Posted inଫୁରସତ

ଆଗକୁ ବିପଦ: ବିଶ୍ୱକୁ ସଞ୍ଜୀବନୀ କୋଭିଡ୍‌-୧୯

କୋଭିଡ୍‌-୧୯ ମଣିଷକୁ ଅନେକ ଶିକ୍ଷା ଦେଇଛି। ହେଲେ ପରିବେଶରେ ଯେଉଁ ସ୍ବଚ୍ଛତା ଆସିଛି ତାହା ୧୦୦ ବର୍ଷ ଭିତରେ ଦେଖିବାକୁ ମିଳି ନ ଥିଲା। ବାୟୁ ପ୍ରଦୂଷଣ ଜ୍ବାଳାରେ ଛଟପଟ ହେଉଥିବା ବିଶ୍ୱକୁ ସଞ୍ଜୀବନୀ ପାଲଟିଛି କୋଭିଡ୍‌-୧୯। ଏକ ଆକଳନ ଅନୁଯାୟୀ, ଆକାଶ ବକ୍ଷରେ ଦୈନିକ ପ୍ରାୟ ଏକ ଲକ୍ଷରୁ ଊର୍ଦ୍ଧ୍ୱ ବିମାନ ଉଡୁଥିଲା। ଭାରତୀୟ ଆକାଶରେ ଏହି ସଂଖ୍ୟା ଥିଲା ପାଖାପାଖି ୮୦୦୦। ସେହିପରି ପ୍ରତିଦିନ ଗଡୁଥିଲା ଚବିଶ କୋଟିରୁ ଊର୍ଦ୍ଧ୍ୱ ଗାଡି। ଲକ୍‌ଡାଉନ୍‌ ଘୋଷଣା ପରେ ବିମାନ, ଯାନବାହନ ଚଳାଚଳ ଏବଂ କଳକାରଖାନା ବନ୍ଦ ରହିବା ପରିବେଶକୁ ସୁଧାରି ଦେଇଛି। କେବଳ ଆକାଶ ନୁହେଁ, ମହାକାଶରେ ମଧ୍ୟ ପ୍ରଦୂଷଣ କମିଛି। ଅନୁଧ୍ୟାନରୁ ଜଣାପଡିଛି ଯେ, ଭୂପୃଷ୍ଠରେ ଜମା ହେଉଥିବା ୫୦ ପ୍ରତିଶତ ବର୍ଜ୍ୟ ପାରମ୍ପରିକ ନିର୍ମାଣ କାର୍ଯ୍ୟ ଯୋଗୁ ସୃଷ୍ଟି ହୁଏ। ଏହା ଜଳବାୟୁ ପରିବର୍ତ୍ତନର ଏକ ବଡ଼ କାରଣ। ଏଥି ଯୋଗୁ ୩୯ ପ୍ରତିଶତ କାର୍ବନ ନିର୍ଗମନ ହୋଇଥାଏ। ଲକ୍‌ଡାଉନରେ ସାରା ବିଶ୍ୱ ବନ୍ଦ ହେବା ଯୋଗୁ ପ୍ରଦୂଷଣ ଯଥେଷ୍ଟ ହ୍ରାସ ପାଇଛି। ଓଜୋନସ୍ତରରେ ସୃଷ୍ଟି ହୋଇଥିବା ଗର୍ତ୍ତ ଆପଣାଛାଏ ମରାମତି ହୋଇଯାଇଛି। ବାୟୁମଣ୍ଡଳରେ ଫେରିଥିବା ସ୍ବଚ୍ଛତା ଯୋଗୁ ପଞ୍ଜାବର ଜଳନ୍ଧର ସହରର ଲୋକେ ଦେଖିଲେଣି ହିମାଳୟ ପର୍ବତମାଳାକୁ। ଦୂଷିତ ଗଙ୍ଗା ନଦୀ ଜଳ ବ୍ୟବହାର ଉପଯୋଗୀ ହୋଇପାରିଛି। ଜଙ୍ଗଲ ପାଖ ରାସ୍ତାରେ ଏବେ ନିର୍ଭୟରେ ବିଚରଣ କରୁଛନ୍ତି ହରିଣ, କୁଟୁରା, ବିଲୁଆ ଓ ଠେକୁଆ ଆଦି ବିଭିନ୍ନ ପ୍ରାଣୀ। ଘରଚଟିଆଙ୍କ କିଚିରିମିଚିରି ଶବ୍ଦ ଶୁଣିଲେ ଏମିତି ଲାଗୁଛି, ସତେ ଯେମିତି ସେମାନେ କହୁଛନ୍ତି ପ୍ରକୃତିର ନିୟମ ମାନି ପରିବେଶକୁ ସୁସ୍ଥ ରଖ, ନଚେତ୍‌ ବିପଦ ପରେ ବିପଦ ମାଡି ଆସିବ।
