ଭଦ୍ରକ ଅଫିସ.୧୫।୬: ଭଦ୍ରକ ସହରାଞ୍ଚଳ ଥାନା ଅଧୀନସ୍ଥ ୱାର୍ଡ ନମ୍ବର ୧୩ ମୀର ସାହି ଓ ଏଲେଖା ସାହିର ଦୁଇ ସମ୍ପ୍ରଦାୟ ମଧ୍ୟରେ ରବିବାର ରାତିରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ଏକ ସମ୍ପ୍ରଦାୟର କିଛି ଖଳ ପ୍ରକୃତି ଲୋକ ହନୁମାନ ମୂର୍ତ୍ତିର ହାତ ଭାଙ୍ଗିଦେଇଥିଲେ। ଏହାକୁ କେନ୍ଦ୍ରକରି ଦୁଇ ସାହି ମଧ୍ୟରେ ତିକ୍ତତା ଲାଗିରହିଛି। ଏ ନେଇ ଏକ ସମ୍ପ୍ରଦାୟର ସାମୁହିକ ଆକ୍ରମଣରେ ଅନ୍ୟ ସମ୍ପ୍ରଦାୟର କେତେଜଣ ଯୁବକ ଆହତ ହୋଇଛନ୍ତି। ଏହି କାରଣରୁ ଉପଜିଲାପାଳ ପିତାମ୍ବର ସାମଲ ରବିବାର ସନ୍ଧ୍ୟାଠାରୁ ମଙ୍ଗଳବାର ସା ୭ ଟା ପର୍ଯ୍ୟନ୍ତ ଉକ୍ତ ଦୁଇ ସାହିରେ ୧୪୪ ଧାରା ଜାରି କରିଛନ୍ତି। ଘଟଣାସ୍ଥଳରେ ପୋଲିସ ପଇଁତରା ମାରୁଛି।
