ଜଳନ୍ଧର, ୧୯।୫: ଭାଜପା ଛାଡି କଂଗ୍ରେସ ଯୋଗଦେବା ପରେ ବି ନବଜୋତ ସିଂହ ସିଦ୍ଧୁଙ୍କ ପିଛା ଛାଡୁନି ବିବାଦ। ପଞ୍ଜାବ ସରକାରରେ ମନ୍ତ୍ରୀ ଥିବା ନବଜୋତ କୁଆଡେ ମୁଖ୍ୟମନ୍ତ୍ରୀ ଅମରିନ୍ଦର ସିଂହଙ୍କୁ ହଟାଇ ସେହି ଆସନରେ ବସିବାକୁ ଚାହୁଁଛନ୍ତି। ଏଭଳି ଅଭିଯୋଗ ଆଣିଛନ୍ତି ଖୋଦ କ୍ୟାପ୍ଟଟେନ୍ ଅମରିନ୍ଦର। ରବିବାର ଲୋକଭସମା ନିର୍ବାଚନ ପାଇଁ ଭୋଟ ଦେବାକୁ ଆସିଥିବାବେଳେ ସେ କହିଛନ୍ତି, ସିଦ୍ଧୁ ଜଣେ ମହତ୍ତ୍ୱାକାଂକ୍ଷୀ ମଣିଷ। ମୁଖ୍ୟମନ୍ତ୍ରୀ ପଦ ହାସଲ ପାଇଁ ସେ ମୋତେ ଗାଦିରୁ ହଟାଇବାକୁ ଚାହୁଁଛନ୍ତି ବୋଲି ସେ ଅଭିଯୋଗ କରିଛନ୍ତି। ସ ୨୦୧୯ ଲୋକ ସଭା ନିର୍ବାଚନରେ ସିଦ୍ଧୁଙ୍କ ପତ୍ନୀ ନବଜୋତ କୌରଙ୍କୁ ଟିକେଟ ନ ମିଳିବାରୁ ସେ କଂଗ୍ରେସ ବିରୋଧରେ ଖୋଲିଖୋଲି ଅଭିଯୋଗ କରିଥିଲେ। ଏହାକୁ ସମର୍ଥନ ଦେଇଥିଲେ ସିଦ୍ଧୁ। ଏହାପରଠାରୁ ଅମରିନ୍ଦର ଏବଂ ସିଦ୍ଧୁଙ୍କ ଭିତରେ ସମ୍ପର୍କରେ ଫାଟ ସୃଷ୍ଟି ହୋଇଥିବା କୁହାଯାଉଛି।
