କରୋନାରେ ଅଧିକ ମରୁଛନ୍ତି ଅଣଶ୍ୱେତାଙ୍ଗ ଆମେରିକୀୟ

ଓ୍ବାଶିଂଟନ,୧୧ା୪: ମହାମାରୀ କରୋନା ସଂକ୍ରମଣରେ ଯୁକ୍ତରାଷ୍ଟ୍ର ଆମେରିକା ସର୍ବାଧିକ ପ୍ରଭାବିତ ହୋଇଛି। ସେଠାରେ ସଂକ୍ରମିତଙ୍କ ସଂଖ୍ୟା ୪,୬୮,୮୯୫ରେ ପହଞ୍ଚତ୍ଥିବାବେଳେ ୧୬ ହଜାରରୁ ଅଧିକ ଲୋକଙ୍କ ଜୀବନ ଗଲାଣି। ସାଧାରଣତଃ ରୋଗ କେବେ ଜାତି,ଧର୍ମ, କଳା ଗୋରା ଭେଦଭାବ ଦେଖି ନ ଥାଏ। କିନ୍ତୁ ଆମେରିକାରେ କରୋନା ସଂକ୍ରମଣରେ ଅଧିକ ସଂଖ୍ୟାରେ ଅଣଶ୍ୱେତାଙ୍ଗଙ୍କ ମୃତ୍ୟୁ ଘଟୁଥିବା ଏକ ରିପୋର୍ଟରୁ ଜଣାପଡିଛି। ବିଶେଷକରି ଏହି ଦେଶର କେତେକ ବଡ଼ ସହର ଯଥା ନ୍ୟୁଓର୍‌ଲିନ୍ସ, ଶିକାଗୋ, ଡେଟ୍ରୋଇଟରେ ଆଫ୍ରିକୀୟ-ଆମେରିକୀୟଙ୍କ ମୃତ୍ୟୁସଂଖ୍ୟା ଯଥେଷ୍ଟ ଅଧିକ ରହିଛି। ଏହି ସହରଗୁଡ଼ିକରେ ଅଧିକ ସଂଖ୍ୟାରେ ଆଫ୍ରିକୀୟ- ଆମେରିକୀୟ ରହିଛନ୍ତି।
ଆମେରିକାରେ ଚତୁର୍ଥ ସର୍ବାଧିକ କୋଭିଡ୍‌-୧୯ ମାମଲା ଲୁଇଜିଆନାରେ ରହିଥିବାବେଳେ ନ୍ୟୁଓରଲିନ୍ସରେ ସର୍ବାଧିକ ଲୋକଙ୍କ ମୃତ୍ୟୁ ଘଟିଛି। ଏହି ଅଞ୍ଚଳରେ ଅଣଶ୍ୱେତାଙ୍ଗ ମୋଟ ଜନସଂଖ୍ୟାର ୬୦ ପ୍ରତିଶତ। ଲୁଇଜିଆନାରେ କରୋନା ମୃତକଙ୍କ ମଧ୍ୟରୁ ୭୦ ପ୍ରତିଶତରୁ ଅଧିକ ଆଫ୍ରିକୀୟ-ଆମେରିକୀୟ ବୋଲି ରାଜ୍ୟ ଗଭର୍ନର ଜନ୍‌ ବେଲ୍‌ ଏଡ୍‌ଓ୍ବାର୍ଡ୍‌ସ କହିଛନ୍ତି। ସେହିପରି ମଧ୍ୟପଶ୍ଚିମ ସହର ଡେଟ୍ରୋଏଟ୍‌, ଶିକାଗୋ ଏବଂ ମିଲ୍‌ଓ୍ବକିରେ ମଧ୍ୟ ସଂକ୍ରମଣରେ ତାରତମ୍ୟ ବୃଦ୍ଧି ପାଇଥିବା ଦେଖାଯାଇଛି। ମିଚିଗାନ ରାଜ୍ୟର ଡେଟ୍ରଏଟରେ ୮୦ ପ୍ରତିଶତ ଅଣଶ୍ୱେତାଙ୍ଗ ରହୁଛନ୍ତି। ରାଜ୍ୟରେ ମୋଟ କରୋନା ମୃତ୍ୟୁର ୪୦ ପ୍ରତିଶତ ଏହି ସହରରେ ଘଟିଛି। ସେହିପରି ଶିକାଗୋରେ କରୋନା ସଂକ୍ରମିତ ଅଣଶ୍ୱେତାଙ୍ଗଙ୍କ ସଂଖ୍ୟା ସହରର ମୋଟ ସଂକ୍ରମଣର ୭୦ ପ୍ରତିଶତ। ରାଜ୍ୟର ଯେତେଜଣଙ୍କର ଏହି ରୋଗରେ ମୃତ୍ୟୁ ଘଟିଛି, ତାହାର ଅର୍ଦ୍ଧାଧିକ ହେଉଛନ୍ତି ଏହି ଅଣଶ୍ୱେତାଙ୍ଗ।
ଆଫ୍ରିକୀୟ-ଆମେରିକୀୟମାନଙ୍କ ପ୍ରତି ଭୂତାଣୁ ସଂକ୍ରମଣ ଆଶଙ୍କା ଅଧିକ ହେବାର କାରଣ ହେଲା ସହରାଞ୍ଚଳରେ ଏମାନଙ୍କର ଘନତ୍ୱ ଅଧିକ। ଏହାବ୍ୟତୀତ ସେମାନେ ଜରୁରୀ ଶିଳ୍ପସଂସ୍ଥାରେ କାର୍ଯ୍ୟ କରିଥାନ୍ତି। ମାତ୍ର ୨୦ ପ୍ରତିଶତ ଅଣଶ୍ୱେତାଙ୍ଗ ଘରୁ ରହି କାର୍ଯ୍ୟ କରିବାକୁ ଅନୁମତି ପାଇଥିବାବେଳେ ୩୦ ପ୍ରତିଶତ ଶ୍ୱେତାଙ୍ଗଙ୍କୁ ଏହି ସୁବିଧା ମିଳୁଛି। କରୋନାରେ ଅଧିକ ସଂଖ୍ୟାରେ ଅଣଶ୍ୱେତାଙ୍ଗ ବୃଦ୍ଧଙ୍କ ଜୀବନ ଯାଉଛି। ଏହାବ୍ୟତୀତ ମେଦବହୁଳତା, ଉଚ୍ଚ ରକ୍ତଚାପ ଓ ମଧୁମେହରେ ପୀଡ଼ିତ ଅଣଶ୍ୱେତାଙ୍ଗ ଆମେରିକୀୟଙ୍କ କ୍ଷେତ୍ରରେ ସଂକ୍ରମଣର ଅଧିକ ବିପଦ ଥିବା ଏକ ଗବେଷଣାରୁ ଜଣାପଡ଼ିଛି।
ସମାଲୋଚକଙ୍କ ମତରେ ସ୍ବାସ୍ଥ୍ୟସେବାରେ ବର୍ଣ୍ଣବୈଷମ୍ୟତା ଏହାର କାରଣ ବୋଲି କୁହାଯାଇଛି। ଏଠାରେ ଅଣଶ୍ୱେତାଙ୍ଗମାନଙ୍କୁ ମେଡିକେଡ୍‌ ଏବଂ ମେଡିକେୟାର ଭଳି ଜନସ୍ବାସ୍ଥ୍ୟ ବୀମା ଯୋଜନାରେ ଶ୍ୱେତାଙ୍ଗଙ୍କ ଭଳି ସମାନ ସୁବିଧା ମିଳି ନ ଥାଏ। ଉପଯୁକ୍ତ ସ୍ବାସ୍ଥ୍ୟସେବା ସୁବିଧା ନ ଥିବା ଅଞ୍ଚଳରେ ଏମାନେ ରହିଥାନ୍ତି, ଯେଉଁଠି ପ୍ରାଥମିକ ଯତ୍ନ ଦୁର୍ଲଭ କିମ୍ବା ବ୍ୟୟସାପେକ୍ଷ। ଅଣଶ୍ୱେତାଙ୍ଗ ରହୁଥିବା ଅଞ୍ଚଳରେ ସ୍ବାସ୍ଥ୍ୟସେବା ପ୍ରଦାନକାରୀ ସଂସ୍ଥାଗୁଡ଼ିକ ନିମ୍ନମାନର ସେବା ଦେଇଥାନ୍ତି ବୋଲି ସେଞ୍ଚୁରୀ ଫାଉଣ୍ଡେଶନ ଜାଣିବାକୁ ପାଇଛି।


