ବିଶ୍ୱ କ୍ରିକେଟରେ କିଛି ବୋଲର ଅଛନ୍ତି ଯେଉଁମାନେ ନିଜ କ୍ୟାରିୟରର ପ୍ରଥମ ବଲରେ ଉଇକେଟ ନେଇ ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି।
ଇଞ୍ଜାମାନ ଉଲ୍-ହକ୍
ପାକିସ୍ତାନ କ୍ରିକେଟ ଦଳର ପୂର୍ବତନ ଅଧିନାୟକ ଇଞ୍ଜାମାମ ଉଲ୍ ହକ ଦଳ ପାଇଁ ୧୨୦ଟି ଟେଷ୍ଟ ଖେଳି ୮୮୩୦ ରନ୍ କରିଛନ୍ତି। ସେହିପରି ୩୭୮ଟି ଏକଦିବସୀୟ ମ୍ୟାଚ୍ରେ ୧୧୭୩୯ ରନ କରିଛନ୍ତି। କିନ୍ତୁ ଜାଣନ୍ତି କି ଆବଶ୍ୟକ ପଡିଲେ ସେ ବୋଲିଂ ମଧ୍ୟ କରିଥାନ୍ତି। ସେ ଅନ୍ତର୍ଜାତୀୟ ମ୍ୟାଚର ପ୍ରଥମ ବଲ୍ରେ ଓ୍ବେଷ୍ଟଇଣ୍ଡିଜର ପ୍ରସିଦ୍ଧ ଖେଳାଳି ବ୍ରାଏନ ଲାରାଙ୍କୁ ଆଉଟ୍ କରିଥିଲେ।
ଭୁବନେଶ୍ୱର କୁମାର
ଭାରତୀୟ କ୍ରିକେଟ ଦଳର ଷ୍ଟାର ଫାଷ୍ଟ ବୋଲର ଭୁବନେଶ୍ୱର କୁମାର ମଧ୍ୟ ଏହି ତାଲିକାରେ ସାମିଲ ହୋଇଛନ୍ତି। ଡିସେମ୍ବର ୩୦ ୨୦୧୨ର ଚେନ୍ନାଇରେ ପାକିସ୍ତାନ ବିପକ୍ଷରେ ପ୍ରଥମ ଏକଦିବସୀୟ ମ୍ୟାଚ୍ ଖେଳିଥିଲେ। ଏହି ମ୍ୟାଚ୍ରେ ଭୁବନେଶ୍ୱର ମହମ୍ମଦ ହାଫିଜଙ୍କୁ ଆଉଟ୍ କରିଛନ୍ତି।
କିମୋ ପଲ୍
ଓ୍ବେଷଷ୍ଟଇଣ୍ଡିଜ କ୍ରିକେଟ ଦଳର ଅଲରାଉଣ୍ଡର କିମୋ ପଲ୍ ଆଫଗାନିସ୍ତାନ ବିପକ୍ଷରେ ମାର୍ଚ୍ଚ ୧୫, ୨୦୧୮ରେ ଏକଦିବସୀୟ ମ୍ୟାଚ୍ରେ ଡେବ୍ୟୁ କରିଥିଲେ। ଏହି ମ୍ୟାଚ୍ର ଦ୍ୱିତୀୟ ଓଭର ବୋଲିଂ କରି ପ୍ରଥମ ବଲ୍ରେ ଉଇକେଟ ନେଇଥିଲେ।
କ୍ଲାଇବ୍ ଲଏଡ
ୱେଷ୍ଟଇଣ୍ଡିଜ କ୍ରିକେଟ ଦଳର ପୂର୍ବତନ ବ୍ୟାଟ୍ସମ୍ୟାନ କ୍ଲାଇବ୍ ଲଏଡ୍ ମଧ୍ୟ ଏହି ତାଲିକାରେ ସ୍ଥାନ ପାଇଛନ୍ତି। ଦି ଓଭାଲରେ ଗ୍ରାଉଣ୍ଡରେ ଇଂଲଣ୍ଡ ବିପକ୍ଷରେ ଡେବ୍ୟୁ ମ୍ୟାଚ ଖେଳିଥିଲେ। ଏହି ମ୍ୟାଚର ପ୍ରଥମ ବଲରେ ସେ ଗୋଟିଏ ଉଇକେଟ ନେଇଥିଲେ।
କେଭିନ ଓବ୍ରାଇନ୍
ଆୟାରଲାଣ୍ଡ କ୍ରିକେଟ ଦଳର ଅଲରାଉଣ୍ଡର କେଭିନ୍ ଓବ୍ରାଇନ୍ ନିଜ ପ୍ରଥମ ଏକଦିବସୀୟ ବଲ୍ରେ ଉଇକେଟ୍ ନେଇଥିଲେ।
