ବ୍ରହ୍ମଗିରି,୩୦।୧୨(ଡି.ଏନ.ଏ): ପୁରୀ ଜିଲା ସତ୍ୟବାଦୀ ଥାନା ଅର୍ନ୍ତଗତ ସାକ୍ଷୀଗୋପାଳ-ଅଳଗୁମା ରାସ୍ତାର ପୁରୁଣା ସୋମେଶ୍ୱରପୁର ଛକ ନିକଟରେ ସୁଜାତା ପେଟ୍ରୋଲ୍ ପମ୍ପରେ ରବିବାର ରାତିରେ ଗୁଳିକାଣ୍ଡ ଘଟିଛି। ଲୁଟ୍ ଉଦ୍ଧେଶ୍ୟରେ ଦୁର୍ବୃତ୍ତମାନେ ପମ୍ପ ମାଲିକ ଶ୍ରୀକାନ୍ତରଥଙ୍କ ଉପରକୁ ଗୁଳିମାଡ଼ କରିଛନ୍ତି। ପେଟରେ ଗୁଳି ବାଜିଯିବା ଯୋଗୁ ତାଙ୍କୁ ଗୁରୁତର ଅବସ୍ଥାରେ ଭୁବନେଶ୍ୱରର… ମେଡ଼ିକାଲ୍ରେ ଭର୍ତ୍ତି କରାଯାଇଛି। ରବିବାର ରାତି ୯ଟା ବେଳେ ଏହି ଘଟଣା ଘଟିଥିଲା। ପମ୍ପ ମାଲିକ ରଥ କ୍ୟାସ୍କାଉଣ୍ଟର୍ ପାଖରେ ବସିଥିଲେ। ଗୋଟିଏ ବାଇକ୍ରେ ୩ଜଣ ଦୁର୍ବୃତ୍ତ ଆସିଥିଲେ। ତାଙ୍କ ଠାରୁ ଲୁଟ୍ ଉଦ୍ୟମ କରିଥିଲେ। କିନ୍ତୁ ବିଫଳ ହେବା ପରେ ରଥଙ୍କ ପେଟରେ ଗୋଟିଏ ରାଉ୍ଣ୍ଡ ଗୁଳି ଚଳାଇଥିଲେ ଦୁର୍ବୃତ୍ତ। ଆଖି ପିଛୁଳାକେ ସେଠାରୁ ଫେରାର୍ ହୋଇଯାଇଥିଲେ। ଗୁରୁତର ଅବସ୍ଥାରେ ରଥଙ୍କୁ କର୍ମଚାରୀମାନେ ଉଦ୍ଧାରକରି ଭୁବନେଶ୍ୱରରେ ଚିକିତ୍ସା କରୁଛନ୍ତି ା ଖବର ପାଇ ସତ୍ୟବାଦୀ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଦେଇଛନ୍ତି।
