ବାରଙ୍ଗ,୮।୧(ଡି.ଏନ୍.ଏ.): କେନ୍ଦ୍ରୀୟ ଟ୍ରେଡ୍ ୟୁନିୟନ ତରଫରୁ ଭାରତବନ୍ଦ ଡାକରାର ପ୍ରଭାବ ବାରଙ୍ଗ ଅଞ୍ଚଳରେ ଦେଖିବାକୁ ମିଳି ନ ଥିବାବେଳେ ଚନ୍ଦକାରେ ଏହାର ପ୍ରଭାବ ଦେଖାଦେଇଛି। ଚନ୍ଦକା ବଜାରରେ ଆନ୍ଦୋଳନକାରୀମାନଙ୍କ ତରଫରୁ ସକାଳ ୮ଟାରୁ ୧୨ଟା ପର୍ଯ୍ୟନ୍ତ ରାସ୍ତାରୋକୋ କରାଯାଇଥିଲା। ସିପିଆଇଏମ୍ର ରାଜ୍ୟସମ୍ପାଦକ ଅଳି କିଶୋର ପଟ୍ଟନାୟକ, କୃଷକସଭା ରାଜ୍ୟ ଉପସଭାପତି ଜଗନ୍ନାଥମିଶ୍ର, କୃଷକସଭା ରାଜ୍ୟ ସମ୍ପାଦକ ସୁରେଶ ପାଣିଗ୍ରାହୀ, ରାଜ୍ୟ ଆଦିବାସୀ ଶୋଷଣ ମଞ୍ଚ ଯୁଗ୍ମ ସମ୍ପାଦକ ରବିନ୍ଦ୍ର ଟୁଡୁ,ଦଳିତ ମୁକ୍ତିମଞ୍ଚ ରାଜ୍ୟସମ୍ପାଦକ ଜୟପ୍ରକାଶ ଭଞ୍ଜ ପ୍ରମୁଖ ନେତାମାନେ ଏହି ବିକ୍ଷୋଭରେ ସାମିଲ ହୋଇଥିଲେ। ଅନମୋଲବିସ୍କୁଟକମ୍ପାନୀର କର୍ମଚାରୀ, ଗୋଡିବାରୀ, ଭାଲୁଙ୍କା, ଆମ୍ବପଡିଆ, ଚନ୍ଦକାର ବିଭିର୍ଣ୍ଣ ସ୍ଥାନମାନଙ୍କରୁ ଆଦିବାସୀମାନେ ସକାଳ ୬ଟାରୁ ଶୋଭାଯାତ୍ରାରେ ବାହାରି ଚନ୍ଦକା ବଜାରଠାରେ ଏକାଠି ହେବାପରେ ୮ଟାରେ ରାସ୍ତା ଅବରୋଧ କରିଥିଲେ। ଏହି ସମୟରେ ଦରଦାମ ନିୟନ୍ତ୍ରଣ, ସର୍ବନିମ୍ନ ମାସିକ ମଜୁରୀ ୨୧ହଜାର ଟଙ୍କା କରିବା, ଶ୍ରମଆଇନର ସଂଶୋଧନ ଆଦି ୧୨ଦଫା ଦାବି ଉପରେ କେନ୍ଦ୍ରସରକାରଙ୍କୁ ଟାର୍ଗେଟ କରି ବକ୍ତବ୍ୟମାନ ଦେଇଥିଲେ। ୧୨ଟାରେ ପୋଲିସ ବିକ୍ଷୋଭକାରୀମାନଙ୍କୁ ଗିରଫ କରିବାପରେ ରାସ୍ତାରୋକୋ ହଟିଥିବା ଜଣାପଡ଼ିଛିା
