Advertisement

ଅନୁଗୋଳ ସ୍ବୟଂଶାସିତ ମହାବିଦ୍ୟାଳୟ : ସ୍ନାତକରେ ୮୫.୫୩, ସ୍ନାତକୋତ୍ତରରେ ୯୭.୮୭% ରେଜଲ୍ଟ

ଅନୁଗୋଳ ଅଫିସ,୮।୬- ଅନୁଗୋଳ ସରକାରୀ ସ୍ବୟଂଶାସିତ ମହାବିଦ୍ୟାଳୟର ସ୍ନାତକ ଓ ୫ଟି ସ୍ନାତକୋତ୍ତର ବିଭାଗ ପରୀକ୍ଷା ଫଳ ଶୁକ୍ରବାର ପ୍ରକାଶ ପାଇଛି। କଳାରେ ପାସ୍‌ ହାର ୮୫.୩୧ ଥିବାବେଳେ ବିଜ୍ଞାନରେ ୯୨.୮୩ ଏବଂ ବାଣିଜ୍ୟରେ ୭୧.୮୩ ପ୍ରତିଶତ ରହିଛି। ସ୍ନାତକର ମୋଟ୍‌ ୭୮୧ ପରୀକ୍ଷାର୍ଥୀଙ୍କ ମଧ୍ୟରୁ ୮୫.୫୩ ପ୍ରତିଶତ ଅର୍ଥାତ୍‌ ୬୬୮ ଜଣ ପାସ୍‌ କରିଛନ୍ତି। ସେହିଭଳି ସ୍ନାତକୋତ୍ତରରେ ୯୪ ଜଣଙ୍କ ମଧ୍ୟରୁ ୯୨ ପରୀକ୍ଷାର୍ଥୀ ପାସ୍‌ କରିଛନ୍ତି। ସ୍ନାତକୋତ୍ତରରେ ପାସ୍‌ ହାର ୯୭.୮୭ ପ୍ରତିଶତ ଥିବା ମହାବିଦ୍ୟାଳୟ ଭାରପ୍ରାପ୍ତ ଅଧ୍ୟକ୍ଷ ଗଙ୍ଗାଧର କର ସୂଚନା ଦେଇଛନ୍ତି।
ଗତ ବର୍ଷ ଅପେକ୍ଷା ଚଳିତ ବର୍ଷ ସ୍ନାତକରେ ପାସ୍‌ ହାର ସାମାନ୍ୟ ଅଧିକ ଥିବାବେଳେ ସ୍ନାତକୋତ୍ତରରେ ୭ ପ୍ରତିଶତ ବୃଦ୍ଧି ପାଇଛି। କଳାରେ ସୁବ୍ରତ ପ୍ରଧାନ ୨୦୩୫ ନମ୍ବର ସହ ୮.୫୦ ସିଜିପିଏ ସ୍କୋର ରଖି ଟପ୍ପର ହୋଇଛନ୍ତି। ବିଜ୍ଞାନରେ ମଧୁସ୍ମିତା ବେହେରା ୨୩୪୦ ନମ୍ବର ସହ ୯.୬୨ ସିଜିପିଏ ସ୍କୋର ଓ ବାଣିଜ୍ୟରେ ଗୁରୁପ୍ରସାଦ ସାହୁ ୧୯୪୦ ନମ୍ବର ସହ ୮.୧୪ ସିଜିପିଏ ସ୍କୋର ରଖି ଟପ୍ପର ହୋଇଛନ୍ତି। ଏଥିସହ ସ୍ନାତକୋତ୍ତରରେ ଟପ୍ପର ହୋଇଥିବା ଛାତ୍ରୀଛାତ୍ରଙ୍କ ନାମ ମଧ୍ୟ ଘୋଷଣା ହୋଇଛି। ଚଳିତବର୍ଷ ସ୍ନାତକର ମୋଟ ୧୮ଟି ବିଭାଗର ଟପ୍ପରଙ୍କ ମଧ୍ୟରେ ୧୩ ଛାତ୍ରୀ ଥିବାବେଳେ ୫ ଛାତ୍ର ଅଛନ୍ତି। ଓଡ଼ିଆ ବିଭାଗରେ ଶତ ପ୍ରତିଶତ ରେଜଲ୍ଟ ହୋଇଛି। ଶିକ୍ଷା, ଭୂଗୋଳ, ରାଜନୀତି ବିଜ୍ଞାନ, ବଟନୀ, ଜୁଲୋଜି, ପଦାର୍ଥ ବିଜ୍ଞାନ, କମ୍ପ୍ୟୁଟର ସାଇନ୍ସ ଏବଂ ପ୍ରାଣୀ ବିଜ୍ଞାନ ବିଭାଗ ୯୦ ପ୍ରତିଶତରୁ ଊର୍ଦ୍ଧ୍ୱ ସଫଳତା ହାସଲ କରିଛି। ଇତିହାସ ବିଭାଗର ସଫଳତା ହାର ୭୯.୫୫ ପ୍ରତିଶତ ରହିଛି। ଭୂଗୋଳରେ ପାସ୍‌ ହାର ୯୪.୧୨, ସଂସ୍କୃତରେ ୮୧.୨୫, ଅର୍ଥନୀତିରେ ୬୮.୨୯, ଇଂଲିଶରେ ୮୦ ପ୍ରତିଶତ, ଶିକ୍ଷା ବିଭାଗରେ ୯୬.୮୮, ଦର୍ଶନଶାସ୍ତ୍ରରେ ୭୫, ରାଜନୀତି ବିଜ୍ଞାନ ବିଭାଗରେ ୯୭.୯୨ ପ୍ରତିଶତ, ସାମାଜିକ ବିଜ୍ଞାନ ବିଭାଗର ପାସ୍‌ ହାର ୭୬.