ଏସ୍‌ସିବି ମେଡିକାଲ: ୟୁଜର୍ସ ପାଣ୍ଠିରୁ ଠକେଇ

କଟକ ଅଫିସ, ୧୯।୧୨: ଏସ୍‌ସିବି ମେଡିକାଲ ୟୁଜର୍ସ ପାଣ୍ଠିରୁ ବଡ଼ଧରଣର ଠକେଇ କରାଯାଇଛି। ମେଡିକାଲରେ ୟୁଜର୍ସ ଫି’ ଆଦାୟ ଦାୟିତ୍ୱରେ ଥିବା ଏକ ଘରୋଇ ସଂସ୍ଥା ଏହି ଠକେଇ କରିଛି। ଲୋକାଲ ଅଡିଟ୍‌ରୁ ଠକେଇ ଧରାପଡ଼ିବା ପରେ ସମ୍ପୃକ୍ତ ଘରୋଇ ସଂସ୍ଥା ୫ ଲକ୍ଷରୁ ଊର୍ଦ୍ଧ୍ୱ ଟଙ୍କା ଫେରସ୍ତ ଦେଇଛି। ଏହାପରେ ମେଡିକାଲ ପ୍ରଶାସନ ପକ୍ଷରୁ ଘଟଣାର ସ୍ପେଶାଲ ଅଡିଟ ପାଇଁ ସୁପାରିସ କରାଯାଇଛି। ସ୍ପେଶାଲ ଅଡିଟ୍‌ରୁ ଯାହା ଧରାପଡ଼ିବ ଉକ୍ତ ସଂସ୍ଥା ସେତକ ଟଙ୍କା ଫେରସ୍ତ ଦେବା ପାଇଁ ଅଣ୍ଡରଟେକିଂ ଲେଖିଛି ବୋଲି ଏସ୍‌ସିବି ମେଡିକାଲ ପ୍ରଶାସନିକ ଅଧିକାରୀ କଳ୍ପତରୁ ବେହେରା କହିଛନ୍ତି। ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ଉକ୍ତ ସଂସ୍ଥା ୟୁଜର୍ସ ଫି’ ହରିଲୁଟ କରିଥିବା ସମସ୍ତ ପ୍ରମାଣ ମିଳିଥିଲେ ମଧ୍ୟ ଅଦ୍ୟାବଧି ସେ ମେଡିକାଲରେ କାର୍ଯ୍ୟ କରୁଛି। ଏ ସମ୍ପର୍କରେ ମେଡିକାଲ ପ୍ରଶାସନିକ ଅଧିକାରୀ ବେହେରା କହିଛନ୍ତି, ମୋ ପୂର୍ବରୁ ଉକ୍ତ ସଂସ୍ଥାର ଏଗ୍ରିମେଣ୍ଟକୁ ନବୀକରଣ କରାଯାଇଛି। ପରବର୍ତ୍ତୀ ଅର୍ଡର ନ ହେବା ପର୍ଯ୍ୟନ୍ତ ଉକ୍ତ ସଂସ୍ଥା ମେଡିକାଲରେ କାର୍ଯ୍ୟ କରିବ ବୋଲି ନବୀକରଣରେ କୁହାଯାଇଛି। ତେଣୁ ଉକ୍ତ ସଂସ୍ଥାକୁ ମେଡିକାଲରୁ ବାହାର କରିବା ସହଜ ହେଉନାହିଁ। ତଥାପି ବର୍ତ୍ତମାନ ସରକାର ଆଉ ଏକ ସଂସ୍ଥାକୁ ମେଡିକାଲରେ ନିୟୋଜିତ କରିବା ପାଇଁ ପ୍ରକ୍ରିୟା ଆରମ୍ଭ କରିଛନ୍ତି। ନୂଆବର୍ଷରୁ ଉକ୍ତ ସଂସ୍ଥା କାର୍ଯ୍ୟ ଆରମ୍ଭ କରିବା ପରେ ଟଙ୍କା ହରିଲୁଟ କରିଥିବା ସଂସ୍ଥାକୁ ମେଡିକାଲରୁ ହଟାଇ ଦିଆଯିବ ବୋଲି ସେ କହିଛନ୍ତି। ଭିତିରି ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଉକ୍ତ ସଂସ୍ଥା ୟୁଜର୍ସ ପାଣ୍ଠିରୁ ପାଖାପାଖି ୨୦ ଲକ୍ଷ ଟଙ୍କା ଆତ୍ମସାତ କରିଛି। ଏସ୍‌ସିବି ମେଡିକାଲରେ ଚିକିତ୍ସା ବ୍ୟବସ୍ଥା ମାଗଣା ହେବା ପୂର୍ବରୁ ରୋଗୀଙ୍କଠାରୁ ବିଭିନ୍ନ ପରୀକ୍ଷା ନିରୀକ୍ଷା ବାବଦରେ ୟୁଜର୍ସ ଫି ଆଦାୟ କରାଯାଉଥିଲା। ଉକ୍ତ ସଂସ୍ଥା ରୋଗୀଙ୍କଠାରୁ ୟୁଜର୍ସ ଫି ଆଦାୟ କରିଥାଏ। ହେଲେ ଅଭିନବ ଉପାୟରେ ସଂସ୍ଥା ପକ୍ଷରୁ ଟଙ୍କା ହଡ଼ପ କରାଯାଇଛି। ଉଦାହରଣ ଭାବେ ଅଲଟ୍ରାସାଉଣ୍ଡ ପାଇଁ ସରକାରୀ ଦେୟ ୧୫୦ ଟଙ୍କା ରଖାଯାଇଥିଲା। ଅଲଟ୍ରାସାଉଣ୍ଡ କରିଥିବା ରୋଗୀ ୧୫୦ ଟଙ୍କା ଦାଖଲ କରିଥିଲେ। ମାତ୍ର ୧୫୦ରୁ ୦କୁ କାଟିଦେଇ ସଂସ୍ଥା ପକ୍ଷରୁ ମାତ୍ର ୧୫ ଟଙ୍କା ମେଡିକାଲ ତହବିଲରେ ଦାଖଲ କରାଯାଇଥିଲା। ଲୋକାଲ ଅଡିଟ ସମୟରେ କ’ଣ ପାଇଁ ରୋଗୀଙ୍କଠାରୁ ୧୫ ଟଙ୍କା ଆଦାୟ କରାଯାଇଥିଲା ସେ ନେଇ ଖୋଳତାଡ଼ କରାଯାଇଥିଲା। ଖୋଳତାଡ଼ରୁ ଏହି ଠକେଇ ସମ୍ପର୍କରେ ଜଣାପଡିଥିଲା। କେବଳ ଅଲଟ୍ରାସାଉଣ୍ଡ ନୁହେଁ ସିଟି ସ୍କାନ, ଏମ୍‌ଆର୍‌ଆଇ ଆଦି ବ୍ୟୟବହୁଳ ପରୀକ୍ଷାଗୁଡ଼ିକରେ ଉକ୍ତ ସଂସ୍ଥା ରୋଗୀଙ୍କଠାରୁ ଟଙ୍କା ଲୁଟ୍‌ କରିଥିବା ଜଣାପଡ଼ିଛି। ଏହି ଘଟଣାରେ ଉକ୍ତ ଘରୋଇ ସଂସ୍ଥା ସହିତ ମେଡିକାଲର କେତେଜଣ ଅଧିକାରୀ ଓ କର୍ମଚାରୀଙ୍କ ସମ୍ପୃକ୍ତି ରହିଛି। ଏ ସମ୍ପର୍କରେ ଭିଜିଲାନ୍ସ ନିକଟରେ ଅଭିଯୋଗ ହୋଇଛି। ଏ ନେଇ କଟକ ଭିଜିଲାନ୍ସ ଡିଭିଜନର ଏସ୍‌ପି ଶଶିଭୂଷଣ ମିଶ୍ର କୁହନ୍ତି, ଆମେ ଏସ୍‌ସିବି ମେଡିକାଲରୁ କେତେକ ଘରୋଇ ସଂସ୍ଥାର କାଗଜପତ୍ର ଆଣିଛୁ। ଏହା ଉପରେ ତଦନ୍ତ ଜାରି ରହିଛି। ସୂଚନାଥାଉ କି, କେବଳ ଏହି ଗୋଟିଏ ଘଟଣା ନୁହେଁ ପୂର୍ବରୁ ଏସ୍‌ସିବି ମେଡିକାଲରେ ୟୁଜର୍ସ ଫି’ରୁ ୧୫ ଲକ୍ଷ ଟଙ୍କା ଆତ୍ମସାତ୍‌ କରାଯାଇଥିଲା। ଏଥିରେ ମେଡିକାଲର କେତେଜଣ କର୍ମଚାରୀଙ୍କ ସମ୍ପୃକ୍ତି ରହିଥିଲା। ସମ୍ପୃକ୍ତ କର୍ମଚାରୀଙ୍କ ବିରୋଧରେ ତତ୍କାଳୀନ ଏସ୍‌ସିବି ମେଡିକାଲ ଅଧୀକ୍ଷକ ପ୍ରଫେସର ଶ୍ୟାମା କାନୁନ୍‌ଗୋ ମଙ୍ଗଳାବାଗ ଥାନାରେ ଏତଲା ଦାଏର କରିଥିଲେ। ଉକ୍ତ ଘଟଣାରେ ୩ ଜଣ କର୍ମଚାରୀଙ୍କୁ ଚାକିରିରୁ ସରକାର ନିଲମ୍ବନ କରିଥିଲେ।


Enter your email to get our daily news in your inbox.

All Right Reserved By Dharitri.Com

ବିନା ପରମିଟ୍‌ରେ ଚାଲୁଥିବା ସ୍କୁଲ ବସ୍‌ ଜବତ

ଢେଙ୍କାନାଳ ଅଫିସ, ୩ା୧୦ – ଢେଙ୍କାନାଳ ଜିଲା ଗୋବିନ୍ଦପୁର ଅଞ୍ଚଳର ଜଣେ ମହିଳାଙ୍କ ନାମରେ ଥିବା ସ୍କୁଲ ବସ୍‌ ବିନା ପରମିଟରେ ଚାଲୁଥିବା ଅଭିଯୋଗରେ ଆଞ୍ଚଳିକ...

ଦିଗହରା ହୋଇଛି ସ୍ବଚ୍ଛ ଭାରତ ମିଶନ:ଅବ୍ୟବସ୍ଥାରେ ଜେନାପୁର ରେଳ ଷ୍ଟେଶନ

ଜେନାପୁର,୪-୯(ଡି.ଏନ୍‌.ଏ.)- ଯାଜପୁର ଜିଲା ଅନ୍ତର୍ଗତ ଜେନାପୁର ରେଲ୍‌ଓ୍ବେ ଷ୍ଟେଶନରେ ସ୍ବଚ୍ଛ ଭାରତ ଅଭିଯାନ ଦିଗହରା ହୋଇଛି। ବିଭାଗୀୟ ଅଧିକାରୀଙ୍କ ଦୁର୍ବଳମନୋଭାବ ଯୋଗୁ ଷ୍ଟେଶନଟି ଶୋଚନୀୟ ଅବସ୍ଥାରେ...

ନିର୍ମାଣାଧୀନ କୋଭିଡ ମେଡିକାଲରେ ୫-ଟି ସଚିବ

ସମ୍ବଲପୁର, ୧୫।୪ (ବ୍ୟୁରୋ): ସମ୍ବଲପୁର ଜିଲା ମୁଖ୍ୟ ଚିକିତ୍ସାଳୟରେ ନିର୍ମାଣାଧୀନ କୋଭିଡ-୧୯ ମେଡିକାଲକୁ ବୁଧବାର ୫-ଟି ସଚିବ ଭି.କେ.ପାଣ୍ଡିଆନ ପରିଦର୍ଶନ କରିଛନ୍ତି। ଏହି ଅବସରରେ ସେ...

ପ୍ରଥମେ ସଫେଇ କର୍ମଚାରୀଙ୍କୁ ଦିଆଗଲା ଟିକା

କୋକସରା,୧୬।୧: କୋକସରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଶନିବାର ୯୦ ଜଣ ଆଗ ଧାଡିର କୋଭିଡ ଯୋଦ୍ଧାଙ୍କୁ ଟିକା ଦେବାର ବ୍ୟବସ୍ଥା କରାଯାଇଥିଲା। ଏ ନେଇ କୋଭିଡ...

ହକି ସମ୍ପର୍କିତ ସଂକଳ୍ପକୁ ସମର୍ଥନ: ମୁଖ୍ୟମନ୍ତ୍ରୀଙ୍କୁ ସବୁ ଦଳ ସଦସ୍ୟଙ୍କ ପ୍ରଶଂସା

ଭୁବନେଶ୍ୱର,୨୯।୧୧(ବ୍ୟୁରୋ): ୨୦୨୩ରେ ରାଜ୍ୟରେ ଦ୍ୱିତୀୟ ଥର ଲାଗି ହକି ବିଶ୍ୱକପ୍‌ ଅନୁଷ୍ଠିତ ହେବ। ଏହାର ସଫଳତା କାମନା କରି ବିଧାନସଭାରେ କଂଗ୍ରେସ ବିଧାୟକ ଦଳ ନେତା...

ବିଦ୍ୟୁତ ଆଘାତରେ ମୋଟର ମେକାନିକ ମୃତ

ବ୍ରହ୍ମପୁର ଅଫିସ,୨୫ା୮-ବିଦ୍ୟୁତ ଆଘାତରେ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ମେଡିକାଲରେ ଚିକିତ୍ସିତ ହେଉଥିବା ଜଣେ ମୋଟର ମେକାନିକଙ୍କ ଶନିବାର ରାତିରେ ମୃତ୍ୟୁ ଘଟିଛି। ସେ...

ଖରସ୍ରୋତା ପାଣି ଭଦ୍ରକକୁ ନେବା ଘଟଣା: ରାଜ୍ୟ ସରକାରଙ୍କୁ ଏନ୍‌ଜିଟିର କାରଣ ଦର୍ଶାଅ ନୋଟିସ

କେନ୍ଦ୍ରାପଡ଼ା ଅଫିସ, ୧୫ା୫: ଭଦ୍ରକ ଜିଲାର ୪ ବ୍ଲକ ଅଞ୍ଚଳ ପାଇଁ ନିର୍ମାଣାଧୀନ ମେଗା ପାଣି ପ୍ରକଳ୍ପ ଉପରେ ନ୍ୟାଶନାଲ ଗ୍ରୀନ୍‌ ଟ୍ରିବ୍ୟୁନାଲ (ଏନ୍‌ଜିଟି)ର ଛାଟ...

ଖବର ପ୍ରକାଶ ପାଇବା ପରେ ଦୃଷ୍ଟି ପଡ଼ିଲା; ସୌଭାଗ୍ୟ ପଡ଼ାରେ ଖୋଳା ହେଲା ନଳକୂପ

କୋକସରା,୨୨।୪(ଡି.ଏନ.ଏ): କଳାହାଣ୍ଡି ଜିଲା କୋକସରା ବ୍ଲକ ବଡ ପୋଡାଗୁଡା ପଞ୍ଚାୟତର ୱାର୍ଡ ନଂ-୧୨ରେ ଥିବା ସୋଭାଗ୍ୟ ପଡ଼ାରେ ନଳକୂପଟିଏ ନ ଥିବା ରୁ ବର୍ଷ ତମାମ...

Advertisement
Archives

Model This Week