ପ୍ରକୃତି ଉପରେ ମଣିଷର ମାତ୍ରାଧିକ ହସ୍ତକ୍ଷେପରେ ବିଗିଡ଼ି ଗଲାଣି ପରିବେଶ ସନ୍ତୁଳନ। ଏହା କେବଳ ମାନବ ସଭ୍ୟତା ଲାଗି ନୁହେଁ, ବରଂ ସମଗ୍ର ଜୀବଜଗତ ପାଇଁ ମହାବିପଦ ସୃଷ୍ଟି କରି ସାରିଲାଣି। ବିଶ୍ୱତାପନରେ ଅଣନିଃଶ୍ୱାସୀ ହୋଇପଡ଼ିଥିବା ସବୁଜ ଗ୍ରହ ପାଇଁ ଦିନକୁ ଦିନ ନୂଆ ନୂଆ ବିପଦ ମାଡ଼ି ଆସୁଛି। ଆଉ ଏହା ପଛରେ ପ୍ରତ୍ୟକ୍ଷ ଏବଂ ପରୋକ୍ଷ ଭାବେ ମଣିଷ ହିଁ ଦାୟୀ ବୋଲି କୁହାଯାଇପାରେ। ତାପମାତ୍ରା ବୃଦ୍ଧି ଭଳି ଭୟଙ୍କର ବିପଦ ସମ୍ମୁଖୀନ ହେଉଥିବା ପୃଥିବୀ ପାଇଁ ନୂଆ ସମସ୍ୟା ପାଲଟିଛି ମେରୁ ଅଞ୍ଚଳର ବରଫ ତରଳିବା। ଗତ ଦଶନ୍ଧି ମଧ୍ୟରେ ଏହି ସମସ୍ୟା ଜଟିଳ ଆକାର ଧାରଣ କରିଛି। ପରିଣାମ ସ୍ବରୂପ ସମୁଦ୍ରର ଜଳପତ୍ତନ ହାରାହାରି ଅଢ଼େଇ ଫୁଟ ଯାଏ ବୃଦ୍ଧି ପାଇସାରିଲାଣି। ଏହି ସମସ୍ୟାର ସମାଧାନ ନ ହେଲେ ୫୦ରୁ ଊର୍ଦ୍ଧ୍ୱ ଦେଶ ଏବଂ ସହର ଜଳସମାଧି ନେଇଯିବ। ପୃଥିବୀ ପାଇଁ ଆଉ ଗୋଟିଏ ବଡ଼ ସମସ୍ୟା ହେଲା କାର୍ବନ ନିର୍ଗମନ। ଶିଳ୍ପାୟନ ଲାଗି ଗଢ଼ି ଉଠିଥିବା ହଜାର ହଜାର ଶିଳ୍ପସଂସ୍ଥା, ଗୁଣୋତ୍ତର ପ୍ରଗତିରେ ବଢୁଥିବା ଯାନବାହନ, ଯୁଦ୍ଧଜନିତ ବିଷାକ୍ତ ଗ୍ୟାସରେ ପ୍ରକୃତି ଏବେ ଅଣନିଃଶ୍ୱାସୀ। କହିବାକୁ ଗଲେ ପ୍ରତିଦିନ ବାୟୁମଣ୍ଡଳକୁ ମଣିଷ ଛାଡୁଛି ନିଃଶ୍ୱାସର ପରମାଣୁ ବୋମା। ଏପରି କି ଖଣ୍ଡିଏ ସିଗାରେଟରୁ ନିର୍ଗତ ଅଙ୍ଗାରକାମ୍ଳ ଛାଣି ନେବା ପାଇଁ ଦରକାର ୮ଟି ବୃକ୍ଷ। ଜନସଂଖ୍ୟା ବିସ୍ଫୋରଣର ପ୍ରତିକୂଳ ପ୍ରଭାବ ପ୍ରକୃତି ଆଉ ସହିପାରୁନି। ଭୂମିର ବ୍ୟବହାରିକ ପରିବର୍ତ୍ତନ, ଜଙ୍ଗଲ କ୍ଷୟ, ପ୍ରାକୃତିକ ଆବାସସ୍ଥଳୀ ନଷ୍ଟ ପଛରେ ମଣିଷର ପ୍ରଚ୍ଛନ୍ନ ହାତ ରହିଛି। ଏଥିରୁ ମୁକ୍ତି ପାଇବାର ଏକମାତ୍ର ଉପାୟ ହେଲା ପରିବେଶର ସୁରକ୍ଷା।


