ପୂର୍ବାଞ୍ଚଳ ଆଇଜିଙ୍କ ସମେତ ପୋଲିସ୍‌କୁ ଘେରିଲେ ଗ୍ରାମବାସୀ
7:21 amJanuary 10, 2020 / 21

ବାହାନଗା, ୧୦ା୧(ଡି.ଏନ.ଏ.)-ପାରିବାରିକ କଳହକୁ ନେଇ ଗତ ଡିସେମ୍ବର ୨୯ ତାରିଖରେ ଏକ ପରିବାରର ମା ଓ ଦୁଇ ଝିଅ ଉଭୟ ବିଷ ପିଇ ଆମତ୍ହତ୍ୟା ଉଦ୍ୟମ କରିଥିଲେ ା ସେମାନେ ବାଲେଶ୍ୱର ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିବା ବେଳେ କେତେକ ଆତ୍ମୀୟସ୍ବଜନ ପହଞ୍ଚି ସେଠାରେ ଜଣେ ଝିଅକୁ ବଳାକତ୍ାର ଉଦ୍ୟମ କରାଯାଇଥିବା ଗତ ୩୦ତାରିଖରେ ବାଲେଶ୍ୱର ଟାଉନ୍‌ ଥାନାରେ ମା’ ଓ ଝିଅ ଅଭିଯୋଗ କରିଥିଲେ। ଉକ୍ତ ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା ରୁଜୁ କରିଥିଲା। ଘଟଣାଟି ସମ୍ବେଦନଶୀଳ ହୋଇଥିବାରୁ ପୂର୍ବାଞ୍ଚଳ ଆଇଜି ଦୀପ୍ତେଶ ପଟ୍ଟନାୟକଙ୍କ ସମେତ ଟାଉନ୍‌ ଥାନା ଅଧିକାରୀ ସରୋଜିନୀ ନାୟକ ଓ ଖନ୍ତାପଡା ଥାନା ଅଧିକାରୀ ସଞ୍ଜୟ କୁମାର ପରିଡା, ଗୋପାଳପୁର ଫାଣ୍ଡି ଅଧିକାରୀ ବଂଶୀଧର ପ୍ରଧାନ ଓ ଡିଏସପି ପ୍ରମୁଖ ଏହାର ତଦନ୍ତ ପାଇଁ ସମ୍ପୃକ୍ତ ଗଁାକୁ ଯାଇଥିଲେ। ସ୍ଥାନୀୟ ଗ୍ରାମବାସୀ ଏଭଳି ଅଭିଯୋଗକୁ ସମ୍ପୂର୍ଣ୍ଣ ମିଥ୍ୟା ବୋଲି ଦର୍ଶାଇ ପୋଲିସ୍‌କୁ ଘେରି ପ୍ରତିବାଦ ଜଣାଇଥିଲେ। ଏନେଇ ଗ୍ରାମରେ ଉତ୍ତେଜନା ପ୍ରକାଶ ପାଇଥିଲା। ଜିଲା ଚିକିତ୍ସାଳୟରେ ଜଣେ ଯୁବତୀଙ୍କ ବଳାକତ୍ାର କରାଯିବା ବେଳେ ପାଖ ଶଯ୍ୟାରେ ଥିବା ଲୋକେ କିପରି ଜାଣିପାରିଲେ ନାହିଁ ବୋଲି ଗ୍ରାମବାସୀ ପୋଲିସ୍‌କୁ ପ୍ରଶ୍ନ କରିଥିଲେ। ଏଭଳି ପରିସ୍ଥିତିରେ ପୋଲିସ ଅଧିକାରୀମାନେ ବ୍ୟତିବ୍ୟସ୍ତ ହୋଇପଡିଥିଲେ। ପୂର୍ବାଞ୍ଚଳ ଆଇଜି ଲୋକଙ୍କୁ ବୁଝାଇ କହିଥିଲେ ଅଭିଯୋଗକ୍ରମେ ଏଭଳି ଘଟଣାକୁ ଗୁରୁତ୍ୱ ଦିଆଯାଇ ତଦନ୍ତ କରାଯାଉଛି, ଏଥିରେ ଭୟ କରିବାର କିଛି ନାହିଁ ା ତଦନ୍ତରେ ସହଯୋଗ କରନ୍ତୁ। ଆପଣମାନେ ଉପଯୁକ୍ତ ନ୍ୟାୟ ପାଇବେ। ଏଭଳି ପ୍ରତିଶ୍ରୁତି ପାଇ ଗ୍ରାମବାସୀ ଅଧିକାରୀମାନଙ୍କୁ ଛାଡିଥିଲେ ା