Enter your email to get our daily news in your inbox.

All Right Reserved By Dharitri.Com

ପାକିସ୍ତାନରେ ବିସ୍ଫୋରଣ: ୩ ମୃତ, ୧୫ ଆହତ

କରାଚି, ୨୧।୧୦: ପାକିସ୍ତାନରେ ଏକ ବଡ଼ ଧରଣର ବିସ୍ଫୋରଣ ଘଟିଛି। ଏଥିରେ ୩ ଜଣଙ୍କ ମୃତ୍ୟୁ ଘଟିଥିବାବେଳେ ୧୫ ଜଣ ଆହତ ହୋଇଛନ୍ତି। ଆହତଙ୍କୁ ଉଦ୍ଧାର...

ଭୁଲ୍‌ରେ ନଓ୍ବାଜଙ୍କୁ ପ୍ରଧାନମନ୍ତ୍ରୀ କହିଲେ ବାଚସ୍ପତି

ଇସଲାମାବାଦ,୧୧।୪: ପାକିସ୍ତାନ ନ୍ୟାଶନାଲ ଆସେମ୍ବ୍ଲିରେ ଶେହଓ୍ବାଜ ଶରିଫ୍‌ଙ୍କୁ ପ୍ରଧାନମନ୍ତ୍ରୀ ନିର୍ବାଚିତ ହେବା ପରେ ବାଚସ୍ପତି ଆୟାଜ୍‌ ସାଦିକ୍‌ ଭୁଲ୍‌ରେ ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ଶରିଫ୍‌ଙ୍କ ନାଁ...

ଦେଶରେ ୩୪ ଦିନରେ ୧ କୋଟିରୁ ଅଧିକ ଟିକାକରଣ!

ନୂଆଦିଲ୍ଲୀ,୨୦ ।୨: କରୋନା ମହାମାରୀକୁ ଦୂରେଇ ଦେବାକୁ ଏବେ ବିଶ୍ୱର ଅଧିକାଂଶ ଦେଶରେ ଚାଲିଛି ଟିକାକରଣ କାର୍ଯ୍ୟକ୍ରମ । ଏହି କ୍ରମରେ ଭାରତରେ ବି ଟିକାକରଣ...

କ୍ୱିଭରେ କର୍ଫ୍ୟୁ

କ୍ୱିଭ,୨୪।୨: ରୁଷିଆ ୟୁକ୍ରେନ ଉପରେ ଆକ୍ରମଣ ଜାରି ରଖିଛି। ବର୍ତ୍ତମାନ ୟୁକ୍ରେନ ରାଜଧାନୀ କ୍ୱିଭ ସମେତ ଅନେକ ବିମାନ ବନ୍ଦରକୁ ସ୍ଥାନାନ୍ତର କରିବାରେ ଲାଗିପଡ଼ିଛି। ରୁଷିଆ...

ମହାମାରୀ ସହ କାଟିବାକୁ ପଡିବ ନୂଆବର୍ଷ: ବିଲ୍ ଗେଟ୍ସ

ୱାଶିଂଟନ,୧୧ ।୧୨: କରୋନା ମହାମାରୀକୁ ନେଇ କମ୍ପୁଟର ଜଗତର ଅଗ୍ରଣୀ କମ୍ପାନୀ ମାଇକ୍ରୋସପ୍ଟର ଫାଉଣ୍ଡର ବିଲ୍ ଗେଟ୍ସ ଏକ ଚେତାବନୀ ଦେଇଛନ୍ତି । ସେ କହିଛନ୍ତି...

ଆମେରିକା ନ୍ୟାଶନାଲ ସାଇନ୍ସ ଫାଉଣ୍ଡେଶନ ମୁଖ୍ୟ ହେଲେ ଭାରତୀୟ

ଓ୍ବାଶିଂଟନ,୨୧ା୬(ପି.ଟି.): ଖ୍ୟାତନାମା ଭାରତୀୟ-ଆମେରିକୀୟ ବୈଜ୍ଞାନିକ ସେଥୁରମନ ପଞ୍ଚନାଥନ୍‌ ଆମେରିକାର ଶୀର୍ଷ ବିଜ୍ଞାନ ଗବେଷଣା ସହାୟକ ସଂସ୍ଥା ନ୍ୟାଶନାଲ ସାଇନ୍ସ ଫାଉଣ୍ଡେଶନର ନିର୍ଦ୍ଦେଶକ ନିଯୁକ୍ତ ହୋଇଛନ୍ତି। ଏହି...

କରୋନା ସଙ୍କଟ: ସ୍ବଦେଶକୁ ଫେରିବା ପାଇଁ ୩୨ହଜାର ଭାରତୀୟ ୟୁଏଇରେ କଲେ ରେଜିଷ୍ଟ୍ରେଶନ

ଆବୁଧାବି,୧।୫: କରୋନା ଭାଇରସ୍‌ ମହାସଙ୍କଟ କେବଳ ଭାରତ ନୁହେଁ ବରଂ ବିଶ୍ୱର ବିଭିନ୍ନ ଦେଶରେ ଦେଖିବାକୁ ମିଳିଛି। ଅନ୍ୟ ଦେଶକୁ ରୋଜଗାର ବା ଅନ୍ୟ କାର୍ଯ୍ୟ...

କରୋନାରୁ ସୁସ୍ଥ ହେବା ପରେ ସମ୍ପୂର୍ଣ୍ଣ ସ୍ବାଦ, ଗନ୍ଧ ଫେରିବାକୁ ୧ ବର୍ଷ ଲାଗିପାରେ: ବିଶେଷଜ୍ଞ

ପ୍ୟାରିସ୍,୨୭ା୬: କରୋନାରୁ ସୁସ୍ଥ ହେବା ପରେ ଯଦି ସ୍ବାଦ ଏବଂ ଗନ୍ଧ ବାରି ନ ହୁଏ ତେବେ ଏହା ଫେରିବାକୁ ୧ ବର୍ଷ ଲାଗିପାରେ ବୋଲି...

Advertisement
Archives

Model This Week