Enter your email to get our daily news in your inbox.

All Right Reserved By Dharitri.Com

ପତ୍ର ଖାଇ ପାରିଲାନି: ରାଗରେ ୩୮ ସେକେଣ୍ଡରେ ବିରାଟ ଗଛ ଉପାଡ଼ିଲା ହାତୀ, ଦେଖନ୍ତୁ ଭିଡିଓ

ଆଜିକାଲି ସୋସିଆଲ ମିଡିଆରେ ଏକ ଭିଡିଓ ଖୁବ୍‌ ଭାଇରାଲ ହେଉଛି। ଭିଡିଓଟିରେ ଦେଖିବାକୁ ମିଳିଛି, ଏକ ହାତୀ ମାତ୍ର ୩୮ ସେକେଣ୍ଡରେ ଏକ ଗଛକୁ ଉପାଡ଼ି...

ଘରେ ଶୋଇଥିଲେ ମହିଳା, ଛାତ ଫଟାଇ ପଡ଼ିଲା ଉଲ୍‌କାପିଣ୍ଡ; ତା’ ପରେ…

ଭାବିଲେ ଆପଣ ଘରେ ଶୋଇଥିବେ ଆଉ ରାତିରେ ଏକ ଉଲ୍‌କାପିଣ୍ଡ ସେହି କୋଠରିରେ ପଡ଼ିବ। ସେତେବେଳେ ଆପଣଙ୍କ ଅବସ୍ଥା କ’ଣ ହେବ? ଠିକ୍‌ ଏମିତି ଏକ...

କୁକୁରକୁ ରାସ୍ତା ପାର କରାଇବା ପାଇଁ ଟ୍ରାଫିକକୁ ଅଟକାଇଲେ ପୋଲିସ

ଗାଡ଼ି ଧକ୍କାରେ ଅନେକ ସମୟରେ ନିରୀହ ପଶୁପକ୍ଷୀଙ୍କ ଜୀବନ ଯାଉଥିବା ଆମେ ଦେଖିଛୁ। ତେବେ ଏହି କରୋନା ସମୟରେ ଏମିତି ଏକ ଭିଡିଓ ସମ୍ମୁଖକୁ ଆସିଛି...

ବଡ଼ ହୁଲା ହୁପ୍‌ ବୁଲାଇ ରେକର୍ଡ

ଅଣ୍ଟା ଚାରିପଟେ ହୁଲା ହୁପ୍‌ ବୁଲାଇବା ସହଜ କଥା ନୁହେଁ। ଅନେକ ଅଭ୍ୟାସ ପରେ ଏହା ସମ୍ଭବ ହୁଏ। ତେବେ ଗେଟି କେହାୟୋଭା ନାମ୍ନୀ ଜଣେ...

ଚିପ୍ସ ପ୍ୟାକେଟ୍‌ରେ ତିଆରି କଲେ କମ୍ବଳ

କୌଣସି ଜିନିଷ ଅଦରକାରୀ ନୁହେଁ। ଅଦରକାରୀ ମନେକରୁଥିବା ଜିନିଷରୁ ବି ଅନେକ ଦରକାରୀ ଜିନିଷ ତିଆରି ହୋଇପାରେ; ଯାହା ପ୍ରମାଣିତ କରି ଦେଖାଇଛନ୍ତି ୨୩ ବର୍ଷୀୟ...

୧୦୦ ରୋଗୀଙ୍କୁ ବିଷ ଇଞ୍ଜେକ୍‌ସନ ଦେଇ ମାରିଛନ୍ତି ଏହି ନର୍ସ, କାରଣ ଜାଣିଲେ…

ସାଧାରଣତଃ ହସ୍ପିଟାଲରେ ଥିବା ନର୍ସମାନେ ରୋଗୀଙ୍କ ସେବା କରିଥାନ୍ତି। ରୋଗୀ କିପରି ସୁସ୍ଥ ହେବେ ନିଜ ଜୀବନକୁ ବାଜି ଲଗାଇ ରାତିଦିନ ଏକକରି ରୋଗୀଙ୍କ ସେବାରେ...

ଭାରତୀୟ ବଂଶୋଦ୍ଭବ ଡାକ୍ତରଙ୍କ ସମ୍ମାନାର୍ଥେ ଚକୋଲେଟ ପ୍ରସ୍ତୁତ କଲା ଏହି ଦେଶର କମ୍ପାନୀ

ଓ୍ବାଶିଂଟନ୍‌,୨୪।୭: ଆମେରିକାର ଏକ ଚକୋଲେଟ କମ୍ପାନୀ ଜଣେ ଭାରତୀୟ ବଂଶୋଦ୍ଭ ଡାକ୍ତରଙ୍କୁ ନିଆରା ଢ଼ଙ୍ଗରେ ସମ୍ମାନିତ କରିଛି। ଉକ୍ତ ଡାକ୍ତରଙ୍କ ସେବା ମନୋଭାବ ଯୋଗୁ କମ୍ପାନୀ...

ରାଶି ଅନୁଯାୟୀ ଗଣେଶଙ୍କ ପୂଜା

ମେଷ: ଏ ରାଶିର ବ୍ୟକ୍ତିମାନେ ନାଲିରଙ୍ଗର ଗଣେଶ ମୂର୍ତ୍ତି ପୂଜା କରି ଲଡୁ, ଗୁଡ଼ ଭୋଗ ଲଗାନ୍ତୁ। ବୃଷ: ଏ ରାଶିର ବ୍ୟକ୍ତି ଧଳା ରଙ୍ଗର...

Advertisement
Archives

Model This Week