ନିରାକାରପୁର,୨୫ା୪(ଡି.ଏନ.ଏ.)-ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତସ୍ଥ କାଜ ନିକଟ ନୂଆ ଜଗନ୍ନାଥ ଜାତୀୟ ରାଜପଥ ପାର୍ଶ୍ୱ ଏସ୍ବିଆଇ ଏଟିଏମ୍ରୁ ଟଙ୍କା ଲୁଟ୍ ଉଦ୍ୟମ ହୋଇଥିବା ଜଣାପଡ଼ିଛି। ମଙ୍ଗଳବାର ବିଳମ୍ବିତ ରାତିରେ କେହି ଦୁର୍ର୍ବୃତ୍ତ ଏଟିଏମ୍ଟି ଭାଙ୍ଗି ଏଥିରେ ଥିବା ଟଙ୍କା ଲୁଟିବା ପାଇଁ ଉଦ୍ୟମ କରି ବିଫଳ ହୋଇଛି। ସ୍ଥାନୀୟ ଲୋକଙ୍କଠାରୁ ଖବର ପାଇ ନିରାକାରପୁର ପୋଲିସ ଘଟଣାସ୍ଥଳରେ ପହଞ୍ଚତ୍ ତଦନ୍ତ ଆରମ୍ଭ କରିଛି। ସୂଚନାଯୋଗ୍ୟ, ଏହି ଏଟିଏମ୍ରେ ୩ ଥର ଦୁର୍ବୃତ୍ତମାନେ ଲୁଟ୍ ଉଦ୍ୟମ କରିଛନ୍ତି। ବାରମ୍ବାର ଅଭିଯୋଗ ସତ୍ତ୍ୱେ ବ୍ୟାଙ୍କ କର୍ତ୍ତୃପକ୍ଷ କୌଣସି ପଦକ୍ଷେପ ଗ୍ରହଣ କରୁ ନ ଥିବା ଲୋକେ କହିଛନ୍ତି। ଏହି ଅଞ୍ଚଳରେ ୭ଟି ଏଟିଏମ୍ ସେଣ୍ଟର ରହିଥିବାବେଳେ ୬ଟିରେ ସୁରକ୍ଷା କର୍ମୀ ନାହାନ୍ତି ା ସିସି କ୍ୟାମେରା ମଧ୍ୟ ଅଚଳ ହୋଇପଡ଼ିଛି। ତେଣୁ ଲୁଟେରାଙ୍କୁ ଏଭଳି ପରିସ୍ଥିତି ସୁଯୋଗ ଦେଉଛି ଏବଂ ବାରମ୍ବାର ଏଭଳି ଅସାମାଜିକ କାର୍ଯ୍ୟକଳାପ କରିବାରେ ଲାଗିଛନ୍ତି ବୋଲି କିଛି ଗ୍ରାହକ ମତବ୍ୟକ୍ତ କରିଛନ୍ତି। ସୂଚନାଯୋଗ୍ୟ, ମାତ୍ର କିଛି ମାସ ତଳେ ଏଠାରେ ଗୋଟିଏ ଏଟିଏମ୍କୁ କଟର୍ ମେଶିନ୍ରେ କାଟି ପ୍ରାୟ ୧୨ ଲକ୍ଷ ଟଙ୍କା ଦୁର୍ବୃତ୍ତମାନେ ଲୁଟି ନେଇଥିଲେ। ଏ ଘଟଣା ନେଇ କିଛିଦିନ ହୋହଲ୍ଲା ଓ ଅଭିଯୋଗ ପରେ ଯଥା ପୂର୍ବଂ ତଥା ପର ଅବସ୍ଥା ଦେଖାଦେଇଛି। ଉଲ୍ଲେଖଯୋଗ୍ୟ କି, ଲୁଟ୍ ଉଦ୍ୟମ କରାଯାଇଥିବା ଏଟିଏମ୍ଟି ଥାନାଠାରୁ ପ୍ରାୟ ୨ଶହ ମିଟର ଦୂରତା ମଧ୍ୟରେ ରହିଥିବାବେଳେ ବାରମ୍ବାର ଏହା କିପରି ଘଟୁଛି ସେ ନେଇ ସାଧାରଣରେ ସନ୍ଦେହ ସୃଷ୍ଟି ହୋଇଛି।