୯୨ ପ୍ରତିଶତ ରହିଛି। ସେହିପରି କଳାର ଗଣିତରେ ପାସ ହାର ୮୫.୭୧ ପ୍ରତିଶତ ରହିଛି। ବିଜ୍ଞାନ ଷ୍ଟ୍ରିମ୍‌ର ଫିଜିକ୍ସ ବିଭାଗରେ ପାସ ହାର ୯୨.୫୯ ପ୍ରତିଶତ ରହିଛି। କମ୍ପୁଟର୍‌ ବିଜ୍ଞାନ ବିଭାଗରେ ୯୦.୬୩, ବଟନିରେ ୯୩.୪୪, ଗଣିତରେ ୮୫.୨୯, କେମେଷ୍ଟ୍ରିରେ ୯୮.୧୧, ଜୁଲୋଜିରେ ୯୪.୫୫ ପ୍ରତିଶତ ପାସ ହାର ରହିଛି। ବାଣିଜ୍ୟ ବିଭାଗରେ ପାସ୍‌ ହାର ୭୧.୮୪ ପ୍ରତିଶତ ରହିଛି। ବିଭାଗରେ ମୋଟ୍‌ ୧୭୪ ଜଣ ପରୀକ୍ଷା ଦେଇଥିବାବେଳେ ୪୧ ଜଣ ପ୍ରଥମ ଶ୍ରେଣୀ ଓ ୮୪ ଜଣ ଦ୍ୱିତୀୟ ଶ୍ରେଣୀ ପାସ୍‌ କରିଛନ୍ତି ବୋଲି ମହାବିଦ୍ୟାଳୟ ପରୀକ୍ଷା ନିୟନ୍ତ୍ରକ ମନୋରଞ୍ଜନ ମିଶ୍ର ସୂଚନା ଦେଇଛନ୍ତି।
ସେହିପରି ସ୍ନାତକୋତ୍ତରରେ ପଦାର୍ଥ ବିଜ୍ଞାନ ବିଭାଗରେ ୧୬ ଜଣ ପରୀକ୍ଷା ଦେଇଥିବାବେଳେ ସମସ୍ତେ ପାସ୍‌ କରିଛନ୍ତି। ସବ୍ୟସଚୀ ମଇସାଲ ୧୬୧୮ ନମ୍ବର ସହ ୯.୬୨ ସିଜିପିଏ ସ୍କୋର କରି ବିଭାଗର ଟପ୍ପର ହୋଇଛନ୍ତି। ପ୍ରାଣୀ ବିଜ୍ଞାନ ବିଭାଗରେ ଶତପ୍ରତିଶତ ପିଲା ପାସ୍‌ କରିଥିବା ବେଳେ ସିଲଭା ସାହୁ ୧୮୧୫ ନମ୍ବର ସହ ୮.୯୬ ସିଜିପିଏ ସ୍କୋର କରି ଟପ୍ପର ହୋଇଛନ୍ତି। ଖଣିଜ ଅର୍ଥନୀତିରେ ୧୨ ଜଣଙ୍କ ମଧ୍ୟରୁ ୧୧ ଜଣ ପାସ୍‌ କରିଛନ୍ତି। ସମୁଦାୟ ୧୪୫୬ ନମ୍ବର ସହ ୭.୯ ସିଜିପିଏ ସ୍କୋର କରି ବିଭାଗୀୟ ଟପ୍ପର ହୋଇଛନ୍ତି ମାନସୀ ବେହେରା। ଓଡ଼ିଆ ବିଭାଗରେ ସମସ୍ତ ୨୯ଜଣ ପାସ୍‌ କରିଥିବା ବେଳେ ୧୪୨୮ ନମ୍ବର ସହ ୮.୫ ସିଜିପିଏ ସ୍କୋର କରି ବିଭାଗୀୟ ଟପ୍ପର ହୋଇଛନ୍ତି ଅଞ୍ଜନା ସାହୁ। ରାଜନୀତି ବିଜ୍ଞାନରେ ୨୮ ଜଣଙ୍କ ମଧ୍ୟରୁ ୨୭ଜଣ ପାସ୍‌ କରିଛନ୍ତି। ୧୫୧୭ ନମ୍ବର ସହ ୮.୧୫ ସିଜିପିଏ ସ୍କୋର କରିଥିବା ସୁଚିତ୍ର ଜେନା ବିଭାଗୀୟ ଟପ୍ପର ହୋଇଥିବା ପରୀକ୍ଷା ନିୟନ୍ତ୍ରକ ମିଶ୍ର ସୂଚନା ଦେଇଛନ୍ତି। ଏହି ପରୀକ୍ଷା ଫଳ ପ୍ରକାଶ ସମୟରେ ମହାବିଦ୍ୟାଳୟ ଅଧ୍ୟକ୍ଷଙ୍କ ସମେତ ପରୀକ୍ଷା ନିୟନ୍ତ୍ରକ, ଡେପୁଟି ନିୟନ୍ତ୍ରକ ନୀଳାଞ୍ଚଳ ପଟେଲ, ସୁରେଶ ରାଜହଂସ, ପ୍ରଫେସର ବୀର କିଶୋର ରାଜ ପ୍ରମୁଖ ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ପ୍ରଦୂଷଣ ବଢ଼ାଇଲା ଦୀପାବଳି:ଅଢ଼େଇଗୁଣ ବୃଦ୍ଧି ଆଶଙ୍କା

ଅନୁଗୋଳ ଅଫିସ, ୨୯ା୧୦ ଦେଶର ପ୍ରଦୂଷିତ ଜିଲା ଓ ସହର ତାଲିକାରେ ଅନେକ ସମୟରେ ନିଜ ଉପସ୍ଥିତି ଜାହିର କରୁଥିବା ଅନୁଗୋଳର ପ୍ରଦୂଷଣ ଦୀପାବଳିରେ ବେଶ୍‌...

ଟ୍ରାଫିକ୍‌, ପାର୍କିଂ ବ୍ୟବସ୍ଥା ହେବ କଡ଼ାକଡ଼ି

ଅନୁଗୋଳ ଅଫିସ, ୨୬।୧୧ – ଅନୁଗୋଳ ଜିଲାରେ ସଡ଼କ ଦୁର୍ଘଟଣାର ହାର ହ୍ରାସ କରିବା ପାଇଁ ଗୁରୁବାର ଜିଲା ସଡ଼କ ସୁରକ୍ଷା କମିଟି ବୈଠକ ଜିଲାପାଳ...

୧୨୭ ପିଲାଙ୍କୁ ପଢାଉଛନ୍ତି ୨ ଶିକ୍ଷକ

ବଇଣ୍ଡା,୧୬।୩(ଡି.ଏନ.ଏ.) ଶିକ୍ଷାର ବିକାଶ ପାଇଁ ସରକାରଙ୍କ ଯୋଜନା ବହୁ ବିଦ୍ୟାଳୟରେ ଠିକ୍‌ ଭାବେ କାର୍ଯ୍ୟକାରୀ ହୋଇପାରୁନି। ଭିତ୍ତିଭୂମି, ଶିକ୍ଷକ ଅଭାବ ପିଲାଙ୍କ ପାଠପଢାରେ ବ୍ୟାଘାତ ସୃଷ୍ଟି କରୁଥିବାରୁ...

ବଳ ଯାହାର ବୁଢ଼ାପଙ୍କ ତାହାର

ବଅଁରପାଳ,୧୫ା୨: ଅନୁଗୋଳ ଇତିହାସରେ ଗଡ଼ ବୁଢ଼ାପଙ୍କର ସ୍ବତନ୍ତ୍ର ପରିଚୟ ରହିଛି। ଏହା ଥିଲା ରାଜା ସୋମନାଥ ସିଂହ ଜଗଦ୍ଦେବଙ୍କ ଅଭେଦ୍ୟ ଦୁର୍ଗ। କିନ୍ତୁ ବ୍ରିଟିଶ୍‌ ଶାସନ ସମୟରେ...

ଜଙ୍ଗଲ ଜଳୁଛି, ଗ୍ରାମବାସୀ ଭୟଭୀତ

ବଇଣ୍ଡା, ୬। ୪(ଡି.ଏନ.ଏ.)- ଆଠମଲ୍ଲିକ ବ୍ଲକ ସାପଘରା ପଞ୍ଚାୟତ ଲକ୍ଷ୍ମୀପୁର ଜଙ୍ଗଲରେ କିଛି ଦିନ ହେଲା ନିଆଁ ଲାଗିଛି। ଜଙ୍ଗଲ ଜଳୁଥିବାରୁ ନିକଟରେ ଥିବା ସାପଘରା,...

ବିଳମ୍ବ ହେଲାଣି ବର୍ଷେ

ବଅଁରପାଳ,୨ା୨(ଡି.ଏନ.ଏ.) ଅନୁଗୋଳ ଜିଲା ନାଲ୍‌କୋ ସ୍ମେଲଟର ଓ ସିପିପି ପ୍ଲାଣ୍ଟରେ ଶ୍ରମିକ ସଙ୍ଗଠନ ସ୍ବୀକୃତି ନିର୍ବାଚନ ବିଳମ୍ବ ହେଉଛି। ୨୦୧୭ ନିର୍ବାଚନରେ ସ୍ମେଲଟରରେ ଆଲୁମିନିୟମ ମଜଦୁର...

ହଣ୍ଡପା ସ୍ବାସ୍ଥ୍ୟକେନ୍ଦ୍ରରେ ଖାଲି ପଡ଼ିଛି ଡାକ୍ତର ପଦବୀ : ୨୦ ହଜାର ଲୋକ ହନ୍ତସନ୍ତ

ବଇଣ୍ଡା,୬ା୫(ଡି.ଏନ୍‌.ଏ)-କିଶୋରନଗର ବ୍ଲକ ହଣ୍ଡପା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଦୀର୍ଘକିଛି ମାସ ହେବ ଡାକ୍ତରୀ ପଦବୀ ଖାଲିପଡ଼ିଛି। ଫଳରେ ସ୍ବାସ୍ଥ୍ୟସେବା ବିପର୍ଯ୍ୟସ୍ତ ହୋଇପଡ଼ିଛି। ତୁରନ୍ତ ସ୍ବାସ୍ଥ୍ୟକେନ୍ଦ୍ରରେ ଜଣେ ଡାକ୍ତରଙ୍କୁ...

ପରିବାର ଚିନ୍ତାରେ ଅସହାୟ ପଦ୍ମିନୀ

ଛେଣ୍ଡିପଦା,୧୬ା୭(ସ୍ବ.ପ୍ର.) ଅନୁଗୋଳ ଜିଲା ଛେଣ୍ଡିପଦା ଥାନା ସପୋଇନାଳି ଗ୍ରାମର ଅଚ୍ୟୁତାନନ୍ଦ ବାଘ ଗତ ଗୁରୁବାର ବେକରେ ରଶି ଲାଗାଇ ଆତ୍ମହତ୍ୟା କରିବା ପରେ ତାଙ୍କ ପରିବାର...

Advertisement
Archives

Model This Week