ବେଆଇନ ଚିଙ୍ଗୁଡ଼ି ଚାଷ ଉଚ୍ଛେଦ ନିର୍ଦ୍ଦେଶ
2:19 amMay 29, 2019 / 21

ଛତ୍ରପୁର,୨୯ା୫(ଡି.ଏନ.ଏ.)-ଖାରି ଜଳ ଚିଙ୍ଗୁଡି ଚାଷକୁ ପ୍ରୋତ୍ସାହିତ କରିବା ପାଇଁ ଚାଷୀଙ୍କ ମଧ୍ୟରେ ସଚେତନତା ବୃଦ୍ଧି କରିବାକୁ ପ୍ରଶିକ୍ଷଣ ଶିବିର ଆୟୋଜନ ହେବ। ମଙ୍ଗଳବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ଅନୁ୍‌ଷ୍ଠିତ ବୈଠକରେ ଉପରୋକ୍ତ ନିଷ୍ପତି ହୋଇଛି। ବୈଠକରେ ଜିଲାପାଳ ବିଜୟ ଅମୃତା କୁଲାଙ୍ଗେ ଅଧ୍ୟକ୍ଷତା କରିଥିଲେ। ଗଞ୍ଜାମର ଖଲ୍ଲିକୋଟ, ଗଞ୍ଜାମ, ଛତ୍ରପୁର, ରଙ୍ଗେଇଲୁଣ୍ଡା ଓ ଚିକିଟି ବ୍ଲକର ସମୁଦ୍ର ତଟବର୍ତ୍ତୀ ଅଞ୍ଚଳ ଖାରି ଜଳ ଚିଙ୍ଗୁଡିି ଚାଷ ପାଇଁ ଉପଯୁକ୍ତ। ଯେଉଁ ଜମିଗୁଡିକ ଧାନ ଚାଷ ଉପଯୋଗୀ ନୁହେଁ ସେଥିରେ ଚିଙ୍ଗୁଡି ଚାଷ କରାଯାଇପାରିବ। ଏଥିପାଇଁ ଜିଲା କୃଷି ଓ ମତ୍ସ୍ୟ ବିଭାଗ ଯୁଗ୍ମ ଭାବେ ଅନୁଧ୍ୟାନ କରି ତଥ୍ୟ ପ୍ରଦାନ କରିବେ। ଉପକୂଳର ଶହେ ମିଟର ଦୂରତ୍ୱ ପରେ ଚିଙ୍ଗୁଡି ଚାଷ ପାଇଁ ଆବେଦନକୁ ବିଚାର କରାଯିବ। ଏଥିପାଇଁ ବ୍ୟକ୍ତିଗତ ଜମି କିମ୍ବା ଲିଜ୍‌ରେ ମିଳିଥିବା ଜମିକୁ ଅନୁମତି ପ୍ରଦାନ କରାଯାଇପାରିବ। ଏହି ଦରଖାସ୍ତ ଗୁଡିକ ଉପରେ ସିଙ୍ଗଲ ଓ୍ବିଣ୍ଡୋ ମାଧ୍ୟମରେ ନିଷ୍ପତ୍ତିି ନିଆଯିବ। ନିୟମ ମୁତାବକ ଅନୁମତି ପ୍ରଦାନ କରାଯିବ ବୋଲି ଜିଲାପାଳ କହିଥିଲେ। ଯେଉଁ ଚିଙ୍ଗୁଡି ଚାଷ ପୋଖରୀ ସମୁଦ୍ର ତଟରୁ ୧୦୦ ମିଟର ପରିସର ମଧ୍ୟରେ ଥିବ ସେଗୁଡିକୁ ବନ୍ଦ କରାଯିବ। ଯେଉଁମାନେ ବିନା ଅନୁମତିରେ ଚିଙ୍ଗୁଡି ପୋଖରୀ କରିଛନ୍ତି,ସେଗୁଡିକ ଉପରେ ମସତ୍‌ୟ, ଜଙ୍ଗଲ, ରାଜସ୍ବ ଓ ପୋଲିସକୁ ନେଇ ଉଚ୍ଛେଦ କରାଯିବ। ଚିଙ୍ଗୁଡିି ଚାଷୀଙ୍କ ସଙ୍ଗଠନର କର୍ମକର୍ତ୍ତାଙ୍କ ସହ ଆବଶ୍ୟକସ୍ଥଳେ ଆଲୋଚନା ହେବ। ବେଆଇନ୍‌ ପୋଖରୀ ଗୁଡିକର ତଦନ୍ତ ପୂର୍ବକ ବିଦ୍ୟୁତ୍‌ ସଂଯୋଗ ଚ୍ଛିନ୍ନ କରିବାକୁ ସାଉଥକୋକୁ କୁହାଯିବ। କୌଣସି ବ୍ୟକ୍ତିଙ୍କୁ ଆଇନ୍‌ ବାହାରେ ଅହେତୁକ ଅନୁକମ୍ପା ପ୍ରଦର୍ଶନ କରାଯିବ ନାହିଁ ବୋଲି ଜିଲାପାଳ କହିଥିଲେ। ଜିଲାରେ ଉପତ୍ାଦିତ ଚିଙ୍ଗୁଡିକୁ ରପ୍ତାନୀ ପାଇଁ ସମ୍ପୃକ୍ତ ବିଭାଗ ସହ ସମନ୍ବୟ ରଖାଯିବ। ଉପକୂଳବର୍ତ୍ତୀ ଅଞ୍ଚଳ ତହସିଲଦାରମାନଙ୍କୁ ସମସ୍ତ ଚିଙ୍ଗୁଡିି ପୋଖରୀ ଗୁଡିକର ଅବସ୍ଥିତି ସମ୍ପର୍କରେ ତଥ୍ୟ ମଗାଯିବ। ଯେଉଁମାନେ ସରାକରୀ ଜମିରେ ବିନା ଅନୁମତିରେ ଚିଙ୍ଗୁଡି ଚାଷ କରୁଛନ୍ତି, ସେମାନଙ୍କ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଜିଲାପାଳ ବୈଠକରେ ନିର୍ଦ୍ଦେଶ ଦେଇଛନ୍ତି। ବୈଠକରେ ଅତିରିକ୍ତ ଜିଲାପାଳ ଲକ୍ଷ୍ମୀକାନ୍ତ ସେଠୀ, ଡେପୁଟି କଲେକ୍ଟର (ରାଜସ୍ବ) ଦିବ୍ୟ ଲୋଚନ ମହନ୍ତ, ଚିକିଟି ତହସିଲଦାର ହରପ୍ରସାଦ ଭୋଇ, ମସତ୍‌ୟ ଉପନିର୍ଦ୍ଦେଶକ ଶିବ ପ୍ରସାଦ ଭୋଇ, ଜିଲା ମତ୍ସ୍ୟ ଅଧିକାରୀ ପ୍ରମୋଦ କୁମାର ରାଉତଙ୍କ ସମେତ ଅନ୍ୟାନ୍ୟ ବିଭାଗୀୟ ଅଧିକାରୀମାନେ ଯୋଗ ଦେଇଥିଲେ।