କପିଳାସ ନାଟ୍ୟ ମହୋତ୍ସବ ଉଦ୍‌ଯାପିତ: ଅଭିଜ୍ଞତାର ବନ୍ଧନ କଥା ‘ଚରନ୍‌ ଏ ସୋମୋୟେ’

ଢେଙ୍କାନାଳ ଅଫିସ,୩୦ା୧୨ – ଢେଙ୍କାନାଳ କଳାପରିଷଦ ଅନୁଷ୍ଠାନ ପକ୍ଷରୁ ସ୍ଥାନୀୟ ମିନି ଷ୍ଟାଡିୟମସ୍ଥିତ ଗଜଲକ୍ଷ୍ମୀ କଳାମଣ୍ଡପଠାରେ ୫ଦିନ ବ୍ୟାପୀ ଅନୁଷ୍ଠିତ ହେଉଥିବା ଜାତୀୟ ବହୁଭାଷୀ କପିଳାସ ନାଟ୍ୟ ମହୋତ୍ସବ ରବିବାର ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ ସନ୍ଧ୍ୟାରେ କଲିକତାର ବିଭବ ନାଟ୍ୟ ଏକାଡେମୀ କଳାକାରମାନଙ୍କ ଦ୍ୱାରା ବଙ୍ଗଳା ନାଟକ ‘ଚରନ୍‌ ଏ ସୋମୋୟେ’ ମଞ୍ଚସ୍ଥ ହୋଇଥିଲା। ରବୀନ୍ଦ୍ରନାଥ ଟାଗୋରଙ୍କ ପ୍ରସିଦ୍ଧ କାହାଣୀ ଖୋକା ବାବୁର ପ୍ରତ୍ୟାବର୍ତ୍ତନକୁ ନେଇ ପ୍ରସ୍ତୁତ ନାଟକ ‘ଚରନ୍‌ ଏ ସୋମୋୟେ’ର ରାଜା ବାନାର୍ଜୀ ନିର୍ଦ୍ଦେଶନା ଦେଇଥିଲେ। ନାଟକର କାହାଣୀ ଏହିପରି, ଜଣେ ଅସହାୟ ବୃଦ୍ଧ ରାସ୍ତାରେ ଲୋକମାନଙ୍କ ଦ୍ୱାରା ଉପହାସିତ ହେଉଥିବା ଦେଖି ବାରିଷ୍ଟର ଫାଲୁଚରଣ ମହାପାତ୍ର ତାଙ୍କୁ ଉଦ୍ଧାର କରି ନିଜ ଘରକୁ ନେଇଆସନ୍ତି। ବୃଦ୍ଧ ବ୍ୟକ୍ତି ଜଣକ ତାଙ୍କର ନବଜାତ ସନ୍ତାନର ଲାଳନପାଳନରେ ସହାୟକ ହେବେ ବୋଲି ଫାଲୁଚରଣ ଭାବିଥିଲେ। କାରଣ ଫାଲୁଚରଣଙ୍କ ଭୟଥିଲା, ତାଙ୍କ ଚାକିରିଆ ସ୍ତ୍ରୀ ପ୍ରସୂତିକାଳୀନ ଛୁଟିରେ ଥିବାରୁ କାଳେ ଲାଳନପାଳନ ପାଇଁ ଅଧିକ ସମୟ ଦେଲେ ନିଜ ଚାକିରି ହରାଇବେ। ଅନ୍ୟପଟରେ ଅତ୍ୟଧିକ ବୃଦ୍ଧ ଲୋକଟିକୁ ସ୍ବାମୀ ଘରକୁ ଆଣିଥିବା ଦେଖି ଫାଲୁଚରଣଙ୍କ ସ୍ତ୍ରୀ ଦୀପିକା ଆତଙ୍କିତ ହୋଇପଡନ୍ତି। ବୃଦ୍ଧ ଜଣକ ତାଙ୍କ ନବଜାତ ଶିଶିଟିକୁ ଠିକ୍‌ ଭାବେ ଲାଳନପାଳନ କରିପାରିବନି ବୋଲି ଦୀପିକା ଭୟ କରୁଥିଲେ। କିନ୍ତୁ ସମ୍ପୃକ୍ତ ବୃଦ୍ଧ ତାଙ୍କ ଅଭିଜ୍ଞତା ବଳରେ ନବଜାତ ଶିଶୁଟିକୁ ଖୁବ ସୁନ୍ଦର ଭାବରେ ଲାଳନପାଳନ କରିଥିଲେ। ଫଳରେ ଫୁଲୁଚରଣ ଓ ଦୀପିକା ତାଙ୍କୁ ଭଲ ପାଇବାରେ ଲାଗିଲେ। ଦିନେ ବୃଦ୍ଧ ବ୍ୟକ୍ତିଙ୍କ ସହ କଥାବାର୍ତ୍ତା ହେଲାବେଳେ ଫାଲୁଚରଣ ହଠାତ୍‌ ଜାଣିବାକୁ ପାଇଲେ ସେହି ବୃଦ୍ଧବ୍ୟକ୍ତି ଜଣକ ତାଙ୍କ ପିତା ପୂର୍ବତନ ଜମିଦାର ରାଇଚରଣ। ବୃଦ୍ଧ ଜଣକ ମଧ୍ୟ ଏକଥା ଜାଣିବା ପରେ ବିସ୍ମିତ ହୋଇପଡନ୍ତି। ଘଟଣା ଜାଣିବା ପରେ ଫାଲୁଚରଣଙ୍କ ସ୍ତ୍ରୀ ଦୀପିକା ରାଇଚରଣଙ୍କୁ ଶ୍ୱଶୁର ଭାବେ ସମ୍ମାନ ଦେଇ ଆପଣେଇ ନିଅନ୍ତି। ଏହାହିଁ ନାଟକ ‘ଚରନ୍‌ ଏ ସୋମୋୟେ’ର କାହାଣୀ। ଏଥିରେ ଅଭିନୟ କରିଥିବା କଳାକାରମାନେ ହେଲେ ରାଜା ବାନାର୍ଜୀ, ସର୍ବାଣୀ ବାନାର୍ଜୀ, ତରକ ଦାସ, ନିର୍ମଲ ମିର୍ଦ୍ଧା, ନାଣ୍ଟୁ ପଲ। ସଙ୍ଗୀତ ନିର୍ଦ୍ଦେଶନା ଦେଇଥିଲେ ସଞ୍ଜୟ ସେନଗୁପ୍ତା। ଆଲୋକ ସଜାଇଥିଲେ ଦେବାଶିଷ ଚକ୍ରବର୍ତ୍ତୀ। ନିର୍ମନ ମିର୍ଦ୍ଧା ମଞ୍ଚସଜ୍ଜା, ବିପ୍ଲବ ମୁଖାର୍ଜୀ ମେକ୍‌ଅପ୍‌, ଅରୁଣ କୁମାର ଚୌଧୁରୀ ପୋଷାକ ସାଜସଜ୍ଜା କରିଥିଲେ। ପ୍ରାରମ୍ଭରେ ଆୟୋଜିତ ଉଦ୍‌ଯାପନୀ ସଭାରେ ମୁଖ୍ୟ ଅତିଥି ଭାବେ ଏମ୍‌ପି ମହେଶ ସାହୁ, ସମ୍ମାନିତ ଅତିଥି ଭାବେ ପ୍ରାଧ୍ୟାପକ ଅଟଳ ବିହାରୀ ଦାସ ଯୋଗଦେଇ ବିଶିଷ୍ଟ ନାଟ୍ୟକାର ନିତ୍ୟାନନ୍ଦ ଦାସଙ୍କୁ ରାଜ୍ୟସ୍ତରୀୟ କଳାପରିଷଦ ସମ୍ମାନ ପ୍ରଦାନ କରିଥିଲେ। ଏହି ଅବସରରେ ଅନୁଷ୍ଠାନର ସ୍ମରଣିକା ଉନ୍ମୋଚିତ ହୋଇଥିଲା। କଳାପରିଷଦ ସଭାପତି ଦିଲ୍ଲୀଶ୍ୱର ମହାରଣା ସଭାପତିତ୍ୱ କରିଥିଲେ। ସମ୍ପାଦକ ଜୟନ୍ତ ବର୍ମା ଧନ୍ୟବାଦ ପ୍ରଦାନ କରିଥିଲେ। ଅବନୀ ମିଶ୍ର କାର୍ଯ୍ୟକ୍ରମ ସଂଯୋଜନା କରିଥିଲେ। ଶତ୍ରୁଘ୍ନ ମାଟି, ଇନ୍ଦ୍ରମଣି ବେହେରା, ବିନୋଦ ମହାନ୍ତି, ଅମ୍ବିକା ପ୍ରସାଦ ପଟ୍ଟନାୟକ ପ୍ରମୁଖଙ୍କ ସମେତ ଅନ୍ୟ ସଦସ୍ୟମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।


Enter your email to get our daily news in your inbox.

All Right Reserved By Dharitri.Com

ହିନ୍ଦୋଳରେ ଜଣେ ବ୍ୟକ୍ତିଙ୍କ ସନ୍ଦେହଜନକ ମୃତ୍ୟୁ

ହିନ୍ଦୋଳ, ୨୩।୮(ଡି.ଏନ.ଏ): ଢ଼େଙ୍କାନାଳ ଜିଲା ହିନ୍ଦୋଳ ବ୍ଲକ ରlସୋଳ ଥାନା କାରନ୍ଦା କେଳା ଟାଙ୍ଗର ସାହିରେ ଜଣେ ବ୍ୟକ୍ତିଙ୍କ ସନ୍ଦେହଜନକ ମୃତ୍ୟୁ ହୋଇଛି। ମୃତ ଜଣଙ୍କ...

ହାତୀ ଆକ୍ରମଣରେ ବୃଦ୍ଧ ଗୁରୁତର

ପରଜଙ୍ଗ,୭।୧(ଡି.ଏନ୍‌.ଏ.): ଢେଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଡିହଡୋଳ ଫରେଷ୍ଟ ସେକ୍ସନ ଅଧୀନ ଲୋଧଣି ପଞ୍ଚାୟତ ପାଳସାହି ଗ୍ରାମରେ ହାତୀ ଆକ୍ରମଣରେ ଜଣେ ବୃଦ୍ଧ ଗୁରୁତର ହୋଇଛନ୍ତି।...

ନିରାଶ୍ରୟଙ୍କୁ ବଣ୍ଟାଗଲା ଖାଦ୍ୟ

ଢେଙ୍କାନାଳ ଅଫିସ, ୨୯।୩ – ଲକ୍‌ଡାଉନ କଟକଣା ଲାଗୁ କରାଯିବା ପରେ ସବୁଠାରୁ ବେଶି ପ୍ରଭାବିତ ହୋଇଛନ୍ତି ଗରିବ ଏବଂ ଅସହାୟ। ମୂଲ ମଜୁରି କରି...

କାମାକ୍ଷାନଗର ଉପଖଣ୍ଡ ଚିକିତ୍ସାଳୟରେ ରୋଗୀ ହୀନସ୍ତା: ୯ ବର୍ଷ ହେଲା ଏକ୍ସ-ରେ ମେଶିନ ଅଚଳ

କାମାକ୍ଷାନଗର, ୨୬।୬(ଡି.ଏନ୍‌.ଏ.)- କାମାକ୍ଷାନଗର ଉପଖଣ୍ଡ ଚିକିତ୍ସାଳୟରେ ଥିବା ଏକ୍ସ-ରେ ମେଶିନ ୯ ବର୍ଷ ହେଲା ଅଚଳ ହୋଇପଡ଼ିଛି। କର୍ମଚାରୀ ଅଭାବ ସମସ୍ୟା ଆଳ ଦେଖାଇ ସ୍ବାସ୍ଥ୍ୟ...

ମନ୍ଦିର ପୂଜକ କରୋନା ଆକ୍ରାନ୍ତ

ଢେଙ୍କାନାଳ ଅଫିସ, ୬।୭:  ଢେଙ୍କାନାଳ ସହରସ୍ଥିତ ଏକ ପ୍ରମୁଖ ମନ୍ଦିରର ଜଣେ ପୂଜକ କରୋନାରେ ଆକ୍ରାନ୍ତ ହୋଇଛନ୍ତି। ରବିବାର ସନ୍ଧ୍ୟାରେ ଏହା ଜଣାପଡ଼ିବା ପରେ ଜିଲା ପ୍ରଶାସନ...

ବାଇଗିଣିଆରେ ହାତୀ ଉପଦ୍ରବ:ଉଜାଡ଼ିଦେଲେ ଫଳ ବଗିଚା

ପରଜଙ୍ଗ, ୯।୭(ଡି.ଏନ.ଏ.)ଢେଙ୍କାନାଳ ବନଖଣ୍ଡ ମହାବିରୋଡ ରେଞ୍ଜ ଅଧୀନ ବାଇଗିଣିଆ ଗ୍ରାମରେ ରବିବାର ବିଳମ୍ବିତ ରାତିରେ ହାତୀପଲ ପଶି ବ୍ୟାପକ କ୍ଷତି କରିଛନ୍ତି। ହାତୀ ଉପଦ୍ରବରେ ଆଖୁ,...

ଜଳିଗଲା ୧୧ ଏକର ଆଖୁ ଫସଲ

ଢେଙ୍କାନାଳ ଅଫିସ, ୨୦।୧: ଢେଙ୍କାନାଳ ସଦର ଥାନା ଭୋଜଦେଈପୁର ଗ୍ରାମ ଶିବ ମନ୍ଦିର ନିକଟ ଆଖୁ ଜମିରେ ରବିବାର ଅପରାହ୍ନ ୪ଟାରେ ଅଗ୍ନିକାଣ୍ଡ ଘଟି ପ୍ରାୟ ୧୧ଏକର...

୨୦ ବର୍ଷ ପରେ ଫେରିଲା ନିଖୋଜ ପୁଅ; ଲକ୍‌ଡାଉନ୍‌କୁ ଶ୍ରେୟ ଦେଲେ ମା’ବାପା

ଢେଙ୍କାନାଳ ଅଫିସ, ୧୮।୫:  ଲକ୍‌ଡାଉନ୍‌ ପାଇଁ ୨୦ବର୍ଷ ପରେ ଘରକୁ ଫେରି ଆସିଛି ନିଖୋଜ ପୁଅ। କରୋନା କଷଣ ଭିତରେ ଏପରି ଏକ ଖୁସିର ଚିତ୍ର ଆସିଛି...

Play 250+ Trending Games
Archives

Model This Week

Why Dharitri