇନରେ ଏକ ସାମ୍ପ୍ରଦାୟିକ ବୈଶିଷ୍ଟ୍ୟକୁ ଯୋଡ଼ାଯାଇଥିବାରୁ ଏହି ପଦକ୍ଷେପକୁ ବିଭିନ୍ନ ମହଲରେ କଡ଼ା ନିନ୍ଦା କରାଯାଇଛି। ମୁସଲମାନମାନଙ୍କୁ ହଇରାଣ କରିବା ପାଇଁ ଅନେକଙ୍କୁ ବ୍ୟବହାର କରାଯାଇପାରେ ବୋଲି ଆଶଙ୍କା କରାଯାଇଥିଲା। ଗିରଫଙ୍କ ମଧ୍ୟରୁ ୩ ଜଣ ହେଉଛନ୍ତି ନୂଆଦିଲ୍ଲୀର ଜାମିଆ ମିଲିଆ ଇସ୍‌ଲାମିଆରେ ବିକ୍ଷୋଭ ଆୟୋଜନ କରିଥିବା ବ୍ୟକ୍ତି। ଦୁଇଜଣ ହେଉଛନ୍ତି ଛାତ୍ରୀ ସଫୁରା ଜର୍ଗର ଓ ଛାତ୍ର ମିରାନ ହାଇଦର। ତୃତୀୟ ବ୍ୟକ୍ତି ଜଣକ ଜାମିଆ ଆଲୁମ୍‌ନି ଆସୋସିଏଶନ ଅଧ୍ୟକ୍ଷ ଶିଫା-ଉର୍‌-ରହମାନ। ଏ ସମ୍ପର୍କିତ ମାମଲାରେ ପୋଲିସ ଅଲ୍‌ ଇଣ୍ଡିଆ ଷ୍ଟୁଡେଣ୍ଟସ୍‌ ଆସୋସିଏଶନର ଦିଲ୍ଲୀ ଅଧ୍ୟକ୍ଷା କନଓ୍ବଲପ୍ରୀତ କୌରଙ୍କ ଫୋନ୍‌କୁ ଜବତ କରିଛି। ବେଆଇନ କାର୍ଯ୍ୟକଳାପ ନିବାରଣ ଆଇନ (ୟୁଏପିଏ) ସମେତ କେତେକ କଠୋର ଆଇନ ବଳରେ ଏହି ସମସ୍ତଙ୍କ ଗିରଫଦାରି ହୋଇଛି। ଫେବୃୟାରୀରେ ଦିଲ୍ଲୀରେ ୫୩ ଜଣଙ୍କ ଜୀବନ ନେଇଥିବା ସାମ୍ପ୍ରଦାୟିକ ଦଙ୍ଗା ପାଇଁ ଏମାନେ ଷଡ଼ଯନ୍ତ୍ର ରଚିଥିବା ପୋଲିସ ଦାବି କରିଛି। ତେବେ ଅଦ୍ୟାବଧି ଦିଲ୍ଲୀ ପୋଲିସ ନିଜ ଦାବି ସପକ୍ଷରେ କୌଣସି ଠୋସ୍‌ ପ୍ରମାଣ ଯୋଗାଡ଼ କରିପାରି ନାହିଁ। ବାସ୍ତବରେ ସେମାନେ କ’ଣ ଷଡ଼ଯନ୍ତ୍ର କରିଥିଲେ ସେନେଇ ପୋଲିସ ଏଫ୍‌ଆଇଆର୍‌ରେ କିଛି ସ୍ପଷ୍ଟ ଭାବେ ଉଲ୍ଲେଖ କରିନାହିଁ।
ବିକ୍ଷୋଭର ଅପରାଧୀକରଣ
ଅଭିଯୋଗ ଆଣିବାରେ ଏହି ଅସ୍ପଷ୍ଟତା, କଠୋର ୟୁଏପିଏ ସାଙ୍ଗକୁ ଲକ୍‌ଡାଉନ୍‌ ପୋଲିସକୁ ଏପରି କାର୍ଯ୍ୟାନୁଷ୍ଠାନ ନେବା ଲାଗି ଅନୁମତି ଦେଇଛି, ଯାହାକି ନାଗରିକ ସ୍ବାଧୀନତା ପାଇଁ ଅତ୍ୟନ୍ତ ହାନିକାରକ ମନେହୁଏ। ଏହି ଗିରଫଦାରି ଏକ ଆଇନଗତ ପଦକ୍ଷେପ ପରିବର୍ତ୍ତେ ଭାଜପା ନେତୃତ୍ୱାଧୀନ କେନ୍ଦ୍ରର ନାଗରିକତ୍ୱ ଆଇନ ବିରୋଧୀ ବିକ୍ଷୋଭକାରୀଙ୍କ ଉପରେ ରାଜନୈତିକ ଉଦ୍ଦେଶ୍ୟପ୍ରଣୋଦିତ କାର୍ଯ୍ୟାନୁଷ୍ଠାନ ପରି ଲାଗୁଛି। ଦିଲ୍ଲୀ ପୋଲିସ ଏଠାରେ ବିକ୍ଷୋଭ ପାଇଁ ଉଦ୍ଦିଷ୍ଟ ପ୍ରତ୍ୟେକ କାର୍ଯ୍ୟର ଅପରାଧୀକରଣ ଲାଗି ତତ୍ପରତା ଦେଖାଇଛି। ଉଦାହରଣ ସ୍ବରୂପ ଅଭିଯୁକ୍ତମାନେ ବିକ୍ଷୋଭ ପାଇଁ ଯୋଜନା ଓ ବ୍ୟବସ୍ଥା କରିବା ଲାଗି ପରସ୍ପରକୁ ଯୋଗାଯୋଗ କରିଥିବା ପୋଲିସ କହିଥିଲା। ସେହିପରି ବିକ୍ଷୋଭରେ ଶୁଫି-ଉର୍‌-ରହମାନ ନିଜ ସମ୍ପୃକ୍ତି ନେଇ ଜେରା ବେଳେ ସ୍ବୀକାର କରିଥିବା ସମ୍ପର୍କରେ ଅଦାଲତଙ୍କୁ ପୋଲିସ ଅବଗତ କରାଇଛି।
ଦଙ୍ଗା ଆରମ୍ଭ ହେବାର ପୂର୍ବଦିନ ଭାଜପା ନେତା କପିଲ ମିଶ୍ରା ବିକ୍ଷୋଭକାରୀମାନଙ୍କୁ କଡ଼ା କାର୍ଯ୍ୟାନୁଷ୍ଠାନର ଧମକ ଦେଇଥିଲେ। ବାସ୍ତବରେ କପିଲ ଏହି ହିଂସାକୁ ଉସୁକାଇଥିବା ନେଇ ପ୍ରତ୍ୟକ୍ଷ ପ୍ରମାଣ ରହିଛି। ହିଂସା ଭିଆଇବାବେଳେ ଆକ୍ରମଣକାରୀମାନେ ତାଙ୍କ ନାମ ପ୍ରକାଶ କରିଥିବା କେତେଜଣ ପ୍ରତ୍ୟକ୍ଷଦର୍ଶୀ କହିଛନ୍ତି। ହେଲେ ଦିଲ୍ଲୀ ପୋଲିସ କପିଲଙ୍କ ବିରୋଧରେ କିଛି ଆଇନଗତ କାର୍ଯ୍ୟାନୁଷ୍ଠାନ ନେଇନାହିଁ। ଅନ୍ୟପକ୍ଷରେ ପୋଲିସ ମୁସଲମାନ ସମୁଦାୟ ଉପରେ କାର୍ଯ୍ୟାନୁଷ୍ଠାନ ନେଇଥିବାର ତଥ୍ୟଗତ ପ୍ରମାଣ ରହିଛି। ଏହି ଦଙ୍ଗାରେ ପ୍ରାଣ ହରାଇଥିବା ମୃତକଙ୍କ ମଧ୍ୟରୁ ଦୁଇ-ତୃତୀୟାଂଶ ହେଉଛନ୍ତି ମୁସ୍‌ଲିମ ସମ୍ପ୍ରଦାୟର।
ଲକ୍‌ଡାଉନ୍‌ର ଅପବ୍ୟବହାର
ଆହୁରି ଚକିତ କରିଦେବା ଭଳି ବିଷୟ ହେଉଛି ନାଗରିକତ୍ୱ ଆଇନ ବିରୋଧୀ ଏହି ଅଭିଯାନ ଉପରେ ଆକ୍ରମଣ ଉଦ୍ୟମ କରୋନା ସଂକ୍ରମଣ ରୋକିବା ଲାଗି ଜାରି କରାଯାଇଥିବା ଲକ୍‌ଡାଉନ୍‌ ବେଳେ ହୋଇଛି। ସରକାରଙ୍କ ହାତରେ ପ୍ରଭୁତ କ୍ଷମତା ଥିବାରୁ ବିକ୍ଷୋଭକାରୀଙ୍କ ବିରୋଧରେ ମାତ୍ରାଧିକ କାର୍ଯ୍ୟାନୁଷ୍ଠାନ ନିଆଯାଇଥିବା ଅଭିଯୋଗ ହୋଇଛି। ଏନ୍‌ଆର୍‌ସି ଏବଂ ସିଏଏ ବିରୋଧରେ ହୋଇଥିବା ବିକ୍ଷୋଭ ଏକ ଶାନ୍ତିପୂର୍ଣ୍ଣ ଆନ୍ଦୋଳନ ଥିଲା। ଦେଶର ନାଗରିକତ୍ୱ ଆଇନର ସମ୍ପ୍ରଦାୟିକୀକରଣ ପଦକ୍ଷେପରୁ ଭାରତୀୟ ଧର୍ମନିରପେକ୍ଷତାକୁ ରକ୍ଷା କରିବା ଥିଲା ଏହାର ଉଦ୍ଦେଶ୍ୟ। ବିରୋଧୀମାନଙ୍କ ବିରୋଧରେ ପଦକ୍ଷେପର ଅପରାଧୀକରଣ ଭାରତୀୟ ଗଣତନ୍ତ୍ରକୁ ଏକ ଶକ୍ତ ଧକ୍କା ବୋଲି ବିଭିନ୍ନ ମହଲରେ ଆଲୋଚନା ହେଉଛି।


Enter your email to get our daily news in your inbox.

All Right Reserved By Dharitri.Com

କୃତ୍ରିମ ହାର୍ଟ ଲଗାଇବାର ବର୍ଷକ ପରେ କାମ କଲା ପ୍ରାକୃତିକ ହାର୍ଟ

ନୂଆଦିଲ୍ଲୀ,୧୧।୭: କୃତ୍ରିମ ହାର୍ଟ ଲାଗିବାର ବର୍ଷକ ପରେ ପୁଣିଥରେ ରୋଗୀଣା ହାର୍ଟ କାମ କରିବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଏହି ଘଟଣା ଘଟିଛି...

ସ୍ଥଗିତାଦେଶକୁ ସୁପ୍ରିମକୋର୍ଟଙ୍କ ନା

ନୂଆଦିଲ୍ଲୀ,୨୧ା୧(ପି.ଟି.): ରାଜନୈତିକ ଦଳଗୁଡିକର ପାଣ୍ଠି ସଂଗ୍ରହ ପାଇଁ ରହିଥିବା ଇଲେକ୍ଟୋରାଲ ବଣ୍ଡ୍‌ ଯୋଜନା ଉପରେ ଅନ୍ତରୀଣ ସ୍ଥଗିତାଦେଶ ଜାରି କରିବାକୁ ସୁପ୍ରିମକୋର୍ଟ ସୋମବାର ମନା କରିଦେଇଛନ୍ତି।...

ରେଡ୍‌ ଲାଇଟ୍‌ ଏରିଆ ବନ୍ଦ ହେଲେ: ରୋକିହେବ ୭୨% ସଂକ୍ରମଣ

ଓ୍ବାଶିଂଟନ,୧୯ା୫: ଭାରତରେ କରୋନା ଭାଇରସ୍‌ର ପ୍ରକୋପ ଧୀରେ ଧୀରେ ବଢ଼ିବାରେ ଲାଗିଛି। ସଂକ୍ରମିତଙ୍କ ସଂଖ୍ୟା ୧ ଲକ୍ଷ ଟପିବାକୁ ବସିଲାଣି। ସଂକ୍ରମଣ ଭୟ ବୃଦ୍ଧି ପାଉଥିବାବେଳେ...

ମୁସଲମାନ୍‌ ମହିଳାଙ୍କୁ ମସଜିଦ୍‌ରେ ପ୍ରବେଶ ଅନୁମତି: ଆବେଦନର ଶୁଣାଣି କରିବାକୁ ମନା କଲେ ସୁପ୍ରିମ୍‌କୋର୍ଟ

ନୂଆଦିଲ୍ଲୀ,୮।୭: ମସଜିଦ୍‌ରେ ମୁସଲମାନ୍‌ ମହିଳାଙ୍କୁ ପ୍ରବେଶ ଅନୁମତି ନେଇ କରାଯାଇଥିବା ଏକ ଆବେଦନର ଶୁଣାଣି କରିବାକୁ ସୋମବାର ସୁପ୍ରିମ୍‌କୋର୍ଟ ମନା କରିଛନ୍ତି। ଏହି ଆବେଦନ କେରଳର...

ଏନ-୩୨ ବିମାନ ଦୁର୍ଘଟଣା: ୧୮ ଦିନ ପରେ ଆଜି ଘରେ ପହଞ୍ଚିବ ଶହୀଦଙ୍କ ମୃତଦେହ

ନୂଆଦିଲ୍ଲୀ, ୨୧।୬: ଭାରତୀୟ ବାୟୁସେନା ପରିବହନ ବିଭାଗର ବିମାନ ଏନ-୩୨ ଦୁର୍ଘଟଣାରେ ପ୍ରାଣ ହରାଇଥିବା ୧୩ଜଣଙ୍କ ଶହୀଦଙ୍କ ମୃତଦେହ ଶୁକ୍ରବାର ସେମାନଙ୍କ ଘରେ ପହଞ୍ଚିବ ବୋଲି...

ଡବ୍ଲ୍ୟୁଏଚ୍‌ଓର ନେତୃତ୍ୱ ନେବ ଭାରତ

ନୂଆଦିଲ୍ଲୀ,୨୪ା୪: ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍‌ଓ) ମୁଖ୍ୟାଳୟରେ ଭାରତ ନେତୃତ୍ୱ ଭୂମିକା ନେବ। ସାରା ବିଶ୍ୱ କରୋନା ମହାମାରୀ କବଳିତ ହୋଇଥିବାବେଳେ ଆସନ୍ତା ମାସରେ ଡବ୍ଲ୍ୟୁଏଚ୍‌ଓ...

ଭବାନୀପାଟଣା ମ୍ୟାରେଜ ପ୍ୟାଲେସରେ ଚଢ଼ାଉ ପରେ ସିଲ୍‌ : ମାଲିକ ଅଟକ

ଭବାନୀପାଟଣା,୨୧।୩(ଡି.ଏନ୍‌.ଏ.): କରୋନା ମୁକାବିଲା ଗାଇଡଲାଇନ ଅନୁସାରେ କଳାହାଣ୍ଡି ଜିଲା ଭବାନୀପାଟଣା ସହର ମ୍ୟାରେଜ ପ୍ୟାଲେସରେ ପୋଲିସ ଚଢ଼ାଉ କରିଛି। ମ୍ୟାରେଜ ପ୍ୟାଲେସ ମାଲିକ ପ୍ରକାଶ ଅଗ୍ରଓ୍ବାଲଙ୍କୁ...

ମହାରାଷ୍ଟ୍ରରୁ ପିକ୍‌ଅପ ଭ୍ୟାନରେ ଆସିଲେ ୧୭ ଶ୍ରମିକ

କେଗାଁ, ୧୦ା୫(ଡିଏନଏ): କରୋନା ପାଇଁ ପ୍ରବାସୀ ଶ୍ରମିକ ଘରମୁହାଁ ହୋଇଛନ୍ତି। ରବିବାର କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକକୁ ମହାରାଷ୍ଟ୍ରରୁ ୧୭ ଶ୍ରମିକ ଏକ ପିକଅପ ଭ୍ୟାନ...

Coronavirus Update

Archives

Model This Week

Why Dharitri