ଆଶାକର୍ମୀଙ୍କ ଘରୁ ୨ଶିଶୁପୁତ୍ର ଉଦ୍ଧାର

ନୟାଗଡ଼ ଅଫିସ/ଓଡ଼ଗଁା,୩।୨(ସ୍ବ.ପ୍ର.):ନୟାଗଡ଼ ଜିଲା ଓଡ଼ଗଁା ବ୍ଲକ ପାଣ୍ଡେରିପଡ଼ା ପଞ୍ଚାୟତ ମଦନପୁର ଗଁାର ଆଶାକର୍ମୀ ସସ୍ମିତା ପଣ୍ଡାଙ୍କ ଘରୁ ଗୁରୁବାର ନୟାଗଡ଼ ଚାଇଲ୍ଡ ଲାଇନ କର୍ତ୍ତୃପକ୍ଷ ୨ ଶିଶୁପୁତ୍ରଙ୍କୁ ଉଦ୍ଧାର କରିଛନ୍ତି ା ଜଣଙ୍କ ବୟସ ୪ ବର୍ଷ ହୋଇଥିବା ବେଳେ ଅନ୍ୟଜଣଙ୍କ ବୟସ ୧ ବର୍ଷ । ଶିଶୁ ପୁତ୍ର ଦୁହେଁ ଆଶା କର୍ମୀଙ୍କର ନୁହେଁ ବୋଲି ଅଭିଯୋଗ ମିଳିବା ପରେ ଚଢ଼ାଉ ହୋଇଥିଲା । ଚାଇଲ୍ଡ ଲାଇନ ପକ୍ଷରୁ ୨ ଶିଶୁଙ୍କୁ ଜିଲା ଶିଶୁ ମଙ୍ଗଳ ସମିତି(ସିଡବ୍ଲ୍ୟୁସି)ରେ ହଜାର କରାଯାଇଥିଲା । ସିଡବ୍ଲ୍ୟୁସିର ନିର୍ଦ୍ଦେଶ ଅନୁସାରେ ପିଲାଦ୍ୱୟଙ୍କୁ ଖଣ୍ଡପଡ଼ା ରୋଡର ସ୍ବତନ୍ତ୍ର ଆବାସ ଗୃହରେ ରଖାଯାଇଛି । ଅନ୍ୟପକ୍ଷେ ଘଟଣାର ତଦନ୍ତ ରିପୋର୍ଟ ମିଳିବା ପରେ ପରବର୍ତ୍ତୀ ପଦକ୍ଷେପ ନେବାକୁ ସିଡବ୍ଲ୍ୟୁସି ନିର୍ଦ୍ଦେଶ ଦେଇଛି । ତେବେ ଆଶାକର୍ମୀ ଦୁଇ ଶିଶୁପୁତ୍ରଙ୍କ ଯେଉଁ ଜନ୍ମ ପ୍ରମାଣ ପତ୍ର ଦେଖାଉଛନ୍ତି ସେଥିରେ ସନ୍ଦେହ ଉପୁଜିଥିବାରୁ ସିଡବ୍ଲ୍ୟୁସି ପ୍ରଶ୍ନ ଉଠାଇ ତଦନ୍ତ ନିର୍ଦ୍ଦେଶ ଦେଇଛି ।
ସୂଚନା ଅନୁସାରେ ଆଶାକର୍ମୀଙ୍କ ୨ ଝିଅ ଥିଲେ । ସେମାନେ ବାପାଙ୍କ ପାଖରେ ଅଛନ୍ତି । ମା’ଅଲଗା ରହୁଥିଲେ। ଏବେ ୨ଶିଶୁପୁତ୍ରଙ୍କ ନଁାରେ ଅଙ୍ଗନୱାଡିରୁ ଶିଶୁ ଖାଦ୍ୟ ଉଠାଇବା ପରେ ସନ୍ଦେହ ଉପୁଜି ଥିଲା । ୨ ମାସ ହେଲା କୁଆଡ଼େ ଶିଶୁ ଖାଦ୍ୟ ଅଙ୍ଗନୱାଡିରୁ ଆଶାକର୍ମୀ ନେଉଛନ୍ତି। ଛୁଆ ଦୁଇଟି ତାଙ୍କର ବୋଲି ଜନ୍ମପ୍ରମାଣ ପତ୍ର ଦାଖଲ କରିଥିଲେ । ଅନ୍ୟପକ୍ଷେ ୬ମାସ ହେଲା ଦୁଇ ଶିଶୁ ଆଶାକର୍ମୀଙ୍କ ଘରେ ଦେଖିବାକୁ ମିଳିଛି । ଦୁଇ ଶିଶୁଙ୍କୁ ସେ ଭୁବନେଶ୍ୱରରୁ ଆଣିଥିବା ସନ୍ଦେହ କରାଯାଉଛି । ଏନେଇ ସିଡବ୍ଲ୍ୟୁସି ସଭାପତି ସନ୍ତୋଷ କୁମାର ସାହୁ କୁହନ୍ତିି, ଓଡ଼ଗଁା ଅଞ୍ଚଳରୁ ଉଦ୍ଧାର ହୋଇଥିବା ଶିଶୁପୁତ୍ର ଦୁହେଁ ଆଶାକର୍ମୀଙ୍କର ବୋଲି ପ୍ରମାଣ ପତ୍ର ଦେଖାଇବା ଦରକାର । ସେ କେବଳ ଜନ୍ମ ପ୍ରମାଣପତ୍ର ଦେଖାଇଛନ୍ତି ଯେଉଁଥିରେ ସନ୍ଦେହ ହୋଇଛି । ଜନ୍ମ ପ୍ରମାଣ ପତ୍ର ସମେତ ଆଉ କ’ଣ ପ୍ରମାଣପତ୍ର ଅଛି ତାର ତଦନ୍ତ କରାଯିବା ପରେ ପରବର୍ତ୍ତୀ ପଦକ୍ଷେପ ନିଆଯିବ । ଏ ସଂକ୍ରାନ୍ତରେ ଆଶାକର୍ମୀ ପଣ୍ଡା କହିଛନ୍ତି, ସାନ ପୁଅଟି ମୋର ଓ ବଡ଼ପୁଅ ମୋ ବଡ ଭାଇଙ୍କର। ସାନର ବୟସ ୧ ବର୍ଷ ା ବଡ଼ ପୁଅର ବୟସ ୪ ବର୍ଷ । ମୋ ବଡ଼ ଭାଇ ଜଣେ ନାବାଳିକାଙ୍କ ସହ ସମ୍ପର୍କ ରଖିଥିଲେ । ତାଙ୍କ ଗର୍ଭରୁ ପିଲାଟି ଜନ୍ମ ନେବା ପରେ ତାକୁ ମୁଁ ଲାଳନ ପାଳନ କରୁଛି। ସାବାଳିକା ହେବା ପରେ ମୋ ବଡ଼ ଭାଇ ସମ୍ପୃକ୍ତା ନାବାଳିକାଙ୍କୁ ବିବାହ କରିଛନ୍ତି। ଛୁଆକୁ ସିଡବ୍ଲ୍ୟୁସି ନେବା ପରେ ମୋ ଭାଉଜ ଓ ଭାଇ ଆସି ସତ କଣ ଜଣାଇବେ ବୋଲି ସେ କହିଛନ୍ତି । ପିଲାଦ୍ୱୟ ଆମର ବୋଲି ମୁଁ ପ୍ରମାଣ ପତ୍ର ଦାଖଲ କରିଛି । ମୋର ଦୁଇଟି ଝିଅ, ଗୋଟିଏ ପୁଅ ା ମୋ ପୁଅ ଓଡ଼ଗଁା ଡାକ୍ତରଖାନାରେ ଜନ୍ମ ହୋଇଛି । ହେଲେ ମୋର କଥାକୁ ପୋଲିସ, ଚାଇଲ୍ଡ ଲାଇନ ଓ ସିଡବ୍ଲ୍ୟୁସି କେହି ଶୁଣୁ ନାହାନ୍ତି । ଡିଏନ୍‌ଏ ଷ୍ଟେଟ କଲେ ପୁଅ କାହାର ପ୍ରମାଣ ହୋଇଯିବ । ମୁଁ ଓ ମୋର ଭାଉଜ ଏଥିପାଇଁ ପ୍ରସ୍ତୁତ ବୋଲି ସେ କହିଛନ୍ତି । ମୋତେ ନ୍ୟାୟ ଯୋଗାଇ ଦିଆଯାଉ । ଦୁଇ ପିଲା କିପରି ମୋ ପାଖକୁ ଶୀଘ୍ର ଫେରି ଆସିବେ ସେନେଇ ବ୍ୟବସ୍ଥା କରିବାକୁ ସେ ଅନୁରୋଧ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?