ରାଇକିଆ,୧୭।୬(ଡି.ଏନ୍.ଏ.): ଲଦାଖ ଗାଲଓ୍ବାନ ଭ୍ୟାଲିରେ ଭାରତ-ଚାଇନା ଯବାନ ସଂଘର୍ଷରେ କନ୍ଧମାଳ ଜିଲା ରାଇକିଆ ଥାନା ବିୟରପାଙ୍ଗା ଅଞ୍ଚଳର ଜଣେ ଯବାନ ଚନ୍ଦ୍ରକାନ୍ତ ପ୍ରଧାନ ଶହୀଦ ହୋଇଛନ୍ତି। ଏ ନେଇ ସରକାରୀ ସୂତ୍ରରୁ କୌଣସି ସୂଚନା ମିଳିପାରି ନାହିଁ। ବୁଧବାର ସକାଳୁ ଏହି ଖବର ପ୍ରଚାରିତ ପରେ ରାଇକିଆ ଅଞ୍ଚଳରେ ଶୋକର ଛାୟା ଖେଳିଯାଇଛି। ଚନ୍ଦ୍ରକାନ୍ତ ଗତ ଫେବଆରୀ ୧୩ ତାରିଖରେ ଲଦାଖରେ ଯୋଗ ଦେଇଥିଲେ । ସେ ଶହୀଦ ହୋଇଥିବା ନେଇ ତାଙ୍କ ଘର ଲୋକଙ୍କୁ ସରକାରୀ ସୂତ୍ରରୁ ସୂଚନା ମିଳି ନ ଥିଲେ ହେଁ ଚନ୍ଦ୍ରକାନ୍ତଙ୍କ ସେନା ବନ୍ଧୁଙ୍କ ଠାରୁ ଏହି ସୂଚନା ମିଳିଛି। ତାଙ୍କ ବାପା ଜଣେ ଚାଷୀ ହୋଇଥିବା ବେଳେ ପରିବାରରେ ଦୁଇ ଭାଇ ଏବଂ ଦୁଇ ଭଉଣୀ ଅଛନ୍ତି